Ikatubok 4
4
1 #
Tub 2:19. Kiyatakis bobo idwe luka Isirael aswam nueroko kakonyen nuka EJAKAIT, kedau Ekud atwanare. 2#Yos 11:1; 1 Sam 12:9; Sab 83:9. Kogwela kes EJAKAIT akan naka Yabin ekabaka loka Kanaan, lokeyait koKasor; ekapolon loka ajoreke ŋes Sisera, lokiboie koKaroset loka Imo. 3#Yos 17:18; Tub 1:19; 5:8; Ikis 28:29-48; Sab 106:42. Komonyata idwe luka Isirael mama ejai EJAKAIT; naarai keiaas kagalin akwat akanykaoŋon nuka asua; konara noi idwe luka Isirael ikar akaisaarei.
4 #
2 Ika 22:14; 1 Kor 1:27. Kapaarasia kanun Debora, anabi, aberu naka Lapidot, ŋes atubonokini Isirael. 5#Age 35:8. Kiboienenei da kokwap kedukut loka Debora kidin Rama ka Bet-el kakwap nakiukon naka Epuraim: kolosenenete idwe luka Isirael mamakeŋ atubonokinio. 6#Bur 11:32; Yos 19:37. Kijuka konyarau Barak okoku loka Abinoam anyoun koKedes-Naputali, kobala ebe, “Mere kicorakinit EJAKAIT Edeke loka Isirael atiar, ‘Kobea moru Tabor, koyana da ituŋa ilukumin itomon lukodwe luka Naputali, kodwe da luka Sebulun? 7#Any 14:4; Yos 11:20; Esk 38:10-16; Yok 3:11-14; Tub 5:21; 1 Ika 18:40; Sab 83:9. Eoŋ da eriuni mama ijai kocor Kison Sisera lokapolon loka ajore naka Yabin, nepepe kakegalin ka ekekodet; eoŋ da ejaikini ŋes akanikon.’” 8Kobala Barak ŋes ebe, “Arai kiupar ijo keoŋ, alosi; konye arai mam jo kiupar keoŋ, mam alosi.” 9#Tub 2:14; 3:8; Sab 44:12; Isa 50:1. Kobala ŋesi ebe, “Abeit kiupar kajo, konye alosit naikoto alosit mam eraun naka akoniibuses, naarai egwelari EJAKAIT Sisera akan naka aberu.” Konyou Debora, kouparos kaBarak oKedes, 10#Tub 5:18; Any 11:8; 1 Ika 20:10. Konyarau Barak Sebulun ka Naputali kotukokinos oKedes; kodokasi ikiliok ilukumin itomon neejai: kodoka Debora da kaŋes.
11 #
Tub 1:16; Any 3:1; 18:1; Mar 10:29; 24:21. Ketiakara Keber Ekenit kama ejaas Ikenitin, kes idwe luka Kobab, ekamuran loka Musa, kibubukinite ekewema olua loka Saananim die kaKedes.
12Kolimokinai Sisera kwape kedokaria Barak okoku loka Abinoam moru Tabor. 13Kotukonok Sisera akegalin kere, agalin nuka asua akwat akanykaoŋon, ka ituŋa kere Iukejaatar, anyoun koKaroset loka Imo kiton oeor Kison. 14#Ikis 9:3; 2 Sam 5:24; Sab 68:7; 77:17,18; Isa 52:12; Mik 2:13. Kobala Debora Barak ebe, “Konyou; naarai na ŋes apaaran naekorakinia EJAKAIT Sisera akanikon: mere EJAKAIT kinarenikinit jo?” Kosodi kijesun Barak komoru Tabor, kotupakis ituŋa ilukumin itomon, 15#Sab 83:9,10; Yos 10:10. Kitubur EJAKAIT Sisera ka akegalin kere ka aioreke da kere kakwanis naka ekileŋ kakonyen nuka Barak; kodoku Sisera kagalike koker kakeje. 16Konye kotupak Barak agalin ka ajore kiton Karoset loka Imo; koŋianak aiore kere naka Sisera akwanis naka ekileŋ; komamei etuŋanan loabu kideun,
17 #
Yob 12:21,24; 40:11,12; Sab 18:14; 107:40; Awa 29:23; Amo 5:19. Konye koker Sisera kakeje kodol owema loka Yael aberu naka Keber Ekenit: naarai kinapakina Yabin ekabaka loka Kasor kekek loka Keber Ekenit. 18Koloma Yael airiamun kaSisera, kobala ŋes ebe, “Kopau, ejakait, kopau koloma togoka; sirikiyoŋ.” Kopaa mamake koloma toma owema, kimuko ŋes kakapet. 19#Tub 5:25. Kobala ŋes ebe, “Kenainait ae adisikipi kamat; naarai kaiakit akur.” Kopuko eseme loka akile, kitamat ŋes, kosodi kimuko, 20Kolimok ŋesi ya ebe, “Kobwo kokek loka ewema, kosodi arai kebu ituŋanan kere kiinit jo atiar, ‘Ejai ediotuŋanan ne?’ kotema ebe, ‘Emamei.’’’ 21#Tub 5:26. Kosodi kolem Yael aberu naka Keber eloit loka ewema, kolem da anyul kakekan kolot ecedi, kibubuk eloit orceteke, kipelor kiton alup: naarai kejotoi aio nuipu; kiilor kotwana. 22Ido koany, kibwapite Barak Sisera, kolom Yael aisiriamaar ŋes, kolimok ebe, “Bia, ketodik etuŋanan loimoot ijo.” Kobu mama ejai; ido koany, koperi Sisera etwanit, kidiria da eloit koreeteke.
23 #
1 Siit 22:18; Nek 9:24; Sab 18:47. Kwaŋin kidono Edeke Yabin ekabaka loka Kanaan kakonyen nuka idwe luka Isirael kapaaran kaŋin. 24Kiyatanakin akan naka idwe luka Isirael aipikor Yabin ekabaka loka Kanaan, aitodol nakemudiariata Yabin ekabaka loka Kanaan.
Currently Selected:
Ikatubok 4: AOV1961
Highlight
Copy
Compare
Share
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.