Yosua 12

1 # Mar 21:24; Ikis 2:24; Tub 11:18; Isa 16:2; Ikis 3:8,9. Lu kes ikabakan luka akwap, luapotu idwe luka lsirael kodanyata, kirumata akeeekwap kokekwa loka Yorodan kama eniunia akoloŋ, ageun kaditot naka Arunon kiton moru Kerumon, ka Araba kere kari nakokidc: 2Sikon ekabaka loka lmorain, loeboie koKesibon, koyaite ageun koAroer, loejai osiep loka aditot naka Arunon, ka ere loejai kidiŋ aditot, ka atutubet naka Gilead, kiton ocor Yabok, eikor loka idwe luka Amon; 3#Ikis 3:17; Yos 13:20. Ka Araba kiton aŋolol naka Kinerot, kari nakokide, ido kiton aŋolol naka Araba, ŋes aŋolol naka Abalaŋ, kari nakokide, orot loebei Bet-yesimot; ari da naka eŋalakimak, kwap neiiululuoro Pisiga: 4#Mar 21:35; Ikis 3:11. Eikor da loka Og ekabaka loka Basan, loka luedeuna luka Irepaim, loeboie koAsitarot ka Ederei, 5#Yos 13:11; Ikis 3:14; 1 Sam 27:8; 2 Sam 3:3; 13:37; 2 Ika 25:23. Loayait moru Kerumon, ka Saleea, ka Basan kere, kiton oikor loka Igesurin ka Imaakatin, ka atutubet naka Gilead, eikor loka Sikon ekabaka loka Kesibon, 6#Mar 32:33; Ikis 3:12. Apotu Musa ekejaanakinan Ioka EJAKAIT ka idwe luka Isirael kodanyata kes: koinak da Musa ekeiaanakinan loka EJAKAIT akwap nin araun airumet naka Ireubcnin, ka Igadin, ka atutubet naka ateker naka Manase.

7 # Age 14:6; 32:3. Lu kes ikabakan luka akwap luapotu Yosua ka idwe luka Isirael kodanyata kokekwa loka Yorodan kari nakoto, ageun koBaal-gad kaditot naka Lebanon kiton moru Kalak, loedolit Seir; koinak Yosua akwap ŋin araun airumet naka atekerin nuka Isirael kwape atiakanakinitere kes; 8#Any 3:8; Yos 10:40. Akwap nakiukon, ka apuutona, ka Araba, ka neijululuoro, kamodiŋ, kari naka Eŋalakimak; Ekitit, ka Emorait, ka Ekanaanit, ka Eperisit, ka Ekibit, ka Eyebusit: 9#Yos 6:2; 8:29. Ekabaka loka Yeriko, ediopet; ekabaka loka Ai, loidunyas ka Bet-el, ediopet; 10#Yos 10:23. Ekabaka loka Yerusalem, ediopet; ekabaka loka Keburon, ediopet; 11Ekabaka loka Yaramut, ediopet; ekabaka loka Lakis, ediopet; 12Ekabaka loka Egilon, ediopet; ekabaka loka Geser, ediopet; 13Ekabaka loka Debir, ediopet; ekabaka loka Geder, ediopet; 14Ekabaka loka Koruma, ediopet; ekabaka loka Arad, ediopet; 15Ekabaka loka Libuna, ediopet; ekabaka loka Adulem, ediopet; 16Ekabaka loka Makeda, ediopet; ekabaka loka Bet-el, ediopet; 17#Yos 19:13; 1 Ika 4:10. Ekabaka loka Tapua, ediopct; ekabaka loka Keper, ediopet; 18#Isa 33:9. Ekabaka loka Apek, ediopet; ekabaka loka Lasaron, ediopet; 19Ekabaka loka Madon, ediopet; ekabaka loka Kasor, ediopet; 20#Yos 11:1; 19:15. Ekabaka loka Simuron-meron, ediopet; ekabaka loka Akisap, ediopet; 21Ekabaka loka Taanak, ediopet; ekabaka loka Megido, ediopet; 22#Yos 19:37. Ekabaka loka Kedes, ediopet; ekabaka loka Yokuneam koKaramel, ediopet; 23#Age 14:1,2; Isa 9:1. Ekabaka loka Dor kamukurat naka Dor, ediopet; ekabaka loka Goiim koGiligal, cdiopet; 24ekabaka loka Tirusa, ediopet; ikabakan kere akaisauni ka lediopet.

Currently Selected:

Yosua 12: AOV1961

Highlight

Copy

Compare