1 Samuel 15

1 # 1 Sam 10:1; 9:16. Kotema Samuel Saul atiar, “Abu EJAKAIT kejuk eoŋ ainyonyoikin jo akinyet araun ekabaka loiyait ikeruna, Isirael: asa do, kopupok eporoto loka akiro nuka EJAKAIT, 2#Any 17:8-14; Ikis 25:17-19. Ebala kwanata EJAKAIT loka aioresio ebe, ‘Eteu eoŋ Amalek kanuka nuabu ŋesi kiswamak Isirael, kwape abu kobwoikinia ŋes korot naabunio koMisiri. 3#Leb 27:28; Yos 6:17; Any 20:5; Isa 14:21; Age 3:17; Yos 7:24. Aso do kolot kodany Amalek, komudia kere luejaatar kesi, komam ideunete kes, koarata kere, ikiliok ka aŋor da, imukerun ka luenakete, imoŋin ka amerekekin, akaalai ka asigiria da.”

4 # Yos 15:24. Kosodi Saul atukokin ituŋa, kimar kes koTelaim, ituŋa ilukumin akwat aarei luelosete akeje, ka ituŋa luka Yuda ilukumin itomon. 5Kobu Saul ore loka Amalek, kosodete koperut kaditot. 6#Mar 24:21; Tub 1:16; 4:11; Age 18:25; 19:12; Asw 2:40; Apu 18:4; Any 18:10; Mar 10:29. Kotema Saul Ikenin atiar, “Koloto, konyoutu, konyoutu komalekain, kenyek amudiar yes kakes: naarai ipotu kosiakata mama ejaas idwe luka Isirael, naaponiata koMisiri,” Kwaŋin konyout Ikenin komalekain, 7#1 Sam 14:48; Age 2:11; 25:18; 16:7; 1 Sam 27:8. Kodany Saul Imalekain, anyoun koKabiIa bala ilosi Sur, loejai kinaren nako Misiri, 8#1 Ika 20:34; Est 3:1; 1 Sam 30:1. Kikama Agag ekabaka loka Imalekain eiari, komudia eut ituŋa kere kakwanis naka ekileŋ. 9#Awa 15:27; 1 Tim 6:10. Konye Saul ka ituŋa kideut Agag, ka luetelekarito aiokis kamerekekin, komonin, ka luetumito, ka imerekekin ludidik, ka luajokak kere, komam emudiarete kes cut: konye ibore kere yenarono ka yenamam aiokis, ŋes apotu kesi komudiasi.

10Kosodi akirot naka EJAKAIT abunore mama ejai Samuel ebe, 11#Age 6:6; 2 Sam 24:16; Yos 22:16; 1 Ika 9:6; Sab 36:3; Sep 1:6; Mat 24:13; 1 Sam 16:1; Luk 19:41,44; Rom 9:1-3. “Eitu eoŋ kanu naarai abu kadakak Saul araun ekabaka: naarai abono kau enyeki atupit eoŋ, ido mam iswamat akaicorakineta.” Konyunyurikin Samuel; komony mama ejai EJAKAIT akuare kia. 12#Yos 15:55. Kodilok Samuel anyoun airiamun ka Saul tupuruc; kolimokinai Samuel ebe, abu Saul kobu Karamel, ido koany, abu kosipok aiitunet, ido alot, atubor, abea Giligal. 13#Age 14:19; Tub 17:2; Rus 3:2; Luk 18:11. Kobu Samuel mama ejai Saul: kotema Saul ŋes atiar, “Kisirereŋ EJAKAIT jo: eswama eoŋ aicorakinet naka EJAKAIT.” 14Kotema Samuel atiar, “Inyo bo do apolou naka aruo na naka amerekekin naapupi kakiika, ka eikun loapupi loka imoninr” 15#Age 3:12; Awa 28:13. Kotema Saul atiar, “Ayaunio kes kama kImalekain: naarai apotu ituŋa kideut luetelekarito ajokis kamerekekin komonin da, ainakinia EJAKAIT Edekekon asuban; ido luee kere kimudia isio cut.” 16Kosodi Samuel atemar Saul atiar, “Ŋo ber, kalimok jo nuabu EJAKAIT kalimok eoŋ akuare na.” Kotema ŋes atiar, “Aso kiner.”

17Kotema Samuel atiar, “Karaida kirai ijo lokidite kakonyenekon mam aponi kodakakin apolokinit atekerin nuka Isirael? Kinyonyoik da EJAKAIT jo akinyet araun ekabaka loiyait Isirael; 18Kosodi EJAKAIT aijukar jo alosit, kobala ebe, ‘Aso kolot komudia eut ikadiakanarak kes Imalekain, kitiji kes aitodol naimudiaria kere.’ 19Kanukinyo do mam jo ibu korimaria eporoto loka EJAKAIT, konye ibu kokerik lunatan kiswama nueroko kakonyen nuka EJAKAIT?” 20Kotema Saul Samuel atiar, “Ee bo, abu eoŋ karima eporoto loka EJAKAIT, alot da alosit naabu EJAKAIT kejukak eoŋ, kayau da Agag ekabaka loka Amalek; amudia eut Imalekain. 21Konye apotu ituŋa kolemut iŋatan, amerekekin ka imoŋin, luepolok koboro luagitaritai, ainakinia asuban mama ejai EJAKAIT Ekonideke koGiligal.” 22#Sab 50:8,9; Awa 21:3; Isa 1:11; Yer 7:22; Amo 5:21,24; Mik 6:6; Mat 9:13; 12:7; Bur 10:6; Any 19:5; Lim 5:1; Yer 7:23; Kos 6:6; Mat 5:24; 9:13; Mk 12:33. Kotema Samuel atiar,

“Isiyalamikinit kereka EJAKAIT ainakineta nuicweio ka asuban

kwape isiyalamikinitor arimarit eporoto loka EJAKAIT?

Koany, arimar itelekarit asubanit,

Ka aipup da edeparit asiepai nuka imerekekin.

23 # Ikis 18:10. Naarai epali esubit bala adiakaret naka aidwar,

Ka aninik bala aputosia nuegerer ka iterapim.

Naarai iner ijo akirot naka EJAKAIT,

Kiner ŋesi da jo araut ekabaka.”

24 # 2 Sam 12:13; Any 9:27; Mat 27:4; Any 23:2; Yob 31:34; Awa 29:25; Isa 51:12; Luk 23:20-25; Apu 21:8. Kotema Saul Samuel atiar, “Abu kadiaka; naarai ebuca aicorakinet naka EJAKAIT, ka akirokon: naarai abu kayon ituŋa, kasodi arimar ekeceporoto. 25Kanuka nun, kenainait, kitim akadiakaret, kibelokin bobo nepepe keoŋ, tetere amai EJAKAIT.” 26#1 Sam 2:30. Kotema Samuel Saul atiar, “Mam eoŋ kibonori kaio, naarai iŋer ijo akirot naka, EJAKAIT: EJAKAIT da kiŋer jo araut ekabaka loiyait Isirael.” 27#1 Sam 28:17; 1 Ika 11:30-31. Kosodi napibelokin Samuel alosit, abu kitin ekekaso, kocila. 28Kotema Samuel ŋes atiar, “Acila EJAKAIT ajakanut naka Isirael kamakon lolo, ainaki da ŋes eidunyetekon, loejok adepar joo. 29#Mar 23:19; Esk 24:14; 2 Tim 2:13; Tit 1:2. Bobo da Agogoŋ naka Isirael mam iŋalai karaida aitoronikin: naarai mam ŋes erai etuŋanan tape itoronikin.” 30#1 Sam 2:30; Sab 49:20; Awa 4:8; 26:1; Yok 5:44; 12:43; Rom 2:28,29. Kosodi ŋesi atemar atiar, “Abu kadiaka: konye kenainait, kitubusai kakonyen nuka imakio luka ikatuŋa, kakonyen nuka Isirael, kibelokin bobo nepepe keoŋ, tetere amai EJAKAIT Ekonideke.” 31Kibelokin do Samuel aupar kaSaul: koma Saul EJAKAIT.

32Kosodi Samuel atemar ebe, “Koinunai Agag ekabaka loka Imalekain.”

Kobu Agag mama ejai ŋesi esoga. Kobala Agag ebe, “Abeit atubor apipil naka atwanare.” 33#Age 9:6; Any 17:11; Tub 1:7; Mat 7:2; Yak 2:13; Apu 16:6; 18:6; 1 Ika 18:40. Kotema Samuel atiar, “Kwape abu ekonikilen kitasalia aŋor emameete idwe, kwaŋin esalia totokon da emamei ikoku kanor.” Kojepejep Samuel Agag kakonyen nuka EJAKAIT koGiliga!.

34 # 1 Sam 11:4. Kosodi Samuel alosit Rama; kolot Saul togoke Gibea loka Saul.

35Mam bobo Samuel abu kobu aanyun Saul aitodol apaaran naatwania; konye komony Samuel kanuka Saul: kiitu EJAKAIT kanu naarai abu kodakak Saul araun ekabaka ayait Isirael.

Currently Selected:

1 Samuel 15: AOV1961

Highlight

Copy

Compare