2 Samuel 22
22
1 #
Any 15:1. Kolimok Daudi EJAKAIT akiro nuka ekosio kalo kapaaran naayuunia EJAKAIT ŋes kakan naka lukasurupoke kere, kakan da naka Saul. 2#Age 15:1; Ikis 32:4; 1 Sam 2:2; Sab 18:2; 91:2; Awa 18:10; Mat 18:11. Kotema atiar,
“EJAKAIT ŋes atiibaka, ka akabwas, ekayuunanika, lokaŋ obe; 3#Bur 2:13; Age 15:1; Sab 3:3; Awa 30:5; Luk 1:69; Awa 18:10; Sab 9:9; 18:2; Isa 32:2; Isa 32:2; Yer 16:19. Edeke loka atiibaka, amunokina ŋes;
Ebukuka, amumwarat naka akaitajario,
Akaŋopis naicelelei, neakereanari;
Eketajaranika, ijo kitajari eoŋ kotoma akale.
4Eworoi eoŋ EJAKAIT, loibusakinit aiturio;
Ketajareneneo kwaŋin kama kalukasurupoka.
5“Karapiasi eoŋ akailan nuka atwanare,
Ketukuriana eoŋ akalele nuka numam ayoŋit Edeke.
6Kerimorito aunoi nuka Okatwak:
Kepoka iica luka atwanare.
7 #
Sab 116:4; Yok 2:2; Any 3:7. “Keworo EJAKAIT kotoma ocanika,
Eebo, keworo mama ejai Edekeka:
Abu kiira ekaporoto koyekaluke,
Kodolok aimonyoka akiike.
8 #
Tub 5:4; Yob 26:11; Sab 18:7; 77:18. “Kosodi kijaŋijaŋa akwap, komarani,
Kilokilokos da apeteta nuka akui,
Kijaŋijanas, naarai anyunyura ŋesi.
9 #
Sab 97:3; Kbk 3:5; Bur 12:29. Kisusumau apuru kokumesike,
Kidonyo akim nakelomuni kaitukuke:
Kisinep atotol.
10 #
Isa 64:1. Kitukukum akuj, kodok;
Kojai amuton naejesi ŋaŋ kwap kakejeke.
11 #
Sab 104:3. Kibwanen ekerubi, koporo:
Eebo, aponi koanyunai kabebenoka nuka ekwam.
12Kituluo amuton iweman luiswaparito ŋes,
Atukon nuka akipi, idouon luitolimakinito luka akui.
13Kanuka amwekimwek naka akonyeneke,
Kineput atotol nuka akim.
14 #
Isa 30:30. Kiretu da EJAKAIT kotoma akuj,
Kolimo ŋol loejai kuju kakuj ekeporoto.
15 #
Ikis 32:23; Sab 7:13; 77:17; Kbk 3:11. Koguma ikekojoi, kisiarisiara;
Aimiliaunet, kisiyaloŋoŋ kes.
16Kotakanutu da alelesia nuka aŋolol,
Kideleleut apeteta nuka akwapin,
Kanuka airetakin naka EJAKAIT,
Kanuka akutun naka eiyeŋane loka ekumesike.
17“Abu kijuk kokuju, kayaŋa;
Kegalala kakipi nuipu.
18Abu kayu kama kalokasurupoka lokagogoŋ,
Kama kakesi da lukalaito;
Naarai ketelekarito eoŋ kagogoŋ.
19Kabunokis kapaaran naka epolaka;
Konye EJAKAIT ŋes ketogogoŋi.
20 #
Sab 31:8; 2 Sam 15:26. Ido abu ketoloma aibois naelal;
Abu kayu eoŋ naarai kesiyalamikinit.
21“Karop EJAKAIT eoŋ kwape kejaar akadolit;
Katacak kwape ejaar alaunite naka akaninika,
22Naarai abu karic irotin luka EJAKAIT,
Ido mam abu kejerukana kama ejai Ekadeke,
23 #
Ikis 7:12. Naarai ajaas itubesiake kere kakonyeneka,
Mam abu kanyou da kaneejaas ikisilake,
24 #
Age 6:9; Yob 1:1; Yok 1:47. Abu karai loadolit kamake,
Abu kedara kenyek aswam numam adolit.
25Ŋes katacakinia EJAKAIT kwape ejaar akadolit,
Kwape ejaar alauniteka kakonyeneke.
26 #
Mat 5:7. “Mama ejai yeniketimon itodianakini aitim:
Mama ejai yenikadoliton da itodianakini adolit;
27 #
Leb 26:23. Mama ejai yenesegara itodianakini aseg;
Ido mama ejai yenetumaana itodianakini airebokinet.
28 #
Any 3:7; Sab 12:5; Mat 5:3. Naarai itajari ituŋa luemwaŋitai;
Konye esesenete akonikonye lueomiara, tetere itisili kes.
29Naarai irai ijo atalaka, wu EJAKAIT:
Itacauni EJAKAIT akamuton,
30Naarai kanukon arukitor ajore;
Ido kanuka aiŋarakinio naka Edekeka elami abwas.
31 #
Ikis 32:4; Dan 4:37; Apu 15:3; Sab 12:6; Awa 30:5. Konye Edeke, edolit ekerot;
Egimor akirot naka EJAKAIT;
Ŋol ŋes ebuku loka ŋul kere luemunos ŋes,
32 #
Ikis 32:31; 1 Sam 2:2; Isa 45:5,6. “Naarai iŋai bo Edeke dimarai EJAKAIT?
Iŋai bo da atiiba dimarai Edekewok?
33 #
Sab 27:1; Ikis 18:13. Edeke ŋes akabwas naegogoŋ:
Iŋarenikini ŋesi ikadoliton,
34 #
Kbk 3:19. Ituluori akekeje kwape nuka amiam:
Ido kebwaikini eoŋ aiboisioka nukokuju.
35Isisianakini akakanin ejie;
Tetere ikesete akakanin akabwa naka aikomon.
36Kiinak eoŋ da ebuku loka akoniitajar:
Ketopoloo eoŋ aiyapeperakon. 37Kitalalik eoŋ neetorit,
Mam ejurusiaros akatitiban.
38Ebwapit lukasurupoka, amudia kes;
Mam abu kaboŋ aitodol neamudiarotor.
39Adau kes, ecumucum kes komam epedorete anyoun:
Eebo, kibirokinos kwap akejeka.
40Naarai ibu kitanapik eoŋ agogoŋ najiis;
Itukukum ŋul lukanyoikinete.
41Isiboŋik lukasurupoka ikecepuran neajai eoŋ,
Tetere amudiari lukalaito.
42 #
1 Sam 28:6; Yob 27:9; Awa 1:28. Apotu kosesenata, konye komameun yenitajari:
Mama ejai EJAKAIT, konye mam abu Koboŋok.
43Kasodi kepudapud kes bala apua nuka akwap,
Keeakacak kes bala erit loka irotin, kesiarak kes,
44 #
Ikis 28:13; Isa 55:5. “Ibu da koyu eoŋ kotoma aŋolopa naka ikatuŋa;
Kituluo ekeŋarenon loka atekerin:
Kejaanakinete eoŋ ituŋa lumam lem ajeni.
45Kanonokikinete imo:
Atipet kepuput nukaŋ karimarete.
46 #
Mik 7:17. Eoliorete imo,
Elomunete emaranete kaiboisiokec nuŋopis.
47 #
Sab 89:26. “Ejari EJAKAIT: kituritete atiibaka;
Kitopolooritete Edeke loka atiiba naka akaitajario,
48 #
Sab 144:2. Ŋes Edeke lokenyaŋakini,
Ketapatanikini eoŋ ituŋa,
49Kaiyanari eoŋ kama ejaas lukasurupoka;
Eebo, kidaka eoŋ kuju kaŋul kalukanyoikinete:
Kiyu eoŋ kama ejai ituŋanan yenikakaje.
50 #
Rom 15:9. “Ŋes kemalaenena jo kotoma atekerin, wu EJAKAIT, Ayeenenei aiturit ekonikiror.
51Einakini ekabakake aitajar naepol;
Itodianakini da nuka asianut-nakamin lokinyonyoikitonoke akinyet, Daudi ka akeur ikar kere.”
Currently Selected:
2 Samuel 22: AOV1961
Highlight
Copy
Compare
Share
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.
