Ikatubok 5
5
1Kosodete Debora ka Barak okoku loka Abinoam ayoore kapaaran kaŋin ebe,
2“Naarai apotu ikeŋarenok kinarenikis Isirael,
Naarai apotu ituŋa kolunakinos ketau kaloejok,
Kituroto yesi EJAKAIT!
3“Kopuputu, yes ikabakan; kitoikisi aki, yes ikapolok;
Ayeikini eoŋ EJAKAIT:
Ayei aiturit EJAKAIT,
Edeke loka Isirael.
4 #
Ikis 33:2; Sab 68:7,8; Kbk 3:3-6; Isa 64:3. “EJAKAIT, nailosio koSeir,
Nailomunia komanikor loka Edom,
Abu akwap komaran, kodou akuj da,
Eebo, apotu idouon kitodoutu akipi,
5 #
Any 19:18; Ikis 4:11. Apotu ironan koleleata kakonyen nuka EJAKAIT,
Ijo da Sinai kakonyen nuka EJAKAIT,
Edeke loka Isirael.
6 #
Tub 3:31; Leb 26:22; Isa 33:8; Aku 1:4; 4:18. “Kapaarasia nuka Samugar okoku loka Anat,
Kapaarasia nuka Yael, amameete ituŋa korotin lukapolok, Etorito ikalotok orotin luekudukudo.
7 #
Tub 4:4-6; Isa 49:23. Apotu ikayaitok konanata koIsirael, apotu konan ata,
Aitodol naanyounio eoŋ Debora,
Naanyounio eoŋ toto kotoma Isirael.
8 #
Ikis 32:16; Tub 2:12; 1 Sam 13:19,22; Tub 4:3. Apotu koseut idekesio lukitetet;
Kosodi ejie ajaun orutei:
Atakanu kereka ebuku arai akwara
Kaneajaas ilukumin akaisaoŋon luka Isirael?
9Eomit ekatau nuka ikayaitok luka Isirael,
Luapotu kiiaikinos ketau loejok kotuna:
Kituroto yesi EJAKAIT.
10 #
Tub 12:14. “Kinerata ŋun, yes luibwanenito asigirian nul-akwanak,
Yes luibojete komukekan luejok noi,
Ka yes da luilosete korot.
11Itatamete aswamisio nuedolito nuka EJAKAIT,
Aswamisio nuedolito nuka ayaiteke kotoma Isirael,
Kolwana eeelet loka ikagumak, kaiboisio nuewokere akipi. Kosodete ituŋa luka EJAKAIT alosit orutei.
12“Kokweny, kokweny, Debora;
Kokweny, kokweny, koye ekosio!
Konyou, Barak, kijoreo lukijoreunokon,
Ŋo okoku loka Abinoam.
13Kosodete luedeuna luka ikapolok ka ituŋa aiiesun;
Abu EJAKAIT kijesun kanukan asurokin ikagogoŋok,
14 #
Tub 3:27; 4:5,6; Mar 32:39; Age 49:21. Kopotu kotoma Epuraim ŋul luejai aliasitikee toma Amalek;
Kitupito jo, Benyamin; kotunakon;
Kopotu ikayaitok kotoma Makir,
Ka nul da luetinito ebela loka ejakait kotoma Sebulun.
15Kojaas ikapolok luka Isakar kaDebora;
Kwape ajaar Isakar, ajai Barak kwaŋin;
Komotaros aditot kakejeke,
Kalelesia nuka Reuben
Abu kojaun ainerun naepol naka itauon.
16 #
Mar 32:1. Kanukinyo ibu kiboikinor anukia nuka amerekekin,
Aipup alamarun nuekutakinio isipanin?
Kalelesia nuka Reuben
Abu kojaun ainerun naepol naka itauon.
17 #
Yos 13:25; 19:29. Abu Gilead kiboikin okekwa loka Yorodan:
Dan da, kanukinyo asalakinia ŋesi ameerin?
Kiboikin Aser kopala kariri naka aŋolol,
Kiboikin ociletake.
18 #
Tub 4:10. Arai Sebulun etuŋat loabu kijaik aijarakee kiton atwanare, Naputali da, kaiboisio nuiceleleete nuka ais.
19 #
Tub 4:16; Sab 44:12. “Kopotu ikabakan kojioto;
Kosodete ikabakan luka Kanaan ejie, koTaanak kariri naka akipi nuka Megido:
Mam apotu kodumut ameda naka apesan.
20 #
Yos 10:11; Tub 4:15. Apotu lukokuju kojioto,
Apotu aacer kitijioto Sisera kotoma alositokee.
21 #
Tub 4:7. Abu ecor Kison kolelea kes cut,
Ecor ŋol lokolosek, ecor Kison.
Wu ekatau, kolot kagogoŋ!
22“Kosodete imageger luka ibalasin adamac
Kanuka atakar, atakar naka ikagogonokokec.
23 #
Tub 21:9; Nek 3:5; 1 Sam 17:47. Abala emalaika loka EJAKAIT ebe, Kikenoto yesi Meros, Kikenoto yesi noi luibojete kotomake;
Naarai mam apotu koponito aiŋarakin EJAKAIT,
Aiŋarakin EJAKAIT aitiji ikagogoŋok.
24 #
Awa 31:31; Luk 1:28. “Tsirerenio Yael adepar aŋor,
Aberu naka Keber Ekenit,
Isirerenio ŋes adepar aŋor kotoma oweman.
25Abu kilip ŋes akipi, koinak akile;
Abu koinu ŋes akinyet katuba naejok,
26Abu kitin eloit kakekan,
Kitin da anyul naka ekeswaman kakanike nakoteten;
Kibubuk Sisera kanyulike, kibubuk akonke,
Eebo, abu kicum aipelor ereeteke.
27Abu kokukum kakejeke, kibiror, koper:
Abu kokukum kakejeke, kibiror:
Neakukumio, nepenen ebirokin kotwana.
28“Abu ŋin kireik kadirisa, komony,
Komony toto naka Sisera kadirisa ebe,
‘Kanukinyo eyapia akegali abunore?
Kanukinyo erumorotor akokoron nuka agalike?’
29Apotu akenor nukacoa kobonokis ŋes,
Eebo, abu ŋesi alopet Koboŋok ebe,
30 #
Any 15:9. Mam kes edumunito lunatan, mam kes ekorokoroto lunatan?
Ŋinitunanan apese, arai bo apesur aarei; Sisera lunatan luka igoen luiculatai, Lunatan luka igoen luiculatai luesonyitai,
Luka igoen luiculatai luesonyitai iwaitin kere, komurisina luka lunatan?’
31 #
Sab 48:4,5; 58:11; Apu 6:10; 18:20; 2 Sam 23:4; Sab 37:6; Mat 13:43; Sab 19:5. “Wu EJAKAIT kooliosi do lukasurupokon kere kwaŋin!
Konye kosubito nul lueminasi ŋes bala akoloŋ naelomaria kotoma agogoŋuke.”
Kiyen akwap ikar akaisaoŋon.
Currently Selected:
Ikatubok 5: AOV1961
Highlight
Copy
Compare
Share
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.