Iburanian 3

1 # Bur 4:14. Aso, iinacan lukalaunak, luimorete anyaraunio nakokuju, koomoomata Yesu, Ekiyakia ido Esasedoti lopeti lokilimonori oni. 2#Mar 12:7. Kerai ŋesi lomunot mama ejai ŋol loaseuni ŋes, kwape Musa da keraar lomunot kotogoke kere. 3Naarai ibusakinit Yesu ainakinio aibuses naepol adepar Musa, kwape edumunia loeduki etogo ayoŋio adepar etogo. 4Naarai ejai ŋolitogo ekadukonike, konye loaduki kere ŋes Edeke. 5#Mar 12:7. Musa da kerai lomunot kotogoke kere kwape ebulesit, kanuka aitejenun nuepote ainerio, 6#Pes 2:19; Kol 1:23. konye Kristo kerai lomunot kotogoke kwape okoku. Kirai oni etogoke, arai kikamuni kagogoŋ ati tiŋ ka aolobobot naka amun kiton awasia.

7 # Sab 95:7-11. Aso kwape ebalar Emoyo Lokalaunan ebe,

“Lolo, arai kiirasi ekeporoto,

8 # Any 17:7; Mar 20:2-5. Sirikitininikata ikusitauon, kwape toma aitunyunyurikinio, Kwape kapaaran naka acodunio toma amodiŋ,

9Nakakoduniata eoŋ lukapapaakus, ketemo,

Koanyutu da akaswamisio ikar akaisaoŋon.

10Ŋes abu kanyunyurikinia atur ŋin,

Kabala ebe, ‘Epaarete apaarasia kere kotauonokec;

Komam ejenete ikarotin,’

11 # Mar 14:21-23. Kwape keyapoikinia kakanyunyura ebe,

‘Mam cut elomunete aibworareteka.’ ”

12Kocoito, iinacan, kinyek ajaun kotoma idio kayesi etau loerono lomam iyuunit, lokitonyouni kama ejai Edeke lokajaran. 13#1 Ses 5:11. Konye kicorenenas ŋinipaaran, naeriŋar enyaritai “naka lolo”, kinyek aiŋal naka adiakar aitininik idio kayesi. 14#Bur 6:11; 11:1. Naarai kirau ikamorak luka Kristo, arai kikamuni kagogoŋ ageunet naka amunowok kiton awasia. 15#Sab 95:7-8. Kwape eriŋar inerai ebe,

“Lolo, arai kiirasi ekeporoto,

Sirikitininikata ikusitauon, kwape toma aitunyunyurikinio.”

16 # Mar 14:1-35; Any 17:1. Naarai lukaŋai bo kiirarete, kitunyunyurikisi? Mere kereka ŋul kere luanyounete koMisiri kanuka Musa? 17#Mar 14:29; 1 Kor 10:10. Ido lukaŋai bo luabu konyunyurik ikar akaisaoŋon? Mere kereka ŋul luapotu kodiakas, lukibirokinos akecetesin amodiŋ? 18#Mar 14:22,23. Ido lukaŋai bo luabu kiyapoik ebe mam cut elomarete aibworareteke, nabarai ŋul lueulakinete? 19Ido kianyu ebe mam apotu kopedosi alomar kanuka amamus aiyuun.

Currently Selected:

Iburanian 3: AOV1961

Highlight

Copy

Compare