2 Samuel 14

1Kojen Yoab okoku loka Seruia ebe imuit etau loka ekabaka Abisalom. 2#2 Siit 11:6; 20:20; Nek 3:5,27; Yer 6:1; Amo 1:1; Rus 3:3. Kijuka Yoab Tekoa, koomai kaŋina aberu naaco, kotema ŋes atiar, “Keŋaiŋait, kijoseik bala irai naibworo, konap anapito naka aibworo, keŋaiŋait, sirikinyonyoik akinyet, konye koraun kwape aberu naedaunit apak naepol ibworo yenikatwan; 3#Any 4:15. Koloma mama ejai ekabaka, kiner kaŋes kopone kalo.” Kolimok Yoab ŋes nuenera.

4 # 1 Sam 20:41; 2 Sam 1:2; 2 Ika 6:26. Nakinerar aberu naka Tekoa kekabaka, kibirokin kwap ebuburia, kisuded, kotema atiar, “Kiŋarakinai, wu ekabaka.” 5#2 Sam 12:1. Kotema ekabaka ŋes atiar, “Inyo bo itururwoo ijo?” Koboŋok ebe, “Abeit arai eoŋ apuserut, atwana okilenika. 6Ajaas akejaanakinanikon odwe iarei, kojioto kesi kais, komamei yenadieki kes, konye kinom ediopet loce, koar ŋes. 7#Age 4:14; Mar 35:19; Ikis 19:12. Ido koany, anyoiki ekek kere aluikin akejaanakinanikon, kobalas ebe, ‘Kijaik ŋol loenomi onaceke, tetere kiari ŋes kanuka aijar naka onaceke loaari ŋesi,’ komudiasi ekeruman da: kwaŋin kitudeŋoto atotoleteka naedeuna, komam ideikinete okilenika ekiror karaida yenedeuna kakwap.”

8Kotema ekabaka aberu atiar, “Kolot togokon, ecorakini eoŋ nukon.” 9#Age 27:13; 1 Sam 25:24; 2 Sam 3:28,29; Mat 27:25; Mar 35:33; 1 Ika 2:33. Kotema aberu naka Tekoa ekabaka atiar, “Ejakaitika, wu ekabaka, kabeikis eoŋ ka ekek loka papaka numam adolit: komameun ekabaka ka eicoloŋoke akirot.” 10Kotema ekabaka atiar, “Ŋol lokilimokini jo akirot kere, koyau ŋes mama ajai, komam bobo ŋes kitirori jo.” 11#Mar 35:19; Yos 20:3-6; 1 Sam 28:10; 14:45; Asw 27:34. Kosodi ŋin atemar atiar, “Keŋaiŋait, kiitu ekabaka EJAKAIT Ekonideke, kinye ekenyaŋan aokot amudiar bobo, kinyeis amudiar okokuka.” Kotema atiar, “Kwape ejaria EJAKAIT, mam edouni kwap etimat ediopet loka okokukon.”

12Kosodi aberu atemar atiar, “Keŋaiŋait, kisiik akejaanakinanikon einer akirot mama ejai ejakaitika ekabaka.” Kotema atiar, “Kolim.” 13#Tub 20:2; 2 Sam 13:37. Kotema aberu atiar, “Kanukinyo inerunia akirot ŋin aluikin ituŋa luka Edeke?

Naarai kanuka einer akirot ŋin esubit ekabaka bala loegwaunit akirot, naarai mam ekabaka itoboŋunit ore lokeŋ loereŋearitai. 14#Yob 30:23; 34:15; Lim 3:19; Bur 9:27; Mar 35:15. Naarai kibusakinit atwanare, kisubit bala akipi nuebukoros kwap numam epedorete bobo atukonokin; mam Edeke da elemari aijar, konye eomoomoi eipone, kinyek ekakeran araun loereŋearitai eut kamakeŋ. 15Aso do abu eoŋ einer akirot na mama ejai ekajakait ekabaka, naarai ketukurianata ituŋa eoŋ; abala akejaanakinanikon ebe, ‘Enera kwana kekabaka; motoko itodoli ekabaka nuelipit akejaanakinanike. 16Naarai epupuni ekabaka, ayuun akejaanakinanike kakan naka etuŋanan loekoto amudiar eoŋ ka okokuka anyoun kairumet naka Edeke.’ 17#2 Sam 19:27; 1 Sam 29:9. Kosodi akejaanakinanikon atemar atiar, ‘Keŋaiŋait, koraun akirot naka ejakaitika ekabaka naelakara’: naarai esubit ejakaitika ekabaka bala emalaika loka Edeke, apupun nuejok ka nueroko: kojai EJAKAIT Ekonideke kajo.”

18Kosodi ekabaka aboŋokin aberu ebe, “Keŋainait sirikimunonik naakoto aiŋit jo.” Kotema aberu atiar, “Kiner ekajakait ekabaka.” 19Kotema ekabaka atiar, “Ejai akan naka Yoab kajo kakiro nu kere?” Koboŋok aberu atiar, “Kwape ejaria ekonitau, ejakaitika ekabaka, emamei yenepedori aibelokin teten arai kediany kaŋun kere nuener ejakaitika ekabaka: naarai ekejaanakinanikon Yoab ŋes abu kecorak eoŋ, abu ŋesi kalimok akiro ŋun kere nuener akejaanakinanikon: 20#2 Sam 19:27. Abu Yoab ekejaanakinanikon kiswama akirot ŋin aijulakin akirot: eco ejakaitika, kwape ejaar acoa naka emalaika loka Edeke, aijen akiro kere nuejaas kakwap.”

21Kotema ekabaka Yoab atiar, “Koany, eswama eoŋ ŋun: aso kolot, kinyak esapat Abisalom.” 22Kibirokin Yoab kwap ebuburia, kisuded, kilipak ekabaka arereŋ: kotema Yoab atiar, “Ejeni lolo ekejaanakinanikon ebe adum eoŋ asianut kakonyenekon, ekajakait, wu ekabaka, naarai etodol ekabaka nuelipit ekejaanakinanike.” 23#Ikis 3:14; 2 Sam 3:3; 13:37. Konyou Yoab kolot Gesur, koyau Abisalom Yerusalem, 24#Age 43:3; 2 Sam 3:13; Apu 22:4. Kotema ekabaka atiar, “Kopaa ŋesi togoke, konye kinyek aanyun akonyeneka.” Kopaa Abisalom togoke, komam eanyunit akonyen nuka ekabaka.

25 # Ikis 28:35; Yob 2:7; Isa 1:6; Pes 5:27. Amamei koIsirael yeneturitoi kwape Abisalom kanuka atemeleleke: ageun kotau loka akejeke kiton osiaduk loka akouke amamei ŋes akemer. 26#2 Sam 18:9. Nakebarenio ŋesi akouke, (abu kobarenenei kaŋetakinet naka ŋolikaru: naarai alaŋirikinito ŋes itimake, ŋes abarenenio:) kitem alaŋiru naka itima luka akouke isekelin akwat aarei kwape ejaar emisani loka ekabaka. 27#2 Sam 18:18. Aponi kourikinai Abisalom idwe iuni lusap ka ikoku idiopet yenipese, ekekiror Tamar: arai ŋin aberu naetemelel.

28Kiboie Abisalom koYerusalem ikar iarei, mam abu koany akonyen nuka ekabak., 29Kosodi Abisalom anyaraun Yoab aijukar ŋes mama ejai ekabaka; konye koŋer abunore mama ejai: konyarau ŋes bobo nakiareit, konye koŋer Yoab abunore. 30#2 Sam 13:28; Tub 15:5; Awa 29:12. Kanuka ŋun kotema ŋesi ikekejaanakinak atiar, “Koany, emanikor loka Yoab idunyas kalokaŋ, ejaas ŋes kesairi kaŋina: koloto kicweikis kakim.” Kosodete ikejaanakinak luka Abisalom aicweikin emanikor kakim. 31Kosodi Yoab anyoun, kobu mama ejai Abisalom togoke, kotema ŋes atiar, “Kanukinyo eeweikiniata ikonikejaanakinak emanikorika kakim?” 32#Yob 31:33; Awa 28:13; Yer 8:12. Koboŋok Abisalom ebe, “Koany, abu kanyarau jo ebe, ‘Kobia, keyakia jo mama ejai ekabaka aiŋit ŋes ebe, “Kanukinyo abunio eoŋ koGesur? Tiejok kamakaŋ karai kariŋa eoŋ ajai ŋina.” Aso do kisiikinai eoŋ kaany akonyen nuka ekabaka; arai ejaas numam adolit kotomakaŋ, kaar ŋesi eoŋ.’” 33#Age 33:4; 45:15; Luk 15:20. Kobu Yoab mama ejai ekabaka, kolimok ŋes: kedau anyaraun Abisalom, kobu ŋesi mama ejai ekabaka kokukum kokwap kakonyen nuka ekabaka: konu ekabaka Abisalom.

Currently Selected:

2 Samuel 14: AOV1961

Highlight

Copy

Compare