2 Samuel 21

1 # Mar 27:21; 1 Sam 22:10-15; Leb 18:25; Mar 35:33; Isa 26:21. Kosodi kojau ebeli kapaarasia nuka Daudi, ikar iuni, kaŋolikaru; komo Daudi akonyen nuka EJAKAIT, Kotema EJAKAIT atiar, “Erai akirot naka Saul, ka ekekike loka aokot, naarai abu koar Igibeonin.” 2#Yos 9:3-15. Konyarau ekabaka Igibeonin einer kakes; (mam Igibeonin araas luka idwe luka Isirael, konye luka luedeuna luka Imorain; apotu idwe luka Isirael kiyapoikis kes: kokoto Saul aiar kes kekokoteke kanuka idwe luka Isirael ka Yuda). 3#2 Sam 20:19. Kotema Daudi Igibeonin atiar, “Keswamakinete yes inyo? Aluci da kinyo, tetere ilipakinete airumet naka EJAKAIT arereŋ?” 4Kotemasi Igibeonin ŋes atiar, “Mam erai akirot naka epuesa arai esabu kidiŋikosi ka Saul, ka ekekike; mam da kibusakinit isio aiar ituŋanan koIsirael.” Kotema atiar, “Nuinerasi yesi, keswamakini ŋin.” 5Kotemasi kesi ekabaka atiar, “Etuŋanan loabu kodau sio, loabu kiner asurokin sio, amudiar sio kinyek asalakin koikoruno kere luka Isirael. 6#Tub 20:4; 1 Sam 10:24,26. Kijaikinai sio ituŋa ikanykaarei lukodweke, kikajakini isio kes mama ejai EJAKAIT koGibea loka Saul eseuna loka EJAKAIT.” Kotema ekabaka atiar, “Kainakinete yes.”

7 # 1 Sam 20:8,15-17,42; 23:18; 18:3; 2 Sam 9:1-7. Konye kideu ekabaka Mepiboset, okoku loka Yonatan, okoku loka Saul, kanuka aiyaposit naka EJAKAIT nakejai kidiŋikec, kidiŋ Daudi ka Yonatan okoku loka Saul, 8#1 Sam 18:19; 2 Sam 3:7. Konye koyaŋa ekabaka odwe iarei luka Risipa akoku naka Aia, luaurikinit ŋesi Saul, Arumoni ka Mepiboset; ka odwe ikany luka Mikal #21:8 ti kerai Merab. akoku naka Saul, luaurikinit ŋesi Aduriel okoku loka Barisilai Emekolatit: 9#2 Sam 6:17. Kijaik kes akanin nuka Igibeonin, kikajakis kes moru kakonyen nuka EJAKAIT, kotwaka kesi lukanykaarei kere: koarai kapaarasia nuka aisak, kapaarasia nusodit, kageunet naka aisak esairi.

10 # 2 Sam 3:7; Ikis 21:23. Koyaŋa Risipa akoku naka Aia egoe loka epuko, kopesik atiiba, kageunet naka aisak aitodol neabukokinotor kes akip nuapote kotoma akuj; mam abu kocamak akweny nuka apak adolokin kes paaran, karaida itiaŋ luka ais kuare. 11Aponi kolimokinai Daudi nukiswamai Risipa akoku naka Aia, abusiat naka Saul. 12#1 Sam 31:8-13. Kolot Daudi koyaŋa akojo nuka Saul ka akojo nuka Yonatan okokuke kaneejaas ituŋa luka Yabes-gilead, luapotu kokokoutu kes korot loka Bet-san, kaibois naekajakiniata Ipilisitian kes, kapaaran nakeariata Ipilisitian Saul koGiliboa, 13Koyau ŋesi kaŋina akojo nuka Saul ka akojo nuka Yonatan okokuke; kotukonokisi da akojo nuka ŋul kaluekajakinitai. 14#Yos 18:28; 7:26; 2 Sam 24:25. Konukata akojo nuka Saul ka Yonatan okokuke akwap naka Benyamin koSela, ates naka papake Kis: kiswamata kere nuecorakinit ekabaka, Akaulo kaŋun kiira Edeke aiŋaiŋaikinio naka akwap.

15Kojioto Ipilisitian bobo kaluka Isirael; kolot Daudi ka ikekejaanakinak kaŋes, kitiji Ipilisitian: kilworun Daudi, 16Abu Isibi-benob, lokerai lokodwe luka ekekososon, alaŋir naka akwarake isekelin akwat auni nuka aisinit, anapit ŋesi ekileŋ lokitetet, koomite ebe eari Daudi. 17#1 Ika 11:36; Sab 132:17. Konye kisigalik Abisai okoku loka Seruia ŋes, kinom Epilisitiat, koar ŋes. Kosodete ituŋa luka Daudi aiyapoikin ŋes atiar, “Mam bobo jo ilomari kasio ojie, kinyek aitudeŋ atala naka Isirael.”

18 # 1 Siit 11:29. Kosodi kanen, kokau kaŋun, kojau bobo ejie ka Ipilisitian koGob: kosodi Sibekai Ekusatit aiar Sap, lokerai lokodwe luka ekekososon, 19Kosodi kojau bobo ejie ka Ipilisitian koGob; koar Elanan okoku loka Yaareoregim Ebet-lekemit Goliat Egitit, koputos amorok naka akwarake bala akitoi naesonyere. 20#1 Siit 20:6. Kosodi kojau bobo ejie koGat, kejai kanen etuŋanan lokaojan, lokejaas ibokor ikanykape kaŋinikan, ka ibokor ikanykape kaŋinikeje, emwaasi ibokoroke akaisaarei ka Iuoŋon; ŋol da aurikinio ekekososon. 21Nakemwaŋitor ŋesi Isirael abu Yonatan okoku loka Simei onace loka Daudi koar ŋes, 22Keurikinio ŋul iwoŋon ekekososon koGat; kibiroros kakan naka Daudi kakan da naka ikekejaanakinak.

Currently Selected:

2 Samuel 21: AOV1961

Highlight

Copy

Compare