1 Samuel 16

1 # 2 Ika 9:1; Sab 78:70; Asw 13:22. Kotema EJAKAIT Samuel atiar, “Itodol ai imonyi kanuka Saul, naarai aŋer eoŋ ŋes araut ekabaka loka Isirael? Kileleb akinyet amumwaratakon, kolot, kejukari jo mama ejai Yese Ebetelekemit: naarai adum ekabaka kodweke.” 2#1 Sam 20:29. Kotema Samuel atiar, “Ekwaikini ai alosi? Arai kiira Saul, kaari eoŋ.” Kotema EJAKAIT atiar, “Koyana ataok, kiner atiar, ‘Abunit ainakin EJAKAIT asuban.’ 3#Any 4:15; 1 Sam 9:16. Konyarau Yese kobu asuban, ketodikini jo nuiswamai: inyonyoikini akinyet ŋol lokalimokini jo.” 4#1 Sam 21:1; 2 Sam 6:9; 1 Ika 17:18; Kos 6:5; 11:10; Luk 5:8; 8:37; Asw 24:25; 1 Ika 2:13; 2 Ika 9:22. Kiswama Samuel nuabu EJAKAIT kiner, kobu Bet-lekem, Kopotu imakio lukore emaranete airiamun kaŋes, kotemasi atiar, “Ibunit ijo kainapakin?” 5#Any 19:10. Kotema atiar, “Kainapakin: abunit ainakin EJAKAIT asuban: kitalaunos, kauparos keoŋ asuban.” Kitalau Yese ka odweke, konyarau kes aponare asuban.

6 # 1 Ika 12:26. Kosodi kanen kepotu, abu ŋesi kosesen Eliab; kotema atiar, “Abeit loinyonyoikini EJAKAIT akinyet ejai akonyeneke.” 7#Sab 147:10; Isa 55:8; 2 Kor 10:7; 1 Ika 8:39; 1 Siit 28:9; 2 Siit 16:9; Sab 7:9; Yer 11:20; 17:10; Asw 1:24; Apu 2:23. Konye kobala EJAKAIT Samuel ebe, “Sirikisesen ereeteke, karaida aoiau naka akuanake; naarai aŋer ŋes: naarai mam EJAKAIT eseseni kwape esesenia ituŋanan; naarai itei ituŋanan atakan nakokuju, konye itei EJAKAIT etau.” 8Kosodi Yese anyaraun Abinadab, kitotor akonyen nuka Samuel. Kotema atiar, “Mam EJAKAIT eseunit lo da.” 9Kosodi Yese aitotor Sama. Kotema atiar, “Mam EJAKAIT eseunit lo da.” 10Kitotor Yese odweke ikanykaarei akonyen nuka Samuel. Kobala Samuel Yese ebe, “Mam EJAKAIT eseunit lu,” 11#1 Sam 17:12; 2 Sam 7:8; Sab 78:70. Kotema Samuel Yese atiar, “Ejaas ikonidwe ne kere?” Kotema atiar, “Esalit inoorit, ido koany, ieokie amerekekin.” Kobala Samuel Yese atiar, “Kijuka koomai ŋes: naarai mam kiboikin aitodol neebunio.” 12#Eko 5:10; 1 Sam 9:17. Kijuka, kitolom ŋes, Koren ŋesi, kitemelel, ajok asesen da. Kotema EJAKAIT atiar, “Konyou, kinyonyoik ŋes akinyet, naarai ŋes lo.” 13#Sab 89:20; Mar 27:18; Tub 11:29; 13:25; 14:6. Kosodi Samuel alemun amumwarat naka akinyet, kinyonyoik ŋes akinyet kokidin oinacanake: kodoik emoyo loka EJAKAIT Daudi kagogon amear kapaaran kaŋin kaiyatanakin. Konyou Samuel, kolot Rama.

14 # 1 Sam 18:12; Tub 16:20; Sab 51:11; Tub 9:23; 1 Sam 19:9; Isa 19:14. Abu emoyo loka EJAKAIT konyou kaneejai Saul, kitican ŋes emoyo loerono loabuni kama ejai EJAKAIT. 15Kotemasi ibulesin luka Saul ŋes atiar, “Koany, kitican jo emoyo loerono loabuni kama ejai EJAKAIT. 16Aso kicorak ekapolonikosi ikonibulesin luejaas akonyenekon, amoun etuŋanan loerami adeudeu kapirianut, kosodi naiiaar ijo kemoyo loerono loabuni kama ejai Edeke, ŋes do eramia ŋesi kakekan, iŋaleuni.” 17Kobala Saul ikebulesin atiar, “Kodumakinai etuŋanan loerami ejok, koinut.” 18Kosodi ediopet kokatumunak aboŋokin ebe, “Koany, aanyunit okoku loka Yese Ebetelekemit, loerami kapirianut, etuŋanan lokirigi loetitin, etuŋanan loejio, loecobe koinerike, loitemelej, ido ejai EJAKAIT kaŋes.” 19Kijuka Saul ikiyakia mama ejai Yese, kotema atiar, “Kijukakinai okokukon Daudi, loejaas kamerekekin.” 20Kolem Yese asigiria kisibwok imugatin, ka eriagi loka emukule loka ebino, ka ikalol, kijuka kes ka Daudi okokuke mama ejai Saul. 21#Age 41:46; 1 Ika 10:8; Awa 22:29. Kobu Daudi mama ejai Saul, kobwo kakonyeneke: kominakin ŋes noi; koraun loedakit luiiisike. 22Kijuka Saul mama ejai Yese kobala ebe, “Keŋaiŋait, kocamak Daudi abwoenen kakonyeneka; naarai adumu ŋesi asianut kakonyeneka.” 23Kosodi kanen keiau Saul emoyo loerono loabuni kama ejai EJAKAIT, kolemuni Daudi adeudeu, koram kakekan: kicasi do Saul, konaleuni, konyou emoyo loerono kamake.

Currently Selected:

1 Samuel 16: AOV1961

Highlight

Copy

Compare