2 Samuel 15

1 # 2 Sam 12:11; 1 Ika 1:5; Awa 11:2; 16:18. Kosodi kanen kokau kaŋun, kitemonok Abisalom agali ka ibalasin, ka ituŋa akaisakany akerit kiŋarenike. 2#Awa 1:16. Kodilonokini Abisalom anyoun, kobwoenenei kawai naka erute: kosodi do arai ejai etuŋanan nuewosai nutikibusakinit ayaŋaar mama ejai ekabaka atubokinio, iworouni Abisalom ŋes, kotema atiar, “Lokore kali bo ijo?” Kotema atiar, “Erai ekejaanakinanikon loka adiopet katekerin nuka Isirael.” 3#Awa 12:2. Kotema Abisalom ŋes atiar, “Koany, ejok akonikiro edolitos da; konye emamei etuŋanan loadakaki ekabaka akiirar jo.” 4#Tub 9:29. Bobo da kotema Abisalom atiar, “Arai karai eoŋ ekatubon kakwap, tetere ebuni ŋolituŋanan loewosai arai loejai akirot mamakaŋ, tiatubokini ŋes kotenan!” 5#Sab 12:2. Kosodi arai kikunyaki ituŋanan aisuded kakonyeneke, korio ŋesi akanike, kikam ŋes, konu. 6#Rom 16:18. Kiswamak Abisalom kwaŋin luka Isirael kere luaponenenete mama ejai ekabaka atubokinio: kwaŋin kiŋala Abisalom itauon luka ituŋa luka Isirael.

7 # 2 Sam 2:1. Kosodi ketuboros ikar akaisaoŋon,#15:7 Eomitos icetuva ebe erai aibucaret; tieraas ikar iwouon. kotema Abisalom ekabaka atiar, “Keŋaiŋait, kisiikinai kalot aitae aiyapositika naeyapoikinit EJAKAIT, koKeburon. 8#1 Sam 16:2; Age 28:20; 1 Sam 1:11; Sab 56:12; 2 Sam 13:38; 14:23,32. Naarai kiyapo ekejaanakinanikon aiyaposit naajaar Gesur koSuria ebe, ‘Arai keenyaka EJAKAIT eoŋ bobo Yerusalem, kasodi aijaanakin EJAKAIT.’’’ 9Kotema ekabaka ŋes atiar, “Kolot inapakina.” Konyou ŋesi, kolot Keburon, 10Konye kijuka Abisalom ikarotak anatar atekerin kere nuka Isirael ebe, “Naiirariata eporoto loka arupepe, itemarete ebe, ‘Abisalom ŋes ekabaka koKeburon.’’’ 11#1 Sam 9:13; 16:3,5; Age 20:5; Awa 14:15; Mat 10:16; Rom 16:18,19. Koloto ituŋa akwat aarei nepepe ka Abisalom anyoun koYerusalem, luanyaritai, lualosete kitenara itauonokec; komam ejenete idiobore. 12#Sab 41:9; 55:12; Mik 7:5,6; Yos 15:51; Sab 3:1; 43:5. Naainakinia Abisalom asuban, abu konyarau Akitopel Egilonit, ekapetan akiro nuka Daudi, anyoun koreke, ŋes Gilo. Kogogoŋ aitemokinet nakaiyeiyea; naarai kiyatanakinos ituŋa duc mama ejai Abisalom, 13#Tub 9:3. Kobu ekiyakia mama ejai Daudi, kobala ebe, “Atupasi itauon luka ituŋa luka Isirael Abisalom.” 14#2 Sam 19:9. Kotema Daudi ikejaanakinakake kere luajaas kaŋes koYerusalem atiar, “Konyoutu, kakera; arai mam kikeri emamei idiopet kaoni yenekui kaneejai Abisalom: kisunyito alosit, kinyek adolokin oni atipet, kayaun aronis, ka aidany lukore kakwanis naka ekileŋ.” 15Kotemasi ikejaanakinak luka ekabaka atiar, “Koany, itemonokino ikonikejaanakinak aswam kere nueseuni ejakaitika ekabaka.” 16#2 Sam 12:11; 16:21; 20:3. Koloma ekabaka, kotupito lukokaleke kere. Kinyek ekabaka aŋor atomon nuaraas abusian aidar etogo. 17Koloma ekabaka, kotupito ituŋa kere; kobwout koBet-merak, 18#2 Sam 8:18. Kotubonoros ikekejaanakinak kere kamakeŋ; Ikeretin kere, Ipeletin kere, ka Igitin kere, ituŋa akwat akanykape luatupito ŋes anyoun koGat, apotu kesi kotubonoros kakonyen nuka ekabaka.

19 # 2 Sam 18:2. Kosodi ekabaka atemar Itai Egitit atiar, “Inyo bo kiupar ijo kasio?

Koboŋo, kiboioto kekabaka: naarai irai ijo emoit, ido loitwobositai; kobono aiboisikon, 20#1 Sam 23:13. Naarai napebian ibuni ijo, tikesirimi lolo jo kasio, naarai alosi neapedori? Koboŋo ijo, kinyaka da ikoniinacan; kojaenena aitim ka abeit kajo,” 21#Rus 1:16; 1 Sam 20:3; 2 Ika 2:2-6; Awa 17:17. Koboŋok Itai ekabaka atiar, “Kwape ejaria EJAKAIT, kwape ejaria da ekajakait ekabaka, abeit kaibois neejai ekajakait ekabaka, arai kanuka atwanare arai kanuka aijar, nepenen da ejaenena ekonikejaanakinan.” 22Kotema Daudi Itai atiar, “Kolot, kotubor.’ Kotubor Itai Bgitit, ka ituŋake kere, ka ludidik kere luajaas kaŋes, 23#1 Ika 2:37; 2 Siit 30:14; Yok 18:1; 2 Sam 16:2; Mat 3:1-3. Komonya lukakwap kere keporoto kaloepol, kotubonoros ituŋa kere: kotubor ekabaka da kaguurut Kiduron, kotuboros ituŋa kere, kobeata erot loka amodiŋ.

24 # Mar 4:15. Ido koany, kobu Abiatar, kobu Sadok da, ka Ilebin kere, edakito asaduku naka aitutuket naka Edeke; kosipokis asaduku naka Edeke kwap, aitodol neadaunotor ituŋa kere alomun kore, 25#Sab 43:3; 2 Sam 6:17. Kotema ekabaka Sadok atiar, “Kinyaka asaduku naka Edeke ore: arai kadum asianut kakonye nuka EJAKAIT, kenyakuni ŋesi eoŋ bobo, ketodikini ŋesi eoŋ asaduku ka aiboisike da. 26#Mar 14:8; 2 Sam 22:20; 1 Ika 10:9; 2 Siit 9:8; Isa 62:4; 1 Sam 3:18. Konye arai kiner ŋesi kwanata ebe, ‘Mam eoŋ kesiyalamikinit jo’; koany, eoŋ lo, keswamak ŋesi eoŋ kwape itojokitor.” 27#2 Sam 24:11; 1 Sam 9:9. Kotema da ekabaka Sadok esasedoti atiar, “Mere jo ekadwaran? Koboŋo ore inapakina, ijo ka Abiatar, ka odwekus iarei kayes, Akimaas okokukon, ka Yonatan okoku loka Abiatar. 28Koany, edareuni kaneedokarere amodiŋ, aitodol naijukunia ijo aitejenun eoŋ akiro.” 29Aso kodakasi bobo Sadok ka Abiatar asaduku naka Edeke kinyakasi Yerusalem: kiboioto kaŋina.

30 # Sek 14:4; Mat 21:1; Luk 19:20; Asw 1:12; Est 6:12; Isa 20:2; Yer 14:3; Sab 126:6; Mat 5:4; Rom 12:15. Kodoka Daudi kaneedokanarere moru loka Iseitun, komonyi edoki; kimukite akouke, kolot komam enapit amuk; ituŋa kere da luajaas kaŋes kimukite ŋinituŋanan akouke, kodokasi, komonyete edokete. 31#Sab 3:1; 55:12; 2 Sam 16:23. Kolimokinai Daudi ebe, “Ejai Akitopel toma iketemonokinok lukaiyeiyea ka Abisalom.” Kotema Daudi atiar, “Wu EJAKAIT, keŋaiŋait, kibelok ainerun naka Akitopel araun abaŋaanut.”

32 # 2 Sam 1:2; 13:9. Kosodi kanen, kedol Daudi kuju moru neemaenenere Edeke, koany, kobu Kusai Earikit airiamakin kaŋes, kocili! ekootike, kojaas alup akouke. 33#2 Sam 19:35. Kotema Daudi ŋes atiar, “Arai kiupa keoŋ, iraun ijo lokilaŋirikini eoŋ: 34Konye arai kiboŋo ijo ore, ilimokini Abisalom ebe, ‘Araun eoŋ ekonikejaanakinan, wu ekabaka; kwape kolo karaar ekejaanakinan loka papakon, kwana da araun ekonikejaanakinan’: ŋes konyet itapalaunia ainerun naka Akitopel kanukaŋ. 35Mam kereka ijaas kaSadok ka Abiatar isasedotin kaŋina? Aso do, akiro kere nuipupuni kotogo loka ekabaka ilimokini Sadok ka Abiatar isasedotin. 36Koany, ejaas kes ŋina kodwekec iarei, Akimaas okoku loka Sadok, ka Yonatan okoku loka Abiatar; iyakuunete kes kakiro kere nuipupunete.” 37#2 Sam 16:15,16; 1 Siit 27:33; Awa 17:17. Aso koloma Kusai opapero loka Daudi ore; koloma Abisalom da Yerusalem.

Currently Selected:

2 Samuel 15: AOV1961

Highlight

Copy

Compare