2 Ikorinton 5

1 # Yob 4:19; 2 Pet 1:13,14. Naarai kijeni ebe arai emunauna iswamuwok yenika akwap kana yenikiboiororor, kija kaduket naebuni kama ejai Edeke, ŋes etogo lomam iswamatai kakanin, loka ikar kere kotoma akuj, 2#Rom 8:23. Naarai kane kidinya kabeit, kemielas noi aitanapio etogowok loebuni kokuju, 3kosodi nakitanapere, kenyeis atakanun kimujalal. 4#1 Kor 15:53. Naarai kidinya oni lukija toma oswam yen, naarai kilaŋirikinito; mam kikoto alacar, konye aitanapio, tetere ejwenyari aijar yenetwani. 5#2 Kor 1:22; Pes 1:13; Rom 8:16,23. Konye ŋol lokiswamakinit oni akirot ŋin ŋes Edeke, lokiinakinit oni Emoyo araun aititiŋet.

6 # Bur 11:13. Aso kititiŋikini oni apaarasia kere, naarai kijeni ebe nakijaar toma akuan, kilwaniar kama ejai Ejakait, 7#1 Kor 13:12. naarai kilosi kanuka aiyuun mere kanuka aanyun. 8#Pil 1:23. Kanuka ŋun kititiŋikini, kikoto alwaniar kakuan, kajaut die ka Ejakait. 9#Sab 39:12. Aso kigipari aisiyalamikin Ejakait, arai kija die arai kilwaka da. 10#Rom 2:16; 14:10; Asw 17:31. Naarai kibusakinit kere atakanun koiŋaren keicoloŋ loka aitub loka Kristo; kodum ŋinituŋanan nukiswamai akuanake, kwape eswamator, arai nuejok arai nueroko.

11 # 2 Kor 4:2. Aso naarai kijeni ayoŋit Ejakait, kijodouni ituŋa; konye kitakanunitai sio kakonyen nuka Edeke, ido amuno ebe kitakanunitai kotoma aomisiokus da. 12#2 Kor 3:1. Mam kiturokina bobo kamakus, dimarai ainakin yes nuiwolobobototor kanukosi, tetere ipedorete aboŋokin ŋul luewoloboboto kakiro nukokuiu bon, kwabo mere nukotauon. 13Naarai arai kemamu sio acoa, erai kanuka Edeke; arai da kijau isio acoa, erai kanukus. 14Naarai kitiŋaikinit sio amin naka Kristo, naarai kitogogoŋit ebe abu ediopet kotwanik ituŋa kere; kanuka ŋun apotu kere kotwaka. 15#1 Tim 2:6; Rom 14:7,8. Ido abu ŋesi kotwanik ituŋa kere, tetere luejarete mam ejarete bobo kanukec bonik, dimarai kanuka ŋol loabu kotwana, kojaru da kanukec.

16Ŋes mam kitenunia ituŋanan kere kwape ejaar akuan amear lolo, karaida kipou kajenutu Kristo kwape eiaar akuan, konye kwana mam bobo kijeni ŋes kopone kaŋol, 17#Rom 8:1,10; Gal 6:15; Apu 21:5; Isa 43:18; 65:17. Kanuka ŋun, arai ejai ituŋanan kotoma Kristo, arau isubat yenikitetet; atuboros nukolo; koany, araut nukitetiak. 18#Rom 5:10. Epote kere kama ejai Edeke, loabu kitupuc oni kanukeŋ kotoma Kristo, abu koinak da sio aijaanakin naka aitupuc; 19#Rom 3:24,25; Kol 1:19,20. ŋes atemar ebe kejai Edeke toma Kristo itupuci akwap kanukeŋ, komam imarakini kes aibucanaretakec, ebwaiki da tomakosi akirot naka aitupuc. 20#Isa 52:7. Ŋes kiraar ikiyakia kanuka Kristo, kosubit bala iŋaiŋai Edeke kotomakosi. Kiŋaiŋait yes, kanuka Kristo, kopucoto ka Edeke. 21#Yok 8:46; Bur 4:15; Gal 3:13; 1 Kor 1:30; Pil 3:9; 1 Pet 2:22. Lomam ajeni adiakar kitarau adiakar kanuwok, tetere kiraun oni adolit naka Edeke kotomakeŋ,

Currently Selected:

2 Ikorinton 5: AOV1961

Highlight

Copy

Compare