2 Samuel 23

1Nu kes akiro nukawasia nuka Daudi.

Abu Daudi okoku loka Yese,

Etuŋanan da loekeunitai kuju,

Loenyonyoikinit Edeke loka Yakob akinyet,

Ekayoot da loitojokitai koIsirael kobala ebe:

2 # 2 Pet 1:21. “Kiner emoyo loka EJAKAIT kotomakaŋ,

Kojaun akirotoke aŋajepeka.

3 # Any 18:21. Abala Edeke loka Isirael,

Kiner Atiiba naka Isirael keoŋ ebe,

Ŋol loeyait ituŋa kadolit,

Loeyait kayoŋit naka Edeke,

4 # Awa 4:18. Eraun ŋol kwape aica naka tupuruc kelom akoloŋ:

Atupuruc naemameatar idouon;

Kelom amel kokwap,

Kecau kipioror kikwaa akiru.

5 # 1 Ika 9:4-6. Abeit mam ekakek esubit kwaŋin mama ejai Edeke;

Konye do kitutuk ŋesi keoŋ aitutuket namam edaun, Naitemokino kakiro kere, naiticasitai;

Naarai erai aitajarioka kere, ka eimielika kere,

Karaida mam itopoloi.

6Konye eraunos lumam eyoŋito Edeke kere kwape ikukwa lueremorio,

Naarai mam epedorio aitiŋ kakan:

Konye etuŋanan loetiŋi kes

7Kibusakinit akapakin kasuat ka amorok naka akwara;

Icweikinio kes cut kakim kaiboisikec.”

8Lu kes ikiroria luka ituŋa lukirigin lukejaas kaDaudi: Yoseb-basebet Etakemonit, ejakait loka ikapolok; kodaku ŋol akekwara asurokin akwat akanykauni luaari atipet.

9 # 1 Siit 11:12; 27:4. Kotupite Eleasar okoku loka Dodai okoku loka Ekokait, ediopet kotuŋa iuni lukirigin luka Daudi, nakemwaŋitotor kesi Ipilisitian lukejaas ŋina etukokina ejie, kolosito ituŋa luka Isirael: 10Konyou ŋesi, kodany Ipilisitian aitodol neetegia akekan, kimakakin akekan okileŋ: kijaik EJAKAIT aipikor naepol kapaaran kaŋin; kobonut ituŋa kodumut ebe asal aijoreun bon.

11 # 1 Siit 11:12. Kotupite Sama okoku loka Agee Ekararit. Kotukonokinos Ipilisitian korioŋet, nekejai emanikor loeleleba epone ece loka akima; kokerata ituŋa kaneajaas Ipilisitian. 12Konye kobwo ŋol kokidiŋ omanikor, kojiu ŋes, koar Ipilisitian: kijaik EJAKAIT aipikor naepol.

13 # 1 Siit 11:15; 14:9; Ikis 33:29; 1 Sam 22:1; 1 Siit 29:11; 2 Siit 14:11-14; 25:8; Sab 3:8; 46:1; Awa 21:30,31; Rom 8:31; 2 Sam 5:18; Isa 17:5. Kikokororos iuni kotoma akaisauni lukapolok, kopotu mama ejai Daudi kapak naka aisak, neejai abua naka Adulam; kidukurite erioŋet loka Ipilisitian aditot naka Repaim, 14#1 Sam 22:4; 1 Siit 12:16. Kejai Daudi toma abwas, kejai abwas naka iserikalei luka Ipilisitian Bet-lekem. 15Kimiela Daudi, kotema atiar, “Arai kainak idiotuŋanan eoŋ akipi aimat nuka atan naka Bet-lekem, naidunyas kerute!” 16Kocila ituŋa luuni lukirigin ajore naka Ipilisitian, kowokut akipi katan naka Bet-lekem, naidunyas kerute, koyaŋas, koinutu Daudi: konye koŋer aimat, konye kiwela mama ejai EJAKAIT. 17#Leb 17:10. Kotema atiar, “Madi akuj eoŋ aswam ŋin, wu EJAKAIT: amasi kereka aokot nuka ituŋa lualosito akaŋas naka aijarakec?” Kanuka ŋun koŋer aimat. Kiswamata ituŋa luuni lukirigin akiro ŋun.

18 # 2 Sam 2:18; 1 Siit 11:20. Kerai Ablsai onace loka Yoab, okoku loka Seruia, lokapolon loka luuni, Kodaku ŋesi akwarake asurokin akwat auni, koar kes, kodum ekiror kotoma luuni. 19Mam ŋes etopolooritai kouni? Kanuka ŋun kitaraunai ekapolonikee: konye mam abu kodolok luuni lusodit.

20 # Yos 15:21; Any 15:15. Benaia da okoku loka Yekoiada, okoku loka etuŋanan loetitiŋ loka Kabuseel, loabu kiswama aswamisio nukagogoŋ, abu ŋesi koar odwe iarei luka Ariel loka Moab: kijesar da koar eŋatuny kokidiŋ aipany kapak naka akako: 21#1 Siit 11:23. Koar ŋesi Emisiriat, etuŋanan lotemel: kitinite Emisiriat akwara kakanike; konye kolot ŋol mama ejai ŋesi kebela, kodem akwara kakan naka Emisiriat, koar ŋes kakwarake elopet. 22Kiswama Benaia okoku loka Yekoiada akiro ŋun, kodum ekiror kotuna luuni lukirigin. 23#2 Sam 8:18. Kitopolooritete ŋes adepar akaisauni, konye mam abu kodolok luuni lusodit. Kodakak Daudi ŋes ayait ikedarakake.

24 # 2 Sam 2:18. Kerai Asakel onaec loka Yoab ediopet kotoma akaisauni; Elanan okoku loka Dodo loka Bet-Iekem; 25#1 Siit 11:27. Sama Ekarodit, Elika Ekarodit; 26Keles Epalitit, Ira okoku loka Ikkes Etekoit; 27Abieser Enatotait, Mebunai Ekusatit; 28Salumon Ekokait, Makarai Enetopatit; 29Keleb okoku loka Baana Enetopatit, Itai okoku loka Ribai loka Gibea loka idwe luka Benyamin; 30#Tub 12:15; 2:9. Benaia Epiratonit, Kidai loka aguurun nuka Gaas; 31Abi-alibon Erabatait, Asumabet Ebarumit; 32Eliaba Esaalibonit, odwe luka Yasen, Yonatan; 33Sama Ekararit, Akiam okoku loka Sarar Erarait; 34Elipelet okoku loka Akasibai, okoku loka Emaakatit, Eliam okoku loka Akitopel Egilonit; 35Kesero Ekaramelit, Paarai Erabait; 36Igal okoku loka Natan loka Soba, Bani Egadit; 37Selek Emonait, Nakarai Ebeerotit, luadakito lujiis luka Yoab okoku loka Seruia; 38#2 Sam 20:26; Yos 15:48. Ira Etirit, Gareb Etitit; 39#2 Sam 11:3,6. Uria Ekitit: akaisauni ka lukanykaarei kere.

Currently Selected:

2 Samuel 23: AOV1961

Highlight

Copy

Compare