2 Ikorinton 4
4
1 #
2 Kor 3:6; 1 Kor 7:25. Kanuka ŋun, kija kaijaanakin na kwape kidumunitor aitimio, mam kitapalikina, 2#2 Kor 2:17; 1 Ses 2:5. konye kiŋer nuibwaitai nuka ileic; kwabo mam kilosenenei ketute karaida aipurujaun akirot naka Edeke kaiŋal, konye kaitodiar naka abeit kitubusikina mama ejaas aomisio kere nuka ituŋa kakonyen nuka Edeke. 3#1 Kor 1:18. Ido arai imukoritai Akosikiro Nukajokak, imukoritai kama kalueoliorito. 4#Bur 1:3; Pes 2:2; 2 Ses 2:11; Kol 1:15. Abu edeke loka ikar kalu kitumudak acoa naka lumam iyuunito kinyeis aanyun ailiya naka Akiro Nukajokak nuka aibuses naka Kristo, loerai aput naka Edeke. 5#2 Kor 1:24. Naarai mam kilimonokini bonik dimarai Kristo Yesu Ejakait, ka sio da ikusibulesin kanuka Yesu. 6#Age 1:3; 2 Kor 3:18; Isa 9:1. Naarai ŋes Edeke loabu kobala ebe, “Kocai aica kotoma amuton,” loecaikinit itauonowok tetere iliyai aijen naka aibuses naka Edeke kakonyen nuka Kristo.
7 #
2 Kor 5:1; Asw 9:15. Konye kija kabar kana oboro lukelupe, tetere ebuni aidiles naka apedor kama ejai Edeke, kwabo mere kamakosi. 8#2 Kor 1:8; 7:5. Kiticanitoi koponesio kere, konye mam kiridakinio; kibuonokin, konye mam kitapalikina; 9kimanio, konye mam kijalakinitai; kicakario, konye mam kimudiario; 10#1 Kor 15:31. kidakenenei tir kawatekosi atwanare naka Yesu itetere etakani da aijar naka Yesu kawatekosi. 11#Rom 8:36. Naarai nakijaria kijaikinio tir atwanare kanuka Yesu, tetere etakani da aijar naka Yesu kawatekosi nuetwakete. 12Kwaŋin iswamai atwanare tomakosi, konye aijar tomakus.
13 #
Sab 116:10. Konye kija kemoyo ediopet loka aiyuun, kwape iwadikatere ebe, “Abu keyuu, ŋes enerar.” Isio da kiyuunit, kanuka ŋun da kinera. 14#1 Kor 6:14. Kijeni ebe ŋol lokitajaruni Ejakait Yesu, itajaruni sio da nepepe ka Yesu, ka aisibwo sio nenipe kayes kakonyeneke. 15#2 Kor 1:3-6. Naarai eraas kere kanukus, tetere kwape iyatanakinor asianut kanuka luipu, iyatanakini da aimal, kitopolooritete Edeke.
16 #
Pes 3:16. Kanuka ŋun mam kitapalikina. Karaida emunauna etuŋananekosi Iokokiŋa, konye iteteo lokotoma ŋinipaaran. 17#Rom 8:17,18. Naarai ican lu luebenen luka apak naedit, kiswamakinete oni alaŋir naedepari noi noi naka aibuses, 18#Bur 11:1,3; Kol 1:16. naarai mam kiseseni iboro lueanyuna, dimarai lumam eanyuna; naarai lueanyuna eraas luka apak naedit, kwabo lumam eanyuna eraas luka ikar kere.
Currently Selected:
2 Ikorinton 4: AOV1961
Highlight
Copy
Compare
Share
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.
