1 Samuel 18
18
1 #
Age 44:30; 2 Sam 18:33; Kol 2:2; Ikis 13:6; 1 Sam 19:2; 20:17; 2 Sam 1:26; Awa 18:24; Yok 15:17-19; 1 Yok 3:12-14. Kosodi kanen kenetaki einer kaSaul, kimorikikinos etau loka Yonatan ketau loka Daudi, kominakin Yonatan ŋes bala etauke elopet. 2#1 Sam 8:11; 14:52; 17:15. Koyaŋa Saul ŋes apaaran nin, komam bobo isiikini ŋes alosit ore togo loka papake. 3Kosodete Yonatan ka Daudi aitutuk, naarai abu kominakin ŋes bala etauke elopet. 4Kolae Yonatan ekaso loanapit, koinak Daudi, ka ikenapen, ka ekekileŋ, ka akekabwa, ka arokobake. 5Kolosenenei Daudi neejukanari Saul ŋes kere, kikemerenenei: kodakak Saul ŋes ayait ituŋa lukajiok, kitojokata ituŋa kere, kitojokata ibulesin da luka Saul.
6 #
Any 15:20; Tub 5:1,2; 11:34; Sab 68:25; 150:4; Yer 31:4. Kosodi kanen epote kesi, kebonu Daudi kaiar Epilisitiat, kolomut aŋor koreria kere luka Isirael, eyeete kikosiete, aisiriam ekabaka Saul, ejaas kisiman, ka ekare, ka lueruos, 7#1 Sam 21:11; 29:5; Any 15:21; Tub 5:3; 2 Siit 5:13; Sab 24:1-10; Isa 5:1. Koyeete aŋor komeanakinos kaboliakee, kobalas ebe,
“Aar Saul ekelukumit
Ka Daudi da ikelukumin itomon.”
8 #
Lim 4:4. Konyunyurikin Saul noi, kitakadik akirot nin; kinera ebe, “Ainakis Daudi ilukumin itomon, eoŋ da kainakis ilukumit bon; inyo bo do esalit dimarai ajakanut?” 9#Age 4:5; 31:2,5; Mat 20:15; Luk 15:28. Kosesen Saul Daudi kakonu naerono amear kapaaran kaŋin ka aiyatanakin.
10 #
1 Sam 16:14; 19:24; 1 Ika 18:29; Asw 16:16. Kosodi kanen, tupuruc kobunok Saul kagogon emoyo lokaronon loabuni kama ejai Edeke, kodwar ŋesi kokidin togo: koram Daudi kakekan, kwape eswamaenena ninipaaran: ido kitinite Saul akwara kakanike. 11#1 Sam 19:10; 20:33; Awa 27:24. Koremo Saul akwara; naarai abala ebe, “Aremi Daudi aiminaikin arwatat.” Kigaikin Daudi irwan aarei kakonyeneke.
12 #
1 Sam 16:13; 28:15. Kokurianari Saul Daudi naarai ajai EJAKAIT kaŋes, anyou da kama ejai Saul. 13#Mar 27:17; 2 Sam 5:2. Kanuka nun kisukunya Saul ŋes kamake, kodakak ŋes apolokin elukumit; kolomanari kolomununei da kakonyen nuka ituŋa, 14#Age 39:2; Yos 6:27; 1 Sam 10:7; 16:18; Asw 7:9; 18:10. Kikemerenenei Daudi koponesioke kere; kojaenena EJAKAIT kaŋes. 15Kosodi keanyu Saul ebe ikemerenen noi, koyon ŋes, 16Konye Isirael kere ka Yuda kominas Daudi; naarai alomanari kolomununei da kakonyenekec,
17 #
1 Sam 17:25; Mar 32:20; 1 Sam 25:28; 2 Sam 12:9. Kobala Saul Daudi ebe, “Koany, kakorakini jo akokuka nakapolon Merab aimany: konye kotitinior ijo koji ijiisio luka EJAKAIT.” Naarai abala Saul ebe, “Kinyek akakan atiror ŋes, konye kotiro akan naka Ipilisitian ŋes.” 18#Rus 2:10; 1 Sam 9:21; 2 Sam 7:18; Awa 15:33. Kotema Daudi Saul atiar, “Iŋai eoŋ, lukanai da ikainaean, ka ekek loka papaka koIsirael, tape araun ekamuran loka ekabaka?” 19#2 Sam 21:8; Tub 7:22. Konye kedol apak natikekorakinere Daudi Merab akoku naka Saul, aponi kokorakinai Adiriel Emekolatit aimany.
20Kominakin Mikal akoku naka Saul Daudi: kolimokinai Saul, kitojok ŋes akirot nin. 21#Any 10:7; Sab 7:14-16; Awa 26:24-26; Yer 5:26; 9:8. Kobala Saul ebe, “Akorakini ŋes, tetere eraun eie kamaken, tetere da esurokini akan naka Ipilisitian ŋes.” Ŋes do atemaria Saul Daudi atiar, “Iraun lolo ekamuranika irwan nakiareit.” 22Kicorak Saul ikebulesin kere ebe, “Kinerata kaDaudi kaiyeiyea, ebe, ‘Koany, kisiyalamikinit ekabaka jo, kiminas da ikekejaanakinak kere: asa do koraun ekamuran loka ekabaka.’’’ 23Kinerata ikejaanakinak luka Saul akiro nun kaki nuka Daudi, Kobala Daudi ebe, “Erai akirot naedit kamakus araun ekamuran loka ekabaka, naarai eeana eoŋ, mam arai loka aibuses naepol.” 24Kolimokis ibulesin luka Saulnes ebe, “Ener Daudi nun.” 25#Age 34:12; Any 22:17; 1 Sam 14:24. Kotema Saul atiar, “Itemarete Daudi kwanata ebe, Mam ekabaka ekoto akiitakinio idiobore, dimarai amunyin akwatat nuka ekiliokane loka Ipilisitian, ainyania lukasurupo luka ekabaka.” Koomite Saul Daudi aario kakan naka Ipilisman. 26Kosodi kelimokis ikekejaanakinak Daudi akiro nun, kitoiok noi Daudi araun ekamuran loka ekabaka, Eroko apaarasia ketuboro, 27#2 Sam 3:14. Konyou Daudi kolot, ŋes ka iketuŋa, koarata ituŋa akwat aarei luka Ipilisitian; koyau Daudi amunyinikee, koinakis ekabaka etiai kere, tetere eraun ekamuran loka ekabaka, Kokorak Saul ŋes Mikal akokuke aimany. 28Koany Saul, kojenu da ebe ejai EJAKAIT kaDaudi; kominakin Mikal akoku naka Saul ŋes. 29#1 Sam 12:15; Yob 5:2,12,13; Sab 37:12,13; Lim 4:4; Yak 2:13. Kiyatak Saul ayoŋit Daudi; koraenena Saul lokasurup loka Daudi tiritir.
30 #
2 Sam 11:1; Luk 21:15. Kosodete ikapolok luka Ipilisitian alomar aireb; kosodi kanen kwape alomanariata kesi aireb, kikemerenenei Daudi adepar ikejaanakinak luka Saul kere; kanuka nun koyoŋitete do noi ekekiror.
Currently Selected:
1 Samuel 18: AOV1961
Highlight
Copy
Compare
Share
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.
