Yosua 7

1 # Yos 22:20. Konye kibucasi idwe luka Isirael koboro kaluetateleoritai: naarai abu Akan, okoku loka Karumi, okoku loka Sabidi, okoku loka Sera, loka ateker naka Yuda, koyaŋa ibore yenetateleoritai: kinep anyunyura naka EJAKAIT aluikin idwe luka Isirael.

2Kijuka Yosua ituŋa anyoun koYeriko alosit Ai, loidunyas ka Bet-aben, kari nakokide naka Bet-el, kotema kes atiar, “Koloto korota akwap.” Koloto ituŋa korota Ai. 3Koboŋut mama ejai Yosua, kotemasi ŋes atiar, “Kinyeis ituŋa kere alosit; konye koloto ilukumin iarei arai iuni aidany Ai; sirikitaar ituŋa kere alosit ŋina; naarai ikidioko lukaŋina.” 4#Leb 26:17; Ikis 28:25; 32:30; Isa 30:17; 59:2. Kwaŋin koloto ituŋa kwape ilukumin iuni ŋina, kokerata kakonyen nuka ituŋa luka Ai. 5#Yos 2:9,11; Leb 26:36; Sab 22:14. Kodanyata ituŋa luka Ai ituŋa kwape akaisauni ka lukanykape kakesi: apotu korukioto kes anyoun korute kiton Sebarim, kodanyata kes kajesa: koburut itauon luka ituŋa, kipirisiaros piris.

6 # Age 37:29; Mar 14:5,6; 2 Sam 13:31; Esr 9:3-5; Est 4:1; Yob 1:20; Asw 14:14; 1 Sam 4:12; 2 Sam 1:2; 13:19; Nek 9:1; Yob 2:12. Kocilicil Yosua ikenapen, kibiror ebuburia koiŋaren kasaduku naka EJAKAIT kiton eboŋ, ŋes ka imakio luka Isirael; komudanakis apua akwesikec. 7#Any 5:22; 2 Ika 3:10. Kotema Yosua atiar, “Wu okwe, EJAKAIT Edeke, kanukinyo itodokunia ijo ituŋa lu Yorodan, aijaikin akan naka Imorain, amudiar sio? Tiejok arai kasalito isio aiboi okekwa loka Yorodan! 8Wu EJAKAIT, atemari eoŋ ai, kedau Isirael aibelokin lukasurupokec ipuranakec! 9#Sab 83:4; Any 32:12; Mar 14:13. Naarai epupunete Ikanaanin ka luiboiete kakwap kere, kosodete alukun sio, amudiar ekosikiror kakwap: ikwaikini ijo ai ekonikiror lokapolon?”

10Kotema EJAKAIT Yosua atiar, “Konyou; kanukinyo ibiroror ijo ebuburia? 11#Yos 6:17; Asw 5:1. Adiaka Isirael; eebo, ebucasi aitutuketeka naecorakinit kes: eebo, ayaŋaasi ibore yenetateleoritai; akokwata, ejoseikis, ebwaikis da ŋin oborokec. 12#Mar 14:45; Tub 2:14; Ikis 7:26; Yos 6:18. Kanuka ŋun mam idwe luka Isirael epedorete aibwo kakonyen nuka lukasurupokec, iboŋokinete lukasurupokec ipuranakec, naarai araut luikenitai: mam bobo ajaenena kayes, dimikito kimudiasi ibore yenitateleoritai kotomakus. 13#Any 19:10; Yos 3:5. Konyou, kitalau ituŋa, kolimok kes ebe, “Kitalaunos eroko moi kedoluno: naarai inera EJAKAIT Edeke loka Isirael kwanata ebe, “Ejai ibore yenitateleoritai tomakon, ijo Isirael; mam jo ipedori abwoikin lukasurupokon, aitodol nailemaria ibore yenitateleoritai kotomakon.” 14#1 Sam 10:19-21; 14:41,42; Awa 16:33; Yok 1:7; Asw 1:24-26. Kanuka ŋun kisukunyunio moi yes kwape ejaatar atekerinikus: kosodi do ateker naeseuni EJAKAIT ikunyuni kwape ejaatar ikekiake; ekek da loeseuni EJAKAIT ikunyuni kwape ejaatar ikaliake; ekal da loeseuni EJAKAIT ikunyuni idiopet idiopet. 15#1 Sam 14:38,39; Age 34:7; Tub 20:6. Ejaun do ebe, ŋol loeseunio loejai ibore yenitateleoritai icweio kakim, ŋes ka luejaatar kere: naarai ebuca aitutuket naka EJAKAIT, naarai eswama nukabaŋaanut koIsirael.’ ”

16Kodilok Yosua anyoun tupuruc, kisukuny Isirael kwape ejaatar atekerinikec; koseunai ateker naka Yuda: 17Kisukuny ikekia luka Yuda; koseu ekek loka Iserakitin; kisukuny ekek loka Iserakitin idiopet idiopet; koseunai Sabidi: 18#Age 4:7; Mar 32:23; Awa 13:21; Yer 2:26; Asw 5:1-10. Kisukuny ekaleke idiopet idiopet: koseunai Akan, okoku loka Karumi, okoku loka Sabidi, okoku loka Sera, loka ateker naka Yuda. 19#1 Sam 6:5; Yer 13:16; Yok 9:24; Mar 5:6,7; 2 Siit 30:22; Sab 51:3; Dan 9:4. Kotema Yosua Akan atiar, “Okokuka, keŋaiŋait, kitopoloo EJAKAIT Edeke loka lsirael, kolimok ŋes aronisikon; kolimokinai eoŋ nuiswamat ijo; sirikiimunonik eoŋ” 20Koboŋok Akan Yosua atiar, “Abeit adiaka eoŋ kaneejai EJAKAIT Edeke loka Isirael, eswama nu ka nu: 21#Any 20:17; 1 Ika 21:1; 2 Ika 5:20-27; Awa 15:27; Kbk 2:9; Luk 12:15; Rom 7:7,8; Pes 5:5; 1 Tim 6:10. Naanyunia koŋatan elou loejok loka Babulon, ka isekelin#7:21 esekel ŋes apesa. akwat aarei luka epuesa, ka ibore yenika esabu yenika alaŋir naka isekelin akaisakany, abu keŋobel kes, kayaŋau kes; ido koany, ebwait kokwap kokidiŋ kewemaka, ka epuesa da ejai kwapuke.”

22Kijuka Yosua ikiyakia kokerata owema; ido koany, ebwaitai kowema, epuesa da ajai kwapuke. 23Kolemut kes kokidiŋ kewema, koyaut kes neajai Yosua, neajaas idwe kere luka Isirael; kibwaikis kes kwap akonyen nuka EJAKAIT. 24#Yos 15:7. Koyaŋa Yosua ka idwe kere luka Isirael, Akan okoku loka Sera, ka epuesa, ka elou, ka ibore yenika esabu, ka ikedwe lusap ka lupesur, ka imoŋinike ka asigirianake, ka amerekekinike, ka ewemake, ka luejaatar kere: koyaŋaasi kes aditot naka Akor. 25#Yos 6:18; 1 Ika 18:17; 1 Siit 2:7; Gal 5:12; Ikis 17:5. Kotema Yosua atiar, “Kanukinyo kiticania sio? kiticani EJAKAIT jo da lolo.” Apotu luka Isirael kere kibiribiroto ŋes kamor; kicweata kes kakim kibiribiroto da kamor. 26#Yos 8:29; 2 Sam 18:17; Aku 3:53; Ikis 13:17; 2 Sam 21:14; Isa 65:10; Kos 2:15. Kotukokisi kujuke atukit naepol naka amor, kiton lolo; kibelokin EJAKAIT ainyein adedeŋ naka anyunyurake. Ŋes amaikinere aibois ŋin ekiror, Aditot naka Akor,#7:26 Akor Apolouke Aitican. kiton lolo.

Currently Selected:

Yosua 7: AOV1961

Highlight

Copy

Compare