Ikatubok 11
11
1 #
Tub 6:12. Kerai Yeputa Egileadit etuŋanan lokirigi, lokatitin da, arai ŋesi okoku loka naadote: Gilead ŋes aurie Yeputa. 2Kourik aberu naka Gilead ŋes idwe lusap; kosodi kepolooros odwe luka aberuke, apotu kireneasi Yeputa, kotemasi ŋes atiar, “Mam jo idumuni airumet kokal loka papawok; naarai irai ijo okoku loka aceberu.” 3#Tub 9:4; 1 Sam 22:2; 30:22-24; Yob 30:1-10; Asw 17:5. Kosodi Yeputa akerit kaneaiaas iinaeanake, kiboikin akwap naka Tob: kotukokinos ituŋa luutai neejai Yeputa, kolomasi nepepe kaŋes.
4Kosodi kanen ketuboros apaarasia, kitiiioto idwe luka Amon Isirael. 5Kosodi kitiiioto idwe luka Amon Isirael, apotu imakio luka Gilead koloto aomare Yeputa kakwap naka Tob. 6Kotemasi Yeputa atiar, “Bia, koraun ekosiiakait, tetere kitijie idwe luka Amon.” 7#Age 26:27. Kotema Yeputa imakio luka Gilead atiar, “Mere ipotu yesi kolaata eoŋ, kireŋeasi da kokal loka papaka?
Kanukinyo do iponiata neajar eoŋ naijaatar oean?” 8#Luk 17:4; Tub 10:18; Age 31:50; Yer 29:23; 42:5; Mik 1:2. Kotemasi ŋes imakio luka Gilead atiar, “Kanuka ŋun ŋes kibonunio mamakon, tetere ilosi kasio aitiji idwe luka Amon, iraun ijo lokapolonikosi loiyait luibojete koGilead kere.” 9Kotema Yeputa imakio luka Gilead atiar, “Arai kiinyakasi yesi eoŋ ore aitiii idwe luka Amon, kosodi EJAKAIT aijaikin kes eoŋ, araun kereka eoŋ lokapolonikus?” 10#Rom 1:9; 1 Ses 2:5. Kotemasi imakio luka Gilead Yeputa atiar, “EJAKAIT, ŋes ekajenaniwok; abeit kiswamai kwape ejaar akonikirot.” 11#Tub 10:17; 20:1; 1 Sam 10:17; 11:15; Awa 16:3. Kosodi Yeputa alosit kimakio luka Gilead, kodakakis ituŋa ŋes araun ekapolon, ejakait da loeyait kes: kiner Yeputa akiroke kere kakonyen nuka EJAKAIT koMisipa.
12Kijuka Yeputa ikiyakia mama ejai ekabaka loka idwe luka Amon ebe, “Inyo bo kimariai ijo keoŋ, tape ijo ibuni mamakan aitiji akakwap?” 13#Mar 21:24; Age 32:22. Koboŋok eka baka loka idwe luka Amon ikiyakia luka Yeputa ebe, “Naarai abu lsirael koyana akakwap, anyoun koArunon kiton Yabok, kiton Yorodan da, naalomunio koMisiri: asa kinyakakinai akwapin nun kainapakin.” 14Kijuka Yeputa ikiyakia bobo mama ejai ekabaka loka idwe luka Amon: 15#Mar 22:13-15; Ikis 2:9,19; 2 Siit 20:10. Kotema ŋes atiar, “Inera Yeputa kwanata ebe: Mam Isirael abu koyana akwap naka Moab karaida akwap naka idwe luka Amon: 16#Mar 14:25; Ikis 1:40; Yos 5:6; Mar 13:26; 20:1; Ikis 1:46. Konye naaponiata kesi koMisiri, abu Isirael kitor amodiŋ kiton Aŋolol Nakarenan, kodol Kades; 17#Mar 20:1,14-21. Kosodi Isirael aijukakin ekabaka loka Edom ikiyakia ebe, “Kenainait, koeamakinai ketor akwapukon’: konye mam ekabaka loka Edom abu kopup, Kwape kwaŋin kijuka mama ejai ekabaka loka Moab: konye mam abu kocam: kiboikin Isirael Kades. 18#Mar 21:4; Ikis 2:1-8; Mar 21:11. Kosodi aitor amodiŋ, kiriria akwap naka Edom, ka akwap naka Moab, kobu kariri nakokide naka akwap naka Moab, kidukuroto juwai naka Arunon; konye mam apotu kolomasi oikor loka Moab, naarai Arunon ŋes arai eikor loka Moab. 19#Mar 21:21-24; Ikis 2:26; 3:1-17; Yos 13:8-12. Kijuka Isirael ikiyakia mama ejai Sikon ekabaka loka Imorain, ekabaka loka Kesibon; kotema Isirael ŋes atiar, “Kiŋainait, koeamak sio ketoroto akwapukon adolore akwapukosi.” 20Konye mam abu Sikon komunokin Isirael aitor oikoruke: konye abu Sikon kotukok iketuŋa kere, kidukuru Yakas, kitiji Isirael. 21#Mar 21:24; Ikis 2:33,34. Abu EJAKAIT, Edeke loka Isirael kijaik Sikon ka iketuŋa kere akan naka Isirael, kodanyata kes: kwaŋin kirum Isirael akwap kere naka Imorain lueboienenete kakwap kaŋin, 22Kirumata eikor kere loka Imorain, anyoun koArunon kiton Yabok, anyoun kamodiŋ da kiton Yorodan. 23Aso abu EJAKAIT, Edeke loka Isirael kodema Imorain airumetekec kakonyen nuka iketuŋa Isirael, ikoto do ijo airum kes? 24#Mar 21:29; 1 Ika 11:7; Yer 48:7; Any 23:28,31; 34:11; Mar 33:50,54; Ikis 7:16,24; Yos 3:10; 2 Siit 7:20; Sab 44:2,3; Asw 13:19. Mam kereka jo irumi nukiinakini Kemos ekonideke jo airum? Aso ŋul luadema EJAKAIT Ekosideke airumetakee kakonyenekosi, nul kes kirumi isio. 25#Mar 22:1-6; Ikis 23:3,4; Yos 24:9; Mik 6:5. Itelekarit kereka ijo Balak okoku loka Sipor, ekabaka loka Moab? Abu ŋesi kitepeg lsirael, arai bo abu ŋesi kitiji kes? 26#Ikis 2:36. Naeboio Isirael koKesibon ka ireriake, koAroer da ka ireriake, koreria da kere luejaas osiep loka Arunon, ikar akwat auni; kanukinyo mam yes ipotu kinyakariata kes kapak kaŋin? 27#Age 18:25; Yob 9:15; Yok 5:22,23. Kanuka nun mam eoŋ adiakit kamakon, konye iswamakinit ijo eoŋ erono aitiji eoŋ: EJAKAIT, Ekatubon, ŋes etubokini lolo idwe luka Isirael ka idwe luka Amon.” 28Konye mam ekabaka loka idwe luka Amon abu kopup akiro nuejukakinit Yeputa ŋes,
29 #
Tub 3:10. Kosodi emoyo loka EJAKAIT adoikin Yeputa, kitor Gilead ka Manase, kitor da Misipe loka Gilead, konyou koMisipe loka Gilead kotubor neajaas idwe luka Amon. 30#Age 28:20; Mar 30:2; 1 Sam 1:11; Lim 5:1,2. Kiyapoik Yeputa EJAKAIT aiyaposit ebe, “Arai kiiaik ijo eut idwe luka Amon akanika, 31#Leb 27:2; 1 Sam 1:11. Ejaun do ebe, ŋin yenelomuni kokekia luka ekatogo aisiriam eoŋ, naabonunio kainapakin kaneejaas idwe luka Amon, eraun nin yenika EJAKAIT, ainakini ŋes araun ainakinet naicweio.” 32Kwaŋin kotubor Yeputa mama ejaas idwe luka Amon aitiji kes; kijaik EJAKAIT kes akanike. 33#Esk 27:17. Kodany kes anyoun koAroer kiton naidolio Minit, ireria akaisaarei, kiton Abel-keramim, kaario naepol noi, Kwaŋin kitononokai idwe luka Amon kakonyen nuka idwe luka Isirael.
34 #
Tub 10:17; Any 15:20; 1 Sam 18:6; Sab 68:25; Yer 31:4. Kobu Yeputa Misipa oreke, ido koany, kolom akokuke aismam ŋes kisiman ka ekosio: arai ŋesi atelunake; amamei ŋes ikoku yenisapat arai yenipese, dimarai nin bon. 35#Mar 30:2; Age 37:29; 42:36-38; 2 Sam 13:30,31; 18:33; Yob 1:20; Lim 5:2-5; Sab 15:4. Kosodi kanen keanyu ŋesi ŋes, abu kocil ikenapen, kotema atiar, “Otukwi, akokuka! Kitisil ijo eoŋ noi, irai ijo adiopet kotoma kanul Iukesiyalononoete eoŋ: naarai aooŋ akaituk mama ejai EJAKAIT, mam apedori aiiulakin.” 36#Mar 30:2; 2 Sam 18:19. Kotema ŋin ŋes atiar, “Papa, iwoon akoniituk mama ejai EJAKAIT; kiswamakinai eoŋ kwape ejaatar ŋun nualomunete kaitukukon; naarai kisinyana EJAKAIT jo kaneejaas lukasurupokon, kes idwe luka Amon.” 37#Age 30:23; Luk 1:25. Kotema ŋin papake atiar, “Kiswamakinai na: kinyeinai ber ilapio iarei, tetere alosi aijesar oroŋan, aimony abekonutuka, eoŋ ka apaupaka.” 38Kotema atiar, “Ape bo.” Kotwara ŋes adaun ilapio iarei: kolot, ŋes ka apaupake, komony abekonutuke koronan. 39#1 Sam 1:22. Koso di kanen kedaunos ilapio iarei, koboŋ ŋin neejai papake, lokiswamak ŋes kwape ajaar aiyapositike naeyapoikinit; mam nin abu kojeni ekiliokit. Koraun epone kotoma Isirael, 40adwe nuka Isirael alosenen ŋolikaru akiitunun akoku naka Yeputa Egileadit apaarasia aoŋon ŋolikaru.
Currently Selected:
Ikatubok 11: AOV1961
Highlight
Copy
Compare
Share
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.
