Iburanian 4
4
1 #
Sab 95:11. Aso, naeriŋar aisumunet naka alomar aibworareteke esalit, kakuriakaros, kinyek idio kayesi atakanun mam edolokinit. 2Naarai oni da kilimonokinitai Akiro Nukajokak kwape kakesi; konye akirot nakiirarete mam abu koinu kes ajokis, naarai mam aponi kimorikikinai kotoma aiyuun nepepe kaŋul luapotu kiirasi. 3#Sab 95:11. Naarai oni lukidau aiyuun, kilomari toma aibworaret ŋin, kwape abalar ebe,
“Kwape keyapoikinia kakanyunyura ebe,
‘Mam cut elomunete aibworareteka,’ ”
karaida apotu aswamisioke kodaunos ameun kageunet naka akwapin. 4#Age 2:2. Naarai ejai neinerar nuka apaaran nakikanyetekaarei ebe, “Abu Edeke kibwora kapaaran nakikanyetekaarei, kotoma aswamisioke kere.” 5#Sab 95:11. Bobo da kotoma kana ebe,
“Mam cut elomunete aibworareteka.”
6Aso naarai esalit ice alomar tomake, ka ŋul da luageunete alimonokinio akiro nukajokak mam elomarete kanuka aiulanut, 7#Sab 95:7-8. bobo etiaki ŋesi apaaran ace, ebala kama ka Daudi ketubor apak naetia nen, ebe, “Lolo,” kwape abalar sek ebe,
“Lolo arai kiirasi ekeporoto,
Sirikitininikata ikusitauon.”
8 #
Ikis 31:7; Yos 22:4. Naarai arai kisiyenunit Yosua kes, timam kinera nuka apaaran ace akaulo kapaarasia kaŋun, 9Aso esalit aibworaret naka asabato mama ejaas ituŋa luka Edeke; 10#Age 2:2; Apu 14:13. naarai yenelomari aibworareteke, eyenu do ŋesi da kotoma aswamisioke, kwape abu Edeke da kiyenunia kotoma nukeŋ, 11Aso kadunyakis alomar aibworaret ŋin, kinyek Idiotuŋanan aibirokin opone ŋol loka aiulanut. 12#Yer 23:29; Isa 49:2; Pes 6:17; Yok 12:48; Apu 19:15. Naarai erai akirot naka Edeke nakajaran, nakapedor da, ekwana adepar ŋolikileŋ loekwana kowaitin kere, ipelori da kiton aitiak aijar ka emoyo, ailenyeta ka asum, emisiikin da aomisio ka nuelosikinit etau. 13Kwabo emamei isubat yenimam etakani kakonyeneke, konye imujalalas iboro kere, ido ideleleete kakonyen nuka ŋol loejaas akirowok.
14 #
Bur 3:1; 6:20; 7:26; 8:1; 9:11. Aso naarai kija ka esasedoti lopeti lokapolon, lokelomari toma akuj, Yesu Okoku loka Edeke, keketakis noi alimoriwok, 15#Bur 2:17. Naarai emamei oni esasedoti lopeti lomam epedori arieba nepepe kaoni akalanyanutuwok, konye lokecodunio kakiro kere ariaka kaoni, komam adiakar. 16#1 Yok 3:21; Rom 3:25. Aso kekunyakis katitiŋ mama ejai eicoloŋ loka asianut, tetere kitimio, kadumutu da asianut nakinarakini oni kapakio nuka eipud.
Currently Selected:
Iburanian 4: AOV1961
Highlight
Copy
Compare
Share
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.
