2 Samuel 5
5
1 #
1 Siit 12:23; Age 29:14. Kosodete atekerin kere nuka Isirael aponare mama ejai Daudi Keburon, kotemasi atiar, “Koany, kirai isio akoitikon ka akirinikon. 2#1 Sam 18:13; 16:1; 2 Sam 7:7; Sab 78:71. Kapakio nuatuboros nakeraar Saul ekabakawok, ibu ijo kitoloma kitolom da Isirael: abu EJAKAIT kotema jo atiar, ‘Itanyamenenei ijo ikatuŋa Isirael, iraun ijo ekapolon koIsirael.’” 3#1 Siit 11:3; 2 Ika 11:17; Tub 11:11; 1 Sam 23:18. Kwaŋin kopotu imakio kere luka Isirael mama ejai ekabaka Keburon; kitutuk ekabaka Daudi kakes koKeburon kakonyen nuka EJAKAIT: kinyonyoikis Daudi akinyet araun ekabaka koIsirael.
4 #
1 Ika 2:11; 1 Siit 3:4; 29:27; 26:31. Kerai Daudi loka ikar akaisauni naageunia airum, kirumak ikar akaisaoŋon. 5Kirum Yuda koKeburon ikar ikanykaarei ka ilapio ikanykape: kirum Isirael kere ka Yuda koYerusalem ikar akaisauni ka luuni.
6 #
Yos 15:63; Tub 1:21; 19:11. Kolot ekabaka ka ituŋake Yerusalem aitiji Iyebusin, ikulepek akwap: luapotu kolimokis Daudi ebe, “Mam ilomuni ne dimarai kilema ijo imudukiok ka iŋwalasik.” Koomito ebe, “Mam Daudi epedori alomun ne,” 7Konye kirum Daudi ere loabwaitai kagogoŋ loka Sion; ŋes ere loka Daudi. 8#1 Siit 11:6. Kotema Daudi kapaaran kaŋin ebe, “Ŋolituŋanan loedanyi Iyebusin, kodoka neeleleete akip, kodany iŋwalasik ka imudukiok lualait etau loka Daudi.” Ŋes etemariata ebe, “Mam imudukiok ka iŋwalasik epedorete alomar togo.” 9#Tub 9:6,20; 1 Ika 9:24; 11:27; 2 Siit 32:5. Kiboikin Daudi ore loebwaitai kagogoŋ, komaik ŋes ere loka Daudi. Koduk Daudi airimor anyoun koMilo kotoma da. 10Kiyatanakin Daudi apoloor; naarai ajai EJAKAIT, Edeke loka ajoresio, kaŋes.
11 #
1 Ika 5:2; 1 Siit 14:1. Kijuka Kiram ekabaka loka Turo ikiyakia mama ejai Daudi, ka ikito luka eres, ka ikekeok, ka ikadukok kamor; kodukokis Daudi etogo, 12#1 Ika 10:9; 2 Siit 2:11; Est 4:14; Isa 45:4. Kojen Daudi ebe abu EJAKAIT kiticat ŋes araun ekabaka koIsirael, abu da kitopoloo ajakanutuke kanuka iketuŋa Isirael.
13 #
Age 25:5,6; Ikis 17:17. Komany Daudi acebusian ka aŋor ace koYerusalem, kedau anyoun koKeburon: kourikinai Daudi icedwe lusap ka lupesur. 14Lu kes ikiroria luka ŋul kaluaponi kourikinai ŋes koYerusalem; Samua, ka Sobab, ka Natan, ka Solomon. 15Ka Ibar, ka Elisua, ka Nepeg, ka Yapia; 16ka Elisama ka Eliada, ka Elipelet.
17 #
1 Siit 11:16; 2 Sam 23:14. Kepuput Ipilisitian ebe enyonyoikis Daudi akinyet araun ekabaka koIsirael, koloto Ipilisitian kere amoot Daudi; kopup Daudi, kijesar ore loabwaitai. 18#Yos 15:8; Isa 17:5. Apotu Ipilisitian kisiarakinos kaditot naka Repaim, 19#Mar 27:21; Yos 9:14; 1 Sam 23:2,4; 2 Sam 2:1. Kiŋit Daudi EJAKAIT ebe, “Alosi kereka eoŋ aitiji Ipilisitian? Kijaikini ijo kes akanika?” Kotema EJAKAIT Daudi atiar, “Kolot, naarai abeit ejaikini Ipilisitian akanikon.” 20#Isa 28:21. Kobu Daudi Baal-perasim, kodany Daudi kes kanen; kotema atiar, “Acil EJAKAIT lukasurupoka kakonyeneka, kwape eciliata akip.” Ŋes amaikinere aibois ŋin Baal-perasim. 21Kinyeis aputosiakec kanen, koyaŋaasi Daudi ka ituŋake.
22Kopotu bobo Ipilisitian, kisiarakinos aditot naka Repaim. 23Nakiŋisia Daudi EJAKAIT, kotema atiar, “Mam ilosi: kirimo kaukec, kobunoki kes kaneejaas ikito luka baka. 24Ejaun kwanata ebe, Kipup ijo eporoto loka lueraeete alosit kokuju kikito luka baka, kosodi konyet anyoun: naarai kapak kaŋipe kaŋin ŋes alomaria EJAKAIT kakonyenekon aidany ajore naka Ipilisitian.” 25Kiswama Daudi kwaŋin, kwape ecorakinia EJAKAIT; kodany Ipilisitian anyoun koGeba kiton neidolio Geser.
Currently Selected:
2 Samuel 5: AOV1961
Highlight
Copy
Compare
Share
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.
