2 Ikorinton 6
6
1 #
2 Kor 1:24; 5:20. Aso kiswamai nepepe kaŋes, kiŋaiŋait yes sirikicamut asianut naka Edeke atitai. 2#Isa 49:8; Luk 4:19,21. Naarai inera ebe,
“Apak naka acamunio abu keira yes,
Kapaaran naka aitajario abu keŋarak yes.”
Koany, kwape kwana ŋes apak naka acamunio; koany, kwape kwana ŋes apaaran naka aitajario. 3Mam kiyaun aiguikinet kere kotoma akirot kere, kinyek akosiijaanakin aitoronio, 4#2 Kor 4:2. konye kotoma akiro kere kituro kwape ikejaanakinak luka Edeke; kotoma atitiŋikin naepol, kotoma ocan, kotoma oipud, kotoma aridakinio, 5#Asw 16:23; 2 Kor 11:23-27. kotoma aleconorio, kotoma aenio, kotoma iceleta, kotoma aitaaritoi, kotoma aikolerit, kotoma ailuŋ, 6#1 Tim 4:12. kotoma alaunit, kotoma aijen, kotoma aikany, kotoma asianut, kotoma Omoyo Lokalaunan, kotoma amin namam esoswai, 7#1 Kor 2:4. kotoma akirot naka abeit, kotoma apedor naka Edeke, kanuka lujiis luka adolit luka akan nakoteten, ka luka akan nakokediany; 8kanuka aitopoloorio ka amwaŋio da, kanuka amoromoroo ka aitojokio da, kwape ikeŋalak konye lukabeit, 9#2 Kor 4:10; Sab 118:18. kwape lumam ejenunio, konye luejenunio noi; kwape luetwakete, konye koany, kijari; kwape luiticanio, konye mam kiario, 10#Pil 4:12,13. kwape luitururuete konye luelelete tir; kwape luicanas, konye luitabarete ikepuak; kwape luemamei ibore, konye ejaas iboro kere, 11#Sab 119:32. Wu yes Ikorinton, itooŋaaritai akosiituk mamakus; italalaaritai da ekositau. 12Mam yes iridakina tomakosi, dimarai iridakina kotauonokus, 13#1 Kor 4:14. Konye tetere kitacakinete kotiai lokidumuniata, enera kayes kwape ikadwe, kitalalai da itauonokus.
14 #
Pes 5:11. Sirikienikinos ajookot nepepe kalumam iyuunito. Naarai emorete biai adolit ka amamus adolit? Arai ejai eidicane enyoin kidiŋ kaica ka amuton? 15Anyoin da acamanara naka Kristo ka Belial? Arai bo anyoin akorakinet naka yeniyuunit ka yenimam iyuunit? 16#Leb 26:12; Esk 37:27; 1 Kor 3:16; 6:19; Esk 37:27. Anyoin aitutuket kidiŋ ka eyekalu loka Edeke ka aputosia? Naarai kirai oni eyekalu loka Edeke lokajaran; kwape abalar Edeke ebe,
“Eboikini tomakec alosenenei da kokidiŋikec,
Araun eoŋ da Edekekec, kes da eraunos ikatuŋa,
17 #
Isa 52:11; Yer 51:45; Esk 20:34,41; Apu 18:4. Kanuka ŋun ebala Ejakait ebe,
Konyoutu kokidiŋikec, kotiakas kakes,
Sirikitirosi ibore yenimam elai;
Kesukunyuni eoŋ da yes.
18 #
2 Sam 7:8,14; 1 Siit 17:13; Isa 43:6; Yer 31:9; 32:38; Kos 1:10; Amo 4:13. Ebala Ejakait Lokapedor kere ebe,
Araun eoŋ Papa kamakus,
Yes da iraunos ikadwe lusap ka lupesur.”
Currently Selected:
2 Ikorinton 6: AOV1961
Highlight
Copy
Compare
Share
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.
