2 Samuel 4
4
1Kepupu Is-boset okoku loka Saul ebe atwaniki Abiner Keburon, kokalanyakata akaninike, kiyaloŋoŋ oto luka Isirael kere. 2#Yos 9:17; 18:25. Ajaas Is-boset okoku loka Saul ituŋa iarei luapolokinito irioŋeta: ekiror loka ediopet Baana, ekiror loka ece Rekab, odwe luka Rimon Ebeerotit, loka idwe luka Benyamin: (naarai imarakinitai Beerot da araun loka Benyamin: 3#Nek 11:33. Kokerata Ibeerotin Gitaim, apotu kiboiororoto kanen kiton lolo.)
4 #
2 Sam 9:3; 1 Sam 29:1; 1 Siit 8:34. Kejai Yonatan okoku loka Saul okoku loaŋwalito akejeke kere. Kerai loka ikar ikany kedolut akiro nuka Saul ka Yonatan koYesereel, kodak akasaanike ŋes kokerearia: kosodi kanen, kisunyak ŋin akerit, kibiror ikoku, koraun eŋwalas, Ekekiror Mepiboset.
5Koloto odwe luka Rimon Ebeerotit, Rekab ka Baana, kodolut togo loka Is-boset kapak naamwaniar akoloŋ, kapak naeyenuŋia ŋesi paaran. 6#Tub 5:25; Sab 147:14; 2 Sam 2:23; 3:27. Apiesi aberu naedari ekek loka etogo akima, kiluranar, kojotoi; koceda iinaean Rekab ka Baana kaiyeiyea kolomasi togo. 7#1 Sam 17:54; 31:9; Mat 14:11. Kelomasi togo koperi Is-boset koitadake kagolake naperot, kinomata ŋes, koarata, kojepasi akouke, koyaŋaasi akouke, kitoroto orot loka Araba akuare kere. 8#1 Sam 19:2; 23:15; 25:29. Koyaut akou naka Is-boset mama ejai Daudi Keburon, kotemasi ekabaka atiar, “Koany akou naka Is-boset okoku loka Saul lokasurupikon, loakoto aijarakon; enyaŋaki EJAKAIT ekajakait ekabaka kanuka Saul ka aurike lolo.” 9#Age 48:16; 1 Ika 1:29; Sab 31:7; 103:4; 106:10. Koboŋok Daudi Rekab ka Baana onaceke, odwe luka Rimon Ebeerorit, ebe, “Kwape ejaria EJAKAIT, loalakuni aijaraka koean kere, 10#2 Sam 1:1-16. Nakalimokinia kolo etuŋanan eoŋ ebe, ‘Koany, atwana Saul,’ koomite ebe kainunit akiro nukajokak, kekam ŋes, kaara ŋes koSikilag, ŋes eropitike loabu kainak ŋes kanuka akiroke. 11#Age 9:5,6. Nakeariata ituŋa lukarokok etuŋanan loedolit kotogoke koitadake, mam eyatakini noi aitepesen aokotoke kakanikus, alemari yes kakwap?” 12#2 Sam 3:32. Kicorak Daudi ikatumunakake, koarata kes, kotubonosi akaninikec, ka akejenekec, kikajakis kes eiduny katapar koKeburon. Konye koyaŋaasi akou naka Is-boset, kidaikis ates naka Abiner Keburon.
Currently Selected:
2 Samuel 4: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.