Iburanian 2
2
1Kanuka ŋun ibusakinit oni aiyatakin noi aibwaikin itauon ŋun nukipupu, kenyeis aikaleleorio kamakec. 2#Asw 7:38,53; Gal 3:19. Naarai arai icasit akirot nakineras imalaikan, tape eropio kadolit ŋiniibucaret ka ŋiniiulanut, 3#Bur 10:29; 12:25. kikwaikini ai kikui oni arai kijali aitajario naetia nen? Abu Ejakait kogeu alimokin ŋin, kosodete lukiirarete ŋes apotu kitogogoŋoto mamawok, 4#Mk 16:20; 1 Kor 12:4,11. Edeke da abu kitejen nepepe kakes kotoma aanyuneta ka nukaumokin, ka nukapedor nuka iponesio luegelegela, kotoma akorakineta da nuka Emoyo Lokalaunan, kwape ejaar akoteke elopet.
5Naarai mam einakinit Edeke akwapin nueponito nukinera, anonokikin imalaikan. 6#Sab 8:4-6. Konye ejai aibois naitejenunitor ediopet, kinera ebe,
“Inyo bo etuŋanan, tape jo iitunit ŋes?
Arai bo okoku loka etuŋanan, tape jo ianyanari ŋes?
7Ibu kosub ŋes nepetai airianakin ka imalaikan adaun apak naedit, Itanapit ŋes aboko naka aibuses ka ayoŋio,
Isurumit ŋes aswamisio nuka akonikanin.
8 #
1 Kor 15:27. Itononokikinit iboro kere aibwaikin kwap kakejeneke.”
9 #
Pil 2:8,9. Konye kiseseni Yesu loaponi kosubai nepetai airianakin ka imalaikan adaun apak naedit, kanuka aiticanio naka atwanare, aponi kitanapai aboko naka aibuses ka ayoŋio, tetere kanuka asianut naka Edeke, iiri atwanare kanuka ŋinituŋanan. 10#Rom 11:36. Naarai ebusakinit ŋol, loejaas iboro kere kanukeŋ, ido loepote iboro kere kamakeŋ, naeyaunia odwe luipu toma aibuses, aitodolikin ekapeleunan loka aitajariokec kanuka aisiriebio. 11#Mk 3:34,35; Mat 25:40; Yok 20:17. Naarai loitalauni ka luetalaunitai eraas kere luka ediopet. Kanuka ŋun ŋes mam irumiata ŋes ileic anyarit kes iinacan, 12#Sab 22:22. kinera ebe,
“Alimokini ikainacan ekonikiror, Keturenenei jo, kokidiŋ katukot.”
13 #
Isa 8:17,18; 2 Sam 22:3. Bobo da ebe,
“Amunoneno eoŋ ŋes.”
Ido bobo ebe,
“Koany, eoŋ ka idwe lukainak Edeke.”
14 #
2 Tim 1:10; Yok 12:31; Apu 12:10; 1 Kor 15:56. Aso naarai imorikikinete idwe aokot ka awat, abu ŋesi da elopet komor kakes ejautenekec, tetere kanuka atwanareke emudiari ŋol loejai apedor naka atwanare, ŋes Satan. 15Tetere elacakini da ŋul kere lukejaas toma obulesene apaarasia kere nuka aijarakec, kanuka akurian atwanare, 16#Isa 41:8,9. Naarai abeit mam iŋarakinit imalaikan, dimarai iŋarakinit aur naka Aburaam. 17#Sab 22:22; Pil 2:7. Ŋes iburaa ŋes aitupusio ikeinacan kotoma kere, tetere eraun esasedoti lopeti lokaitim lomunot kotoma akiro nuejaas neejai Edeke, kanuka ailuc adiakanareta nuka ituŋa. 18#Bur 4:15. Aso naarai abu ŋesi da elopet korieba ecodunio, ŋes epedoria aiŋarakin ŋul luecodunio.
Currently Selected:
Iburanian 2: AOV1961
Highlight
Copy
Compare
Share
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.
