1 Samuel 17

1 # Yos 15:35; 2 Siit 28:18. Kotukonokis Ipilisitian ajorekee ejie, kotukokinos Soko, naka Yuda, kidukuroto kidin Soko ka Aseka, toma Epes-damim, 2Kotukokinos Saul ka ituŋa luka Isirael, kidukuroto apuuton naka Ela, kiderakinos ejie ka Ipilisitian. 3Kobwaata Ipilisitian komoru epuai, kobwaata luka Isirael da komoru kepuai: koiai aditot kidinikec, 4#2 Sam 21:19; 1 Siit 20:5; Yos 11:22; 2 Sam 21:22; 1 Siit 8:13; 18:1; 20:8; 2 Siit 26:6; Amo 6:2. Kolom ekadedenan koswamin luka Ipilisitian, ekekiror Goliat, loka Gas, aoiauke ikubitin #17:4 ekubit itemi aojau bala 1’ 6”. ikanykape ka atutubet naka ekubit, 5Konapite aboko naka aisinit kakouke, konapite da ekooti loka aisinit; alaŋir naka ekooti isekelin ilukumin ikany luka aisinit. 6Konapite da kakeje aisinit, ka eliru loka aisinit kopur. 7#2 Sam 21:19; 1 Siit 11:23. Koputos amorok naka akwarake bala akitoi naesonyere; ka akwarake da alopet alaŋir kitemi isekelin akwat akanykape luka asuat: kinarenenokini ŋol lokitinenenei ekebuku. 8#1 Sam 8:17; 1 Siit 21:3. Kobwo kiworo mama ejai ajore naka Isirael, kobala ebe, “Kanukinyo ilomuniata aiderakin? Mere eoŋ Epilisitiat, yes da ibulesin luka Saul? Koseutu ekes kanukus, kikokoroun neajai, 9#1 Sam 11:1. Arai kepedo ejie keoŋ, kaar, asa kiluor isio ikusibulesin; konye keteleka eoŋ ŋes, kaar, asa iluoros yesi ibulesinikosi, kijaanakinete sio.” 10#Mar 23:7,8; 2 Sam 21:21; Nek 2:19. Kiner Epilisitiat ebe, “Emua lolo ajore naka Isirael; ae ekes, kaiioto.” 11Kiira Saul ka luka Isirael kere akiro ŋun nuka Epilisitiat, kiyalononoto, kokuriakaros noi.

12 # Rus 4:22; 1 Sam 16:1,18; Age 35:19; 1 Sam 16:10,11; 1 Siit 2:13. Kerai Daudi okoku loka Epurasit ŋol loka Bet-lekem-Yuda, lokerai ekekiror Yese; kejaas odweke ikanykauni: komoionite da etuŋanan ŋol kapaarasia nuka Saul, kokokosanite kotuna. 13#1 Sam 16:6; 1 Siit 2:13. Ketuparito odwe luka Yese lukapolok iuni Saul oiie: ikiroria da luka odweke luuni lukelositos oiie kes luta, ekiyai ŋes Eliab, loketupi da ŋes Abinadab, ka lokiwuniet ŋes Sama, 14Daudi ŋes eŋoorit: ketuparito lukapolok iuni Saul. 15Ido kobononori Daudi kama ejai Saul acok amerekekin nuka papake Bet-lekem. 16Kikunyununei Epilisitiat tupuruc ka eboŋ, kitodianar apaarasia akaisaoŋon.

17Kolimok Yese okokuke Daudi che, “Koina bo ikoniinacan epa#17:17 epa itemi alaniru. loka imomwa luikawooritai, ka imugatin lu itomon, kisunya ayaŋaar oidukurun mama ejaas ikoniinaean: 18#Age 37:14. Koina ekapolon loka elukumitikee ikamonon itomon lueokito luka akile, koany kwape ejaatar ikoniinaean, kijau aititiŋetekec.”

19Ido Saul, ka kes, ka ituŋa kere luka Isirael, kojaas aditor naka Ela, ejiosi ka Ipilisitian. 20Konyou Daudi tupuruc sek, kinyeinia ekejokon amerekekin, kitin iboro, kolot kwape kieorakinia Yese; kodol aibois naka agalin, napedakun ajore ejie, kokutas ikodeta ejie. 21Kiderakinos Isirael ka Ipilisitian, kotereikinos ajore ka ajore. 22Kinyek Daudi ikeboro kakan naka ekedaran iboro, kodinirir mama ejai aiore, kolot kiyoga ikeinaean. 23#Age 43:27; Tub 18:15. Napiyalaete kakes, koany, kodakun etikadedenan ie, Epilisitiat loka Gas, ekekiror Goliat, konyou kokokoron luka Ipilisitian, kinera kwape kejaatar akiro kwa: kiira Daudi.

24Kosodete ituŋa kere luka Isirael, keanyut ekesa ie, kokerata kokuriakaros noi. 25#Yos 15:16. Kobalas ituŋa luka Isiracl ebe, “Ianyut etuŋanan ŋol loadoku? Abeit adorit Isirael ŋes adokunia: asa arai kear ituŋanan ŋes, itabari ekabaka kabar naepol, einakini da akokuke, ido ituluori ekek loka papake loka aijamam kotoma Isirael.” 26#1 Sam 11:2; 14:6; Ikis 5:26; Yer 10:10. Kosodi kinera Daudi kituna luedunyatar ebwoete atiar, “Ikonakinio ai ituŋanaa yeneari Epilisitiat lo, kolema amorosit kotoma Isirael? Naarai ŋes iŋai Epilisitiat lo lomam ekepitai, adorit ajore naka Edeke lokajaran?” 27Kobonokis ituŋa kobalas ebe, “Ikonakinio nen ituŋanan yeneari ŋes.”

28 # Age 37:4; Awa 18:19; 27:4; Lim 4:4; Mat 10:36; 27:18; Mk 3:21. Kiira Eliab onaeeke lokapolon kwape enerar kituna; kinep anyunyura naka Eliab aluikin Daudi, kobala ebe, “Kanukinyo ibunio ijo da? Ido iŋai inyeinia amerekekin kwa adis kais? Ajeni akoniwononut, ka epali lokotaukon, naarai ibunit aanyun ejie.” 29#Awa 15:1. Kobala Daudi ebe, “Ekonak bo eoŋ ai kwana? Mam akirot?” 30Kinyek ŋes kibelokin mama ejai ece, kinera akiro kwape kakwa; kobonokis bobo ŋes ituŋa kwape kebononokinioto nusodit.

31Kiirar akiro nukinera Daudi, kitejenunai Saul; konyaraarai ŋes. 32#Mar 13:30; 14:9; Ikis 20:1,3; Isa 30:3; Bur 12:12; 1 Sam 16:18. Kotema Daudi Saul atiar, “Kinyek etau loka irunanan aiurunun kanuken; elosi ekonibulesit ejie kEpilisitiat ŋol.” 33#Mar 13:31; Ikis 9:2. Kotema Saul Daudi atiar, “Mam ipedori airiamakin kEpilisitiat ŋol ejie kaŋes; naarai irai ijo isapat, konye ŋol ekajiot ameun keitelepaneke.” 34Kotema Daudi Saul atiar, “Ecokienenei ekonibulesit amerekekin nuka papake; nakebunenenoo eŋatuny, arai edubu, koyana imerekek yenikosipan. 35Kalomanari, katupari, kenomi kademuni kaitukuke; keebwokokin, ketini kopenekike, kenom, kaari. 36Abu ekonibulesit kinom eŋatuny ka edubu kere: ikonakini nen Epilisitiat ŋol lomam ekepep bala ediopet kakesi, naarai edorit aiore naka Edeke lokajaran.” 37#1 Sam 7:12; Sab 18:16,17; 138:3; 2 Kor 1:10; 2 Tim 4:17,18; 1 Sam 20:13; 1 Siit 22:11,16. Kotema Daudi atiar, “EJAKAIT loabu ketajar kabelekeka nuka eŋatuny, ka abelekeka nuka edubu, ketajari da kakan naka Epilisitiat kanol.” Kotema Saul Daudi atiar, “Kolot, ejauni Edeke kajo.” 38Kitanap Saul Daudi inapeneke, kidokok aboko naka aisinit akouke, kitanap ekooti loka aisinit. 39Koenik Daudi ekekileŋ anapitoke; kitetemo alosit; naarai mam anaikinit, Kotema Daudi Saul atiar, “Mam apedori alosit kalu; naarai mam lem anaikinit.” Kolaca Daudi kes. 40Kitin ekebela kakanike, koseu alica akany nuerurut kosamai, kibwaik oriagike lokicokis lokejaatar, toma ocoeke; kojai da akeporocet akanike; kikunyak Epilisitiat.

41Kobunok Epilisitiat koapik Daudi; kinarenikinit etuŋanan loetinenenei ekebuku. 42#Sab 123:4; 1 Kor 1:27,28; 1 Sam 16:12. Kenolenol Epilisitiat, koany Daudi, komen; naarai kerai isapat, ikarenan, ido itemel. 43#1 Sam 24:14; 2 Sam 3:8. Kotema Epilisitiat Daudi atiar, “Arai kereka eoŋ ekiŋok, ibuni neajai kibelai?” Kilam Epilisitiat Daudi kama ejaas idekesioke, 44#1 Ika 20:10,11; Yer 9:23; Esk 28:2-10; 39:17-20. Kotema Epilisitiat Daudi atiar, “Bia neajai, kakorak akonikuan akweny nuka apak, ka itiaij luka ais.” 45#2 Sam 22:33,35; 2 Siit 32:8; Sab 124:8; 125:1; Awa 18:10; 2 Kor 10:4; Pil 4:13; Bur 11:33,34. Kotema Daudi Epilisitiat atiar, “Ibuni ijo neajai kekilen, ka eliru, ka akwara; konye eoŋ abunit mama ijai kokiror loka EJAKAIT loka ajoresio, Edeke loka ajoresio nuka Isirael nuidorit. 46#Ikis 28:26; Yos 4:24; 1 Ika 8:43; 18:36; 2 Ika 19:19; Isa 52:10. Kikorakini lolo EJAKAIT akanika; kenomi jo, ajepari da akonikou; ido akorakini lolo akweny nuka apak, ka itian luka amagoro, atesin nuka ajore naka Ipilisitian; kojenut akwapin kere ebe ejai Edeke toma Isirael: 47#Sab 44:6,7; Kos 1:7; Sek 4:6; 2 Siit 20:15. Kojen teni atukot na kere ebe mam EJAKAIT itajari kekilen ka akwara; naarai ejie erai loka EJAKAIT, ŋes da kikorakini yes akanikosi.”

48Kosodi kanen, kenyou Epilisitiat, kobu kikunyak airiamakin kaDaudi, kisunya Daudi, kodinirir neejai aiore airiamakin kEpilisitiat. 49Kirupa Daudi akan oriagike, kolem alicait, kiiliil, koporocik, kocam Epilisitiat oreeteke; koloma alicait oreeteke, kibiror ebuburia,

50 # 2 Sam 21:19; 23:21; 1 Sam 21:9; Tub 3:31; 15:15. Kipiko Daudi kwaŋin Epilisitiat kaporoeet ka alicait, kocam Epilisitiat, koar; konye komamei ekileŋ kakan naka Daudi. 51#Bur 11:34. Kosodi konemesiar Daudi, kieak Epilisitiat, kitin ekekileŋ, kout kakuraruke, koar, kojep akekou. Keanyut Ipilisitian ebe atwana ekadedenanikec, kokerata. 52#Yos 15:36. Konyout ituŋa luka Isirael ka luka Yuda, ibwoŋas, korukoriata Ipilisitian aitodol neidolio Gat, korutei luka Ekuron. Kibironokinos Ipilisitian lukimusuŋitai orot loebei Saarim, kiton Gat, ka Ekuron. 53Kobonut idwe luka Isirael karukitor Ipilisitian, konatata iidukurunukee. 54Kolem Daudi akou naka Epilisitiat koyau Yerusalem; konye kinadak lujiisike owemake.

55 # 1 Sam 16:21,22. Keanyu Saul Daudi elosi asurokin Epilisitiat, kotema Abiner ekapolon loka aiore atiar, “Abiner, okoku lokanai esapat ŋol?” Kobala Abiner ebe, “Kwape ejaria ekonitau, wu ekabaka, mam ajeni.” 56Kotema ekabaka atiar, “Kinit iŋai bo papa loka esapat kaŋol.” 57Napebonuni Daudi kaiar Epilisitiat, koyana Abiner ŋes, koyana mama ejai Saul kitinite akou naka Epilisitiat, 58#Rus 4:22; 1 Siit 2:13-15; Isa 11:1,10; Mat 1:6; Asw 13:22; Rom 15:12. Kotema Saul ŋes atiar, “Iŋai bo papakon, ijo esapat?” Koboŋok Daudi atiar, “Arai eoŋ okoku loka ebulesitikon Yese Ebetelekemit.”

Currently Selected:

1 Samuel 17: AOV1961

Highlight

Copy

Compare