1 Samuel 19

1 # Awa 27:4. Kiner Saul kaYonatan okokuke, ka ikekejaanakinak kere ebe tikearata kesi Daudi. 2#Asw 23:16. Konye Yonatan okoku loka Saul amina noi Daudi. Kolimok Yonatan Daudi ebe, “Ekot Saul papaka aiar jo: asa do kenainait, koeoikin tupuruc, konop kaibois nakaiyeiyea: 3Alomari eoŋ abwoi da kapapaka komanikor loijai, eneruni nukon kapapaka; arai kajen akirot, kalimokini jo.” 4#Awa 31:8; Age 42:22; 1 Sam 2:25; 2 Siit 6:22; Sab 35:12; 109:5; Awa 17:13; Yer 18:20; 1 Kor 8:12; 1 Yok 3:15. Kiner Yonatan nuejok nuka Daudi mama ejai Saul papake, kotema ŋes atiar, “Kinyek ekabaka adiakar kama ejai ekejaanakinanike Daudi; naarai mam ŋes ediakarit kamakon, akeswamisio da kamakon araas nukajokak noi: 5#Tub 9:17; 12:3; 1 Sam 28:21; Sab 119:109; 1 Sam 17:49; 11:13; 1 Siit 11:14; 1 Sam 20:32; Mat 27:4. Naarai abu kijaik akeiiar akanike, kocam Epilisitiat, kiswama EJAKAIT aipikor naepol kanuka Isirael kere; ibu ijo da koany, kiyalamikin: kanukinyo do idiakaria ijo kama ejaas aokot numam akirot, aiar Daudi komam akirot?” 6Kopup Saul eporoto loka Yonatan: kiyapo Saul ebe, “Kwape ejaria EJAKAIT, mam ŋes eario.” 7Konyarau Yonatan Daudi, kitejen ŋes akiro nun kere. Koyanau Yonatan Daudi mama ejai Saul, kojaenena do akonyeneke kwape lem sek.

8Kojaun bobo ejie: koloma Daudi kitiji Ipilisitian, koara kes noi; kokerata kakonyeneke. 9#1 Sam 16:14; 18:10. Kobunok Saul emoyo loerono loabuni kama ejai EJAKAIT, iboie ŋesi kotogoke kakekwara kakanike; koram Daudi adeudeu kakekan. 10#Yob 5:2; Sab 5:6; Awa 1:16; 29:10. Kokoto Saul airem Daudi aiminaikin arwatat kakekwara: konye kigaikin ŋesi konyou kakonyen nuka Saul, korem do akwarake arwatat: koker Daudi koku akuare ŋin.

11 # Sab 59:1. Kijuka Saul ikiyakia togo loka Daudi aidar ŋes, tetere earete tupuruc: kotema Mikal aberu naka Daudi ŋes atiar, “Arai mam jo itajari akoniijar akuare na kiario moi jo.” 12#Yos 2:15; Asw 9:24,25; 2 Kor 11:32,33. Kosodi Mikal aijululuun Daudi kadirisa: kolot, koker, koku. 13#Age 31:19; Tub 17:5. Kolem Mikal aput naka edeke, kiperik oitada, kibwaik egoe loka ajul nuka akinei akwesike, kimuko kigoen. 14Nakijukaria Saul ikiyakia aikamun Daudi, kobala ebe, “Edek.” 15Kijuka Saul ikiyakia aanyun Daudi ebe, “Koinunai ŋes koitada, tetere aari ŋes.” 16Nakelomut ikiyakia, koany, ajai aput naka edeke oitada, ka egoe loka ajul nuka akinei akwesike. 17#2 Sam 2:22. Kotema Saul Mikal atiar, “Kanukinyo kimodia ijo eoŋ kwaŋin, aisiikin lokasurupika alosit, tape ekui?” Koboŋok Mikal Saul atiar, “Abu katema eoŋ atiar, ‘Koosikinai kalot; kanu kainyo tikaaria eoŋ ijo?’”

18 # Awa 17:17; Mal 2:7. Koker Daudi, koku, kobu mama ejai Samuel Rama kolimok ŋes kere nuabu Saul kiswamak ŋes. Koloto ŋesi ka Samuel aiboi Naiot. 19Kolimokinai Saul ebe, “Koany, ejai Daudi Naiot toma Rama.” 20#Yok 7:32,45; 1 Sam 10:5,6; 1 Kor 14:3,24,25; Mar 11:25; Yoe 2:28. Kijuka Saul ikiyakia aikamun Daudi: nakeanyut kesi erioŋet loka inabin edwarete, ebwoi Samuel korai ekapolonikec, kodoik emoyo loka Edeke ikiyakia luka Saul, kodwarata kesi da. 21Kelimokin Saul nun, abu kijuka ieekiyakia, kodwarata nul da, Kijuka Saul ikiyakia bobo irwan nakiwuniet, kodwarata kesi da, 22Kosodi ŋesi da alosit Rama, kodol atan naepol naejai Seku: kinit ebe, “Ai bo ejaas Samuel ka Daudi?” Kotema ediopet atiar, “Koany, ajaas Naiot toma Rama.” 23#Age 31:24; Mar 23:5; 24:2; 1 Sam 10:10; Awa 21:1; Dan 4:35; Mat 7:22; Yok 11:51; 1 Kor 13:2. Kobei Naiot toma Rama: kodoik ŋes da emoyo loka Edeke, kiyatak alosit, kodwar, kiton neadolio Naiot toma Rama. 24#1 Sam 10:11-12; Isa 20:2; 2 Sam 6:14,20; Mik 1:8; Asw 9:21. Kolaea ŋesi da ikegoen, kodwar ŋesi da kakonyen nuka Samuel, koper apaaran ŋin kere ka akuare ŋin kere imujalal. Ŋes atemariata ebe, “Ejai Saul da onabin?”

Currently Selected:

1 Samuel 19: AOV1961

Highlight

Copy

Compare