Ikatubok 6
6
1 #
Leb 26:14; Tub 2:19; Age 25:2; Mar 25:17; Kbk 3:7. Kiswamata idwe luka Isirael nueroko kakonyen nuka EJAKAIT: kijaik EJAKAIT kes akan naka Midian ikar ikanykaarei. 2#1 Sam 13:6; Bur 11:38. Kipiko akan naka Midian Isirael: ido kanuka Midian kiswamaut idwe luka Isirael anopisia nuejaas oroŋan, ka abuai, ka abwasia nuegogon, 3#Age 29:1; Tub 7:12; 8:10; 1 Ika 4:30; Yob 1:3. Kosodi do kedau Isirael aiye ikinyom, kopotu Imidianin, ka Imalekain, ka idwe lukokide; kopotu asurokin kes. 4#Leb 26:16; Ikis 28:30; Yob 31:7,8; Yer 5:17; 12:12,13; Mik 6:15. Kidukuroto asurokin kes, komudiasi amio naka akwap, kiton Gasa, mam apotu kideut inyamat kolsirael, karaida amerekek, karaida emoŋ, karaida asigiria. 5Naarai aponito kibarenikec, ka iwemanakee, kopotu bala emaase kanuka aipues; komam kes ka ikaalaikec imarunos: kolomut akwap amudiar ŋes. 6#Sab 50:15; 78:34; Kos 5:15. Kitisil Midian Isirael; komonyata idwe luka Isirael mama ejai EJAKAIT.
7Kosodi kanen, kemonyata idwe luka Isirael mama ejai EJAKAIT kanuka Imidianin, 8Kijukak EJAKAIT idwe luka Isirael ena bi: kotema ŋol kes atiar, “Inera kwanata EJAKAIT, Edeke loka Isirael ebe, Abu kayau yes koMisiri, ketolom da kotogo loka ebulesene; 9Kayu yes kakan naka Imisirian, kakan da naka nul kere lukiroikinito yes, kerenea kes kakonyenekus, kainak yes akecekwap; 10#2 Ika 17:35; Yer 10:2. Katema yes atiar, ‘Eoŋ EJAKAIT Ekusideke; sirikiyoŋata idekesio luka Imorain, luibojete yesi kakwapukec’: konye mam yes irimarito ekaporoto.”
11 #
Yos 17:2; Tub 8:2. Kobu emalaika loka EJAKAIT kiboikin kwap olua loajai Opura, loarai loka Yoas Ebieserait: ecomi okokuke Gideon alos kaeues naka ebino, tetere ibwai itia Imidianin. 12#Age 16:7-13; Tub 13:3; Luk 1:11,28. Kitakanikin emalaika loka EJAKAIT ŋes, kotema ŋes atiar, “Ejai EJAKAIT kajo, ijo etuŋanan lokirigi loititin.” 13#Sab 89:49; Isa 59:1; 2 Siit 15:2. Kotema Gideon ŋes atiar, “Wu ekajakait, arai ejai EJAKAIT kasio, kanukinyo do kidoikinioto sio nu kere? Ai bo ejaas akeswamisio kere nukaumokin nuapotu lukapapaakosi kolimonokis sio ebe, ‘Mere kereka EJAKAIT kiyanauni sio koMisiri?’ Konye kwana kicaka EJAKAIT sio, kiiaik sio akan naka Midian.” 14#1 Sam 12:11; Bur 11:32; Yos 1:9. Kite EJAKAIT ŋes, kotema atiar, “Kolot kagogonukon na, kitaiar Isirael kakan naka Midian: mere eoŋ keiuka jo?” 15#1 Sam 9:21. Kotema ŋes atiar, “Wu EJAKAIT, ekonakini ai etaiari Isirael? Koany, erai ekakek loicana noi kotoma Manase, eoŋ da adite noi kokalloka papaka.” 16#Any 3:12; Yos 1:5. Kotema EJAKAIT ŋes atiar, “Abeit ajaun kajo, iari Imidianin bala ediopetunanan.” 17#Any 4:1. Kotema ŋes atiar, “Arai adumunit asianut kakonyenekon, kitodikinai aanyunet naitogogoni ebe ijo ŋopeŋol kinera keoŋ, 18#Age 18:3. Kenainait, sirikinyou kane, aitodol naabonunio, ayaŋaun ainakineteka, aibwaikin akonyenekon.” Kotema atiar, “Edareuni aitodol naibonunio ijo.”
19Koloma Gideon, kitemok ikalol, ka imugatin lumam itubuunitoi luka epa #6:19 epa iteml alaŋir. loka akiria; kibwaik akiriŋ odita, kibwaik da acece amot, koinu kes kokwap kelua, koinak ŋes. 20#Tub 13:19; 1 Ika 18:33. Kotema emalaika loka EJAKAIT ŋes atiar, “Kolem akiriŋ ka imugatin lumam itubuunitoi, kidokok kes amoru na, kobukok acece.” Kiswama ŋesi kwaŋin. 21#Leb 9:24; 2 Siit 7:1. Kosodi emalaika loka EJAKAIT aikeun ebelake loetinit, kotiroria akiriŋ ka imugatin lumam itubuunitoi; kolom akim kamoru, konyam akim akiriŋ ka imugatin lumam itubuunitoi; konyou emalaika loka EJAKAIT kakonyeneke, 22#Age 16:13; 32:30; Any 33:20; Tub 13:22. Koany Gideon ebe ŋes emalaika loka EJAKAIT; kotema Gideon atiar, “Wu okwe, EJAKAIT Edeke! Naarai aany emalaika loka EJAKAIT keteosi.” 23#Dan 10:19; Luk 24:36. Kotema EJAKAIT ŋes atiar, “Kinapakin; sirikuriana; mam jo itwani.” 24#Age 22:14; Any 17:15; Yer 33:16; Esk 48:35; Tub 8:32. Kosodi Gideon adukokin EJAKAIT etem nen, komaik ŋes Yawe-salom: #6:24 Yawe-salom Atolouke EJAKAIT ŋes ainapakin. kiton lolo eroko ejai Opura loka Ibieserain.
25 #
Any 34:13; Ikis 7:5; Tub 3:7. Kosodi kanen akuare nin, kotema EJAKAIT ŋes atiar, “Koyana emoŋ loka papakon, ka emoŋ lokiareit loka ikar ikanykaarei, kotiyaik etem loka Baal loejai papakon, Kojep Asera loidunyas kaŋes. 26Ido kodukok EJAKAIT Ekonideke etem kuiu kabwas kana, kopone kaloejok, koyana emoŋ lokiareit, koinak ainakinet naicweio kakito nuka Asera loiiepi.” 27#Yok 3:1. Kosodi Gideon ayaŋaar ituŋa itomon kotoma ikejaanakinakake, kiswama kwape abalar EJAKAIT ŋes: kosodi naarai akuriana ŋesi ekal loka papake ka ituŋa lukore, mam abu kopedo aswam nun paaran, kiswama kuare.
28Kenyoutu ituŋa lukore tupuruc sek, koany, atiyaikina etem loka Baal, Asera da loedunyas kaŋes aiepitai, ka emoŋ lokiareit aponi koinakinai otem loadukitoi. 29Kotemanaros ebe, “Iŋai bo iswamat akirot na?” Kosodete kenicata, kinitanasi da, kotemasi atiar, “Gideon okoku loka Yoas ŋes iswamat nin.” 30#Yok 16:2; Asw 26:9. Kosodete ituŋa lukore atemar Yoas atiar, “Kitolom okokukon, kotwana: naarai atiyaiki etem loka Baal, naarai aiep da Asera loedunyas kaŋes.” 31Kotema Yoas kere luabwoikinito ŋes atiar, “Irabakinete yesi Baal? Arai bo itaiarete yesi ŋes? Ŋolloirabakini ŋes, eario eroko atupurue: arai erai edeke, kirabakin bon, naarai atiyaiki ituŋanan eketem.” 32Komaik do ŋes kapaaran kaŋin Yerubaal,#6:32 Yerubaal Apolouke Kirab Baal. ebe, Kirabata Baal kaŋes, naarai atiyaiki etemuke.
33 #
Yos 17:16; 19:18; 1 Ika 18:45; 21:23. Kosodete Imidianin kere ka Imalekain ka idwe lukokide atukonokin; kotuboros, kidukuroto aditot naka Yesereel. 34#Tub 3:10; 11:29; 13:25; 14:6,19; 1 Siit 12:18; 2 Siit 24:20; 1 Kor 12:8-11; Mar 10:3; Tub 3:27. Konye kodoik emoyo loka EJAKAIT Gideon; kokut arupepe; kotukokin Abieser aitup ŋes. 35Kijuka ikiyakia anatar Manase kere; kotukokinos kesi da aitup ŋes: kijuka ikiyakia mama ejai Aser, ka Sebulun, ka Naputali da; kopotu nul airiamun kakes,
36Kotema Gideon Edeke atiar, “Arai itajari ijo Isirael kakanika, kwape ibu kotemaria. 37#Any 4:3-7; Ikis 32:2; Sab 72:6; Kos 6:3,4; 14:5. Koany, ebwaikini emukule loka aiul opeial; arai keiaunos akopyo omukule bon, kookito alup kere, ajenuni do eoŋ ebe itajari ijo Isirael kakanika, kwape ibu kotemaria.” 38Koiaun kwaŋin: naarai abu ŋesi kodilok anyoun tupuruc, konunuk emukule, koeu akopyo komukule, kilelebunos akip atany. 39#Age 18:32. Kotema Gideon Edeke atiar, “Kinyek anvunyurakon ainepun aluikin eoŋ, mere kener irwan na atipet bon: kenainait, kegimo irwan na bon kemukule; koonite do emukule bon, konye koiaunos akopyo alup kere.” 40Kiswama Edeke kwaŋin akuare nin: naarai aonit emukule bon, konye kojaas akopyo alup kere.
Currently Selected:
Ikatubok 6: AOV1961
Highlight
Copy
Compare
Share
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.
