Ikatubok 8
8
1 #
Tub 12:1; 2 Sam 19:41. Kotemasi ituŋa luka Epuraim ŋes atiar, “Kanukinyo kikonakinia ijo sio kwana, mam ibu konyarau sio nailosio aitiji Midian?” Kitonolo pata ŋes noi. 2Kotema kes atiar, “Eswama anyoika adepar yes? Mere ejokuka luideunos luka imusabibun luka Epuraim adepar luedenete luka Abieser? 3#Sab 83:11; Tub 7:24; Sab 44:3; Awa 15:1; Rom 12:3,6. Ejaiki Edeke ikapolok luka Midian, Oreb ka Seeb, akanikus: anyoika nuabu eoŋ kapedo aswam adepar yes?” Kosodi konyet anyunyurakec aiŋoŋar, kedau ŋesi einer nun.
4Kobu Gideon Yorodan, kodoka ŋesi ka ituŋa akwat auni luajaas kaŋes, kopasito, konye kodapito. 5#Age 33:17; Sab 60:6. Kotema ŋesi ituŋa luka Sukot atiar, “Kenainait, koinakisi ituŋa lukatupito eoŋ imugatin; naarai epasito, ido adapit eoŋ Seba ka Salumuna, ikabakan luka Midian.” 6#1 Ika 20:11; 1 Sam 25:11. Kotemasi ikapolok luka Sukot atiar, “Ejaas kereka akanin nuka Seba ka Salumuna kwana akanikon, tape sio kiinakini ajorekon imugatin?” 7Kotema Gideon atiar, “Kanuka ŋun kedau EJAKAIT aijaikin Seba ka Salumuna akanika, apoopoi eoŋ akusiwat kikukwa luka amodiŋ ka ikodokodo.” 8#Age 32:30; 1 Ika 12:25. Konyou kanen kolot Penuel, kiner kakes kopone kanol; kobonokis ŋes ituŋa luka Penuel kwape abonokinioto ituŋa luka, Sukot, 9#1 Ika 22:27; Luk 12:45; 1 Ses 5:2,3. Kotema ŋesi ituŋa luka Penuel atiar, “Naaboŋunio kainapakin, atiyaikin etogo lo loeoja noi.”
10 #
Tub 7:12; 2 Ika 3:26. Ajaas Seba ka Salumuna Karikor, ka ajoresiokec kakes, ituŋa ilukumin itomon ka lukany, nul kere luedeuna luka ajore kere naka idwe lukokide: naarai apotu ituŋa ilukumin akwatat ka akaisaarei luautunito ikileŋa kotwakata. 11#Mar 32:35; Tub 18:27; Awa 17:18; 1 Ses 5:3. Kolot Gideon korot loka nul kalueboiete koweman kari nakokide naka Noba ka Yogibeka, kodany ajore; naarai etumoro ajore. 12#Sab 83:11. Kokerata Seba ka Salumuna; kodapa kes; kikam ikabakan iarei luka Midian, Seba ka Salumuna, kitubur aiore kere.
13Koboŋ Gideon okoku loka Yoas kojie anyoun kaneedokarere Keres. 14Kikam ŋesi ekatumunan lokituna luka Sukot, kinit ŋes: kitejen ŋes ikapolok luka Sukot ka imakioke, ituŋa akaisakanykaarei ka lukanykaarei. 15Kobu neajaas ituŋa luka Sukot, kotema atiar, “Koanyutu Seba ka Salumuna, lukisekelooto yesi eoŋ ebe, Ejaas kereka akanin nuka Seba ka Salumuna akanikon, tape sio kiinakini ikonituŋa luepasito emugati?” 16Koyana imakio lukore, ka ikukwa luka amodiŋ ka ikodokodo, kopoopoia ituŋa luka Sukot, 17#1 Ika 12:25. Kotiyaik etogo loeoia noi loka Penuel, koar rtuna lukore.
18 #
Tub 4:6; Sab 89:12. Kosodi ŋesi atemar Seba ka Salumuna atiar, “Aputos biai ituŋa luiarete yesi koTabor?” Kobonokis ebe, “Kwape iputor ijo, kesi da kwaŋin; ŋinituŋanan kakesi aputos kidwe luka ekabaka.” 19Kotema atiar, “Araas kesi ikainaean, odwe luka totoka; kwape ejaria EJAKAIT, arai kitajarito yesi kes, ti mam eoŋ kaar yes.” 20Kotema ŋesi Yeter ekiyaike atiar, “Konyou, koar kes.” Konye mam abu ekatumunan kout ekekileŋ: naarai akuriana, naarai ariŋa erai ekatumunan. 21#Sab 83:11. Kosodete Seba ka Salumuna atemar ebe, “Konyou ijo, koar sio: naarai kwape ejaar etuŋanan, akegogoŋ da ejai kwaŋin.” Konyou Gideon, koar Seba ka Salumuna, koyana apelia nuajaas omurisina luka ikaalaikee.
22Kosodete ituŋa luka Isirael atemar Gideon atiar, “Koyaai ijo sio, ijo ka okokukon, ka okoku loka okokukon da: naarai kitajar ijo sio kakan naka Midian.” 23#1 Sam 8:7; 10:19; Sab 10:16; 29:10; Isa 26:13; 33:22; Kos 13:10. Kotema Gideon kes atiar, “Mam akoto ayait yes, karaida okokuka ayait yes: EJAKAIT ŋes kiyai yes.” 24#Age 16:10; 25:13. Kotema Gideon kes atiar, “Ejai naakoto ailip yes, koinakinai ninitunanan itetioke lunatuna.” (Naarai ajaas kes itetio, naarai araas Isimaelin.) 25Kobonokis ebe, “Kiinakini kes ketau kaloejok.” Kopesikis egoe, koeakanakis nen ninituŋanan itetioke lunatuna. 26Alaniru naka itetio luka esabu luabu kilip arai isekelin #8:26 esekel ŋes apesa. elukumit ka akwat akanykaarei luka esabu; kogelara apelia, ka luidelos, ka inapen lumugeik luanapito ikabakan luka Midian, kogelara da irikoi Iuajaas omurisina luka ikaalaikec, 27#Tub 17:5; 18:14,17; 6:24; Any 23:33; Sab 73:27; 106:39; Ikis 7:16. Kiswamau Gideon kes epod, #8:27 epod ŋes anapito naka esasedoti. kibwaik oreke, Opura: kolot Isirael kere ŋina eporo mamakeŋ: koraun do atacit mama ejai Gideon ka ekaleke. 28Kwaŋin kitononokata idwe luka Isirael Midian kakonyenekee, mama bobo apotu kikeut akecekwes. Kiyen akwap kapaarasia nuka Gideon.
29Kolot Yerubaal okoku loka Yoas kiboikin togoke. 30#Tub 9:2,5; 10:4; 12:9,14. Ajaas Gideon odwe luaurie ŋesi akaisakanykaarei: naarai epu ŋes aijor. 31Abu akebusiat naajai Sekem kourik ŋes esapat, komaik ekekiror Abimelek. 32#Tub 6:24. Kotwana Gideon okoku loka Yoas kedau aibut ejok, kidaikinai ates naka Yoas papake, toma Opura loka Ibieserain.
33 #
Tub 2:19; 9:4. Kosodi atipet ketwana Gideon, kibelokinos idwe luka Isirael bobo, koloto eporo mama ejaas Ibaalim, kitaraut Baal-berit edekekec, 34#Sab 78:11,42; 106:13-21; Lim 12:1; Yer 2:32. Mam idwe luka Isirael apotu kiitut EJAKAIT Ekecedeke, loayuun kes kakanin nuka lukasurupokec kere kanoliwai: 35#Tub 9:16; Lim 9:14,15. Karaida aikonakin kasianut ekalloka Yerubaal, ŋes Gideon, kwape ejaatar nukajokak kere nuabu ŋesi kikonak Isirael.
Currently Selected:
Ikatubok 8: AOV1961
Highlight
Copy
Compare
Share
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.
