Ikatubok 9

1 # Tub 8:31. Kolot Abimelek okoku loka Yerubaal Sekem mama ejaas iinacan luka totoke, kiner kakes, ka ekek kere loka ekal loka papa loka totoke, atiar, 2#Tub 8:30; Age 29:14; 2 Sam 19:13; 1 Siit 11:1; Pes 5:30; Bur 2:14. “Keŋaiŋaito, kinerata kaki kere nuka ituŋa luka Sekem ebe, ‘Arai kiiokikinito yes odwe kere luka Yerubaal luimwaasi ituŋa akaisakanykaarei, ayaite yes, arai bo ediopet ayaite yes?’ Kiitutu da ebe arai eoŋ akoitikus ka akirinikus.” 3#Age 29:15. Kinerata iinaean luka totoke nuken aki kere nuka ituŋa luka Sekem akiro ŋun kere: kokotos ikecetauon atupar Abimelek; naarai abalas cbe, “Erai onacewok.” 4#Tub 8:33; 11:3; 1 Sam 22:2; 2 Siit 13:7; Yob 30:8; Awa 12:11; Asw 17:5. Koinakis ŋul ŋes atutubeta akaisakanykaarei nuka epuesa nualemunete kotogo loka Baal-berit, nuabu Abimelek koropia ituŋa luutai luebenen, luatupito ŋes, 5#Tub 6:24; 2 Ika 10:17; 11:1; Mat 2:16,20. Kolot Opura ore loka papake, koarak ikeinacan odwe luka Yerubaal, luemwaasi ituŋa akaisakanykaarei, amoru adiopet: konye kideun Yotam eŋoorit loka Yerubaal; naarai abu konop. 6Kotukokinos ituŋa kere luka Sekem, ka ekal kere loka Milo, koloto kitaraut Abimelek ekabaka, kaneedunyas kelua loka epir loajai Sekem,

7 # Ikis 11:29; 27:11; Yos 8:33; Yok 4:20. Kelimokin Yotam nun, abu kodoka aibwo aidi naka moru Gcrisim, kodelo, kiworo, ko te ma kes atiar, “Kopupunoi, yes ituŋa luka Sekem, tetere Edeke kipupuni yes. 8#2 Ika 14:9; Tub 8:22. Kolosek apotu ikito koloto ainyonyoikin eka baka akinyet ayaite kes; kotemasi eseitun atiar, ‘Koyaai ijo sio.’ 9#Sab 104:15. Konye kotema eseitun kes atiar, ‘Enyeini kereka eoŋ akinyeteka naitopolonorere Edeke ka ituŋanan, kasodi alosit aijaŋijaŋa kokito?’ 10Kotemasi ikito etini atiar,, Bia ijo koyaai sio.’ 11Konye kotema etini kes atiar, ‘Enyeini kereka eoŋ akaiiiim, ka araitoka nukajokak, kasodi alosit aijaŋijaŋa kokito?’ 12Kotemasi ikito emusabibu atiar, ‘Bia ijo, koyaai sio.’ 13Kotema emusabibu kes atiar, ‘Enyeini kereka ebinoka, loitalakarit Edeke ka ituŋanan, kasodi alosit aijaŋijaŋa kokito?’ 14Kosodete ikito kere atemar etirir atiar, ‘Bia ijo, koyaai sio.’ 15#Isa 30:2; Dan 4:12; Kos 14:7; Mar 21:28; Esk 19:14; 2 Ika 14:9; Sab 104:16; Isa 2:13; 37:24; Esk 31:3. Kotema etirir ikito atiar, ‘Arai kinyonyoikinete yesi eoŋ akinyet kotoma abeit araun ekabakakus, kopotu do komunokinos etolimika: arai bo mam, kolom do akim kotirir, konyama iresia luka Lebanon.’

16 # Tub 8:35. “Aso do, arai iswamato yesi kabeit ka nuetenito, aitaraun Abimelek eka baka, arai da iswamakinito yesi Yerubaal ka ekaleke nuejok, ido kiswamakinito ŋes kwape ibusakinitor nueswamat: 17(Naarai abu papaka koiiik yes komam epod aijarake, koyu da yes kakan naka Midian: 18Inyoutu do yesi lolo asurokin ekalloka papaka, iarakis odweke, ituŋa akaisakanykaarei, amoru adiopet, itarautu da Abimelek okoku loka abusiatake ekabaka loeyait ituŋa luka Sekem, naarai erai onacekus;) 19#Isa 8:6; Pil 3:3; Yak 4:16. Arai iswamakinito yesi Yerubaal ka ekaleke lolo nukabeit ka nuetenito, kolelata do yesi kotoma Abimelek, ŋesi da kolele kotomakus: 20Konye arai mam, kolom do akim kotoma Abimelek, konyama ituŋa luka Sekem, ka ekalloka Milo; kolom da akim kotoma otuŋa luka Sekem, kotoma okal loka Milo, konyama Abimelek.” 21#Mar 21:16; Yos 19:8; 2 Sam 20:14. Kosi Yotam, koker, kolot Beer, kiboi kaŋina, kanuka akurian Abimelek onaceke.

22Kopolok Abimelek Isirael ikar iuni. 23#1 Sam 16:14; 18:9,10; 1 Ika 12:15; 18:19; 2 Siit 18:19-22; Isa 19:2,14; 2 Ses 2:1,11; Isa 33:1; Mat 7:2. Kijuk Edeke emoyo loerono kidin Abimelek ka ituŋa luka Sekem; kiswamakis ituŋa luka Sekem Abimelek nuka aiŋal: 24#1 Sam 15:33; 1 Ika 2:23; Est 9:5; Sab 7:16; 58:10,11; Mat 23:35. Tetere edolete nukadeden nuaponi kiswamakinai odwe akaisakanykaarei luka Yerubaal, tetere da itebeo aokotokee Abimelek onacekee, loaari kes, itebeo da ituŋa luka Sekem, luetogogonete akaninike aiar iinaeanake. 25Kibwaikis ituŋa luka Sekem ikaperunok ŋes aidia nuka ironan, konatata kere luetorete orot ŋol: kolimokinai Abimelek,

26Kobu Gaal okoku loka Ebed ka iinaeanake, koloto Sekem: komunokinos ŋes ituŋa luka Sekem. 27#Tub 8:33. Kolomasi omanikor, kodenoto imusabibunukee, kieakaeakata imusabibun, kipooto epueit, kolomasi togo loka edekekee, konyamata komatata, kikenoto Abimelek. 28#Any 5:2; 1 Sam 25:10; Age 34:2. Kotema Gaal okoku loka Ebed atiar, “Iŋai bo Abimelek, iŋai da Sekem, tape sio kiiaanakini ŋes? Mere ŋes okoku loka Yerubaal? ka Sebul ekiyakiake? ijaanakinete yesi ituŋa luka Kamor papa loka Sekem: konye sio kanukinyo tikiiaanakinia ŋes? 29#2 Sam 15:4; 1 Ika 20:11; Sab 10:3. Karai kejaas ituŋa lu akanika! Tikalema Abimelek.” Kotema ŋesi Abimelek atiar, “Kiyatak akonijore, kolom.”

30Kepupu Sebul ekayaiton ere akiro nuka Gaal okoku loka Ebed, abu akenyunyura kinep. 31Abu kijukak Abimelek ikiyakia kaiyeiyea ebe, “Koany, apotu Gaal okoku loka Ebed ka ikeinacan Sekem; ido koany, etinaikis ere asurokin joo 32Aso do, konyou kuare, ijo ka ituŋa luejaas kajo, koperut kamanat: 33#1 Sam 10:7; Lim 9:10. Kosodi tupuruc, atipet naeniunia akoloŋ, kodilok ijo anyoun asurokin ere: ido koany, kelomut ŋesi kituna luejaas kaŋes asurokin jo, iswamakini do ijo kes kwape itojokia.”

34Konyou Abimelek kuare, ka ituŋa kere luajaas kaŋes, koperut Sekem korioneta iwonon. 35Koloma Gaal okoku loka Ebed, kobwo korute kaneelomarere ore: konyou Abimelek ka ituŋa kere luajaas kaŋes kaneaperunitotor. 36#Mk 8:24. Nakeanyunia Gaal ituŋa, kotema ŋesi Sebul atiar, “Koany, ijesuna ituŋa kaidia nuka ironan.” Kotema Sebul ŋes atiar, “Tseseni ijo etolim loka iroŋan kosubite bala ituŋa.” 37Kinera Gaal bobo ebe, “Koany, ijesuna ituŋa kokidin kakwap, itorunit erioŋet ediopet orot loka elua loka Meonenim.” 38#2 Sam 2:26,27; 2 Ika 14:8; Yer 2:28; Esk 47:11; Sep 2:9. Kosodi Sebul atemar ŋes atiar, “Ai bo kwana ejai aitukukon, naibalar ebe, “Tnai bo Abimelek, tape sio kijaanakini ŋes?’ Mere ŋul ituŋa luimwanit ijo? Kenainait, koloma cabo do kitiji kes.” 39Koloma Gaal kakonyen nuka ituŋa luka Sekem, kitiji Abimelek. 40Kodap Abimelek ŋes, koker kakonyeneke, kibiroros luipu luemusunitai, kiton neelomarere orute. 41Kiboikin Abimelek Aruma: kirenea Sebul Gaal ka iinaeanake, kinyeis aiboi koSckem.

42Kosodi kanen, kapaaran naatupakini kolomas ituŋa amanat; kolimokis kesi Abimelek. 43Koyana ituŋa, kotiak kes kotoma orioneta iuni, koperut kamanat; kosesen, ido koany, kolomut ituŋa kore; konyou asurokin kes, kodany kes. 44Kokubokinos Abimelek ka irioneta luajaas kaŋes, kobwaata korute kaneelomarere ore: kokerata irioneta iarei neajaas nul kere luajaas amanat, kodanyata kes. 45#Ikis 29:23; 1 Ika 12:25; 2 Ika 3:25; Yob 8:22; Sab 9:16; 11:6; Awa 2:22; Lim 8:12,13. Kitiji Abimelek ere apaaran ŋin kere; kirum ere, koar ituŋa luajaas toma; kotiyatiya ere, koyeik abalaij.

46 # Tub 8:33; 1 Ika 18:26; 2 Ika 1:2-4; Sab 115:8; Isa 28:15-18. Kepuputu ituŋa kere lukore loeoja loka Sekem ŋun, apotu kolomasi abur nakotogo loka El-berit. 47Kolimokinai Abimelek ebe etukokina ituŋa kere lukotogo loeoja loka Sekem. 48#Sab 68:14. Kodoka Abimelek moru Salumon, ŋes ka ituŋa kere luajaas kaŋes; kitin aep kakanike, kojep atenu kokito, kitin ŋes, kibwaik okeperike: kotema ituŋa luajaas kaŋes atiar, “Nuianyutu eoŋ eswamai, kisunyito yesi da, kiswamata kwape kwaŋin.” 49Kosodete ituŋa kere aiepun ŋinituŋanan aketenut, kotupasi Abimelek, koganata kes abur, kinokokis akim aicweia abur; kotwakata do ituŋa kere lukotogo loeoja loka Sekem, kwape elukumit, ikiliok ka aŋor.

50 # Any 14:4; 2 Ika 14:10. Kosodi Abimelek alosit Tebes, kidukur asurokin Tebes, kirum ŋes, 51Konye ajai etogo loeoia loagogon toma ore, apotu ikiliok ka aŋor kere kokereasi nina, ka nul kere lukore, kogoloros kotoma, kodokasi oswi loka etogo loeoia. 52Kobu Abimelek togo loeoja, kitiii ŋes, kikunyak okek loka etogo loeoia aicwe ŋes. 53#2 Sam 11:21; Tub 4:17; Yob 31:3; Yer 49:20; 50:45; 1 Kor 1:27. Abu aberu adiopet kocakak atapen akou naka Abimelek, kobwan abelekek naka akouke. 54#1 Sam 31:4. Kosodi ŋesi anyaraun katipet ekatumunan loadakit lujiisike, kotema ŋes atiar, “Kout ekilenikon koar eoŋ, kinyeis ituŋa atemar ebe, ‘Aberu aari ŋes.’’’ Kieum ekatumunanike ŋes aipelor, kotwana. 55Keanyut ituŋa luka Isirael ebe atwana Abimelek, koloto ninituŋanan aiboisike. 56#Age 9:5,6; Yob 31:3; Sab 9:12; 11:6; Awa 5:22; 24:12; Asw 28:4; Rom 2:6; Gal 6:7; Apu 19:20,21. Kwaŋin abu Edeke kinyan aronis naka Abimelek, naabu kiswamak papake, kanuka aiar iinaeanake akaisakanykaarei. 57Aronis kere naka ituŋa luka Sekem abu Edeke kinyan kakwesikee: abu kobunok kes ekenit loka Yotam okoku loka Yerubaal.

Currently Selected:

Ikatubok 9: AOV1961

Highlight

Copy

Compare