Ikatubok 10
10
1 #
Tub 2:16; 3:9. Akaulo ka Abimelek abu Tola okoku loka Pua, okoku loka Dodo, erunanan loka Isakar, konyou aitajar Isirael; abu kiboie koSamir kakwap nakiukon naka Epuraim. 2Abu kotubok Isirael ikar akaisaarei kaluuni, kotwana, kidaikinai Samir.
3Akauloke konyou Yair, Egileadit; abu kotubok Isirael ikar akaisaarei ka luarei. 4#Tub 5:10; Ikis 3:14. Ajaas ŋes odweke akaisauni luebwanenenete isigirian akaisauni, ajaas kes ireria akaisauni, luemaikinitai Kabot-yair kiton lolo, luejaas akwap naka Gilead. 5Kotwana Yair, kidaikinai Kamon.
6 #
Tub 2:11; 4:1; 6:1; 3:1; 2:13; 3:7; 2 Siit 28:23; Sab 106:36; 1 Ika 11:33; 2 Ika 17:16. Kiswamata idwe luka Isirael bobo nueroko kakonyen nuka EJAKAIT, kijaanakis Ibaalim, ka Asitarot, ka idekesio luka Suria, ka idekesio luka Sidon, ka idekesio luka Moab, ka idekesio luka idwe luka Amon, ka idekesio luka Ipilisitian; apotu kojalata EJAKAIT, komam ijaanakinete ŋes, 7#1 Sam 12:9. Kinep anyunyura naka EJAKAIT aluikin Isirael, kogwela kes akan naka Ipilisitian, akan da naka idwe luka Amon. 8Apotu kisiyalononoto koroikis da idwe luka Isirael kokaru kanol: apotu koroikis idwe kere luka Isirael luajaas okekwa loka Yorodan akwap naka Imorain naejai Gilead, ikar itomon ka lukanykauni. 9Kodokasi idwe luka Amon Yorodan alosit aitiji Yuda ka Benyamin, ka ekal loka Epuraim; kwaŋin kiyalonon noi Isirael.
10 #
1 Sam 12:10. Komonyata idwe luka Isirael mama ejai EJAKAIT ebe, “Kidiaka kamakon, naarai kijal Ekosideke, kijaanaki Ibaalim.” 11#Any 14:30; 1 Sam 12:8; Mar 21:21; Tub 3:12,31. Kotema EJAKAIT idwe luka Isirael atiar, “Mam kereka eoŋ abu ketajar yes kaneejaas Imisirian, ka Imorain, ka idwe luka Amon, ka Ipilisitian? 12#Tub 5:19; 6:3; Sab 106:42. Apotu Isidonin da, ka Imalekain, ka Imaonin koroikis yes; ipotu komonyata kaneajai, abu eoŋ ketaiar yes kakanikee. 13#Ikis 32:15; Tub 2:12; 1 Siit 28:9; Yer 2:13. Konye kijalata eoŋ, iiaanakis ieedekesio: kanuka nun mam bobo ketaiar yes. 14#2 Ika 3:13. Koloto komonyata mama ejaas idekesio luiseutu; kitaiarata do kesi yes kapak naka icanikus.” 15#1 Sam 3:18. Kotemasi idwe luka Isirael EJAKAIT atiar, “Kidiaka; kiswamakinai ijo sio nuitoiokit ijo; konye kinainait, koyuunai sio lolo.” 16#2 Siit 7:14; Sab 106:44. Kolemasi idekesio lumo kamakee, kijaanakis EJAKAIT: kokadak eketau kanuka ican luka Isirael.
17Kosodete idwe luka Amon atukokin, kidukuroto Gilead. Kotukokinos idwe luka Isirael da, kidukuroto Misipa. 18#Age 31:49. Kotemanaros ituŋa, kes ikapolok luka Gilead ebe, “Iŋai etuŋanan loegei aitiji idwe luka Amon? Eraun ŋol ekapolon loka luibojete koGilead kere.”
Currently Selected:
Ikatubok 10: AOV1961
Highlight
Copy
Compare
Share
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.
