1 Samuel 14

1Kosodi adiopepaaran abu Yonatan okoku loka Saul kotema ekatumunan loadakit lujiisike atiar, “Kobia kaloto mama ejaas iseri kalen luka Ipilisitian, lueiaas owai je.” Konye mam abu kolimok papake. 2#1 Sam 13:15. Kiboikin Saul atutubet nakosane naka Gibea kwap kekamamaga, loejai Miguron: emwaasi ituŋa luajaas kaŋes kwape akwat akanykape. 3#1 Sam 4:21; Any 28:30; 1 Sam 2:28; 22:18. Abu Akiya okoku loka Akitub, onaee loka Ikabod, okoku loka Pinekas, okoku loka Eli, esasedoti loka EJAKAIT koSilo konapite epod. Mam apotu ituŋa kojenut ebe alot Yonatan. 4#1 Sam 13:23. Kidin karidana, nuakoto Yonatan aitor alosit mama ejaas iserikalen luka Ipilisitian, ajai emoru osiep ediopet ka emoru osiep ece da: ekiror loka ediopet ŋes Boses, ka ekiror loka ece da ŋes Sene. 5Ajai ediopemoru ari naka agolitomei kinaren kaMikimas, loce da ari naka eŋalakimak iŋaren keGeba.

6 # Age 17:7-11; Tub 14:3; 15:18; 1 Sam 17:36; 31:4; 2 Sam 1:20; 1 Siit 10:4; Yer 9:23,26; Pes 2:11,12; Pil 3:3; Ikis 32:30; Yos 14:12; Tub 7:4,7; 2 Siit 14:11; Sab 115:1-3; Sek 4:6; Mat 19:26; Rom 8:31. Kotema Yonatan ekatumunan loadakit lujiisike atiar, “Kobia kaloto mama ejaas iserikalen luka lu lumam ekepitai: diatiswamai EJAKAIT kaoni: naarai emamei yenitikokini EJAKAIT aitajar kaluipu arai kaluikidioko.” 7Kobala loadakit lujiisike atiar, “Kiswama kere nuejaas otaukon: koany, ajai eoŋ nepepe kajo, kwape ejaar ekonitau ŋes ejaar lokaŋ da.” 8Kosodi Yonatan atemar atiar, “Koany, kilosi mama ejaas ituŋa, kasodete aitodiar kamakec. 9Arai kiitemasi kesi oni atiar, ‘Kidareutu aitodol nakibunio mamakus’; ŋes kisalakinia aiboisiwok, mam da kidokari mamakec. 10#Age 24:14; Tub 7:11; 1 Sam 10:7; 2 Sam 5:24; Isa 7:11,14. Konye arai ketemasi atiar, ‘Kodokutu mamakosi’; ŋes do kidokaria: naarai ijaikini EJAKAIT kes akaniwok: craun ŋin aanyunet kamawok.” 11Kosodete kesi iarei aitodiar oserikalen luka Ipilisitian: kotemasi Ipilisitian atiar, “Koany, alomut Iburanian kapanya kanuanopitotor.” 12Kobonokis iserikalen Yonatan ka loadakit lujiisike ebe, “Kodokutu mamakosi, kitodikini isio yes ibore.” Kotema Yonatan loadakit luiiisike atiar, “Kodok, kotupunai: naarai ejaiki EJAKAIT kes akan naka Isirael.” 13Kodoka Yonatan kuiu eliat kakanin ka akeje, kotupite ŋes loadakit lujiisike: kibiroros kesi kakonyen nuka Yonatan; komeete loadakit lujiisike aiar kes, 14Earit ŋol losodit loaarete Yonatan ka loadakit lujiisike emwaasi ituŋa akaisaarei, katutubet naedit noi kosubite bala epelu lokamana. 15#Yos 2:9; Tub 7:21; 2 Ika 7:7; Yob 18:11; Sab 14:5; 48:5,6; 1 Sam 13:17. Kojau amaran naepol oidukurun, omanikor, otuŋa da kere, iserikalen, ka ikaŋatak da apotu komaranata: komaran akwap, kwaŋin kojaun amaran naepol noi, 16Kiteoto ikedarak luka Saul koGibea loka Benyamin; ido koany, kidior atukot, kisiarakinos niniibois.

17Kosodi Saul alimokin ituŋa luajaas kaŋes atiar, “Aso kimara, koanyut yenelosit kamawok.” Kosodete kimarata, ido koany, amameete kanen Yonatan ka luadakit lujiisike. 18Kotema Saul Akiya atiar, “Koyau asaduku naka Edeke ne.” Naarai ajai asaduku naka Edeke kidwe luka Isirael kapak kaŋin, 19#Mar 27:21; Yos 9:14; Sab 106:13. Kosodi kanen ineras Saul ka esasedoti, kiyatakin noi eeelet loajai oidukurun luka Ipilisitian; kotema Saul esasedoti atiar, “Kolema akonikan.” 20#Tub 7:22; 2 Siit 20:23; Isa 9:19-21. Kotukokinos Saul ka ituŋa kere luajaas kaŋes, kopotu ojie: ido koany, abu ekileŋ loka ŋinituŋanan koluik yenieeke, kojaun aiyaloŋoŋ naepol noi. 21Iburanian luajaas lem ka Ipilisitian, lualosete kakes oidukurun kakwap naalukunit; apotu nul kibelooros mama ajaas Isiraelin luajaas ka Saul ka Yonatan, 22#1 Sam 13:6. Kwape kwaŋin da ituŋa kere luka Isirael luaŋopitos kakwap nakiukon naka Epuraim, kepuput ebe akera Ipilisitian, apotu kesi da kodapata kes noi kojie. 23#Any 14:30; Ikis 33:29; 1 Sam 10:19; 1 Siit 11:14; Sab 17:7; 44:6,7; Isa 63:9; Kos 1:7; 1 Sam 13:5. Kitajar EJAKAIT Isirael kapaaran kaŋin: kotubor ejie Bet-aben,

24 # Leb 27:29; Mar 21:2; Ikis 27:15-26; Yos 6:26; Tub 11:30; 21:1-5; Awa 11:9. Kiyalononoto ituŋa luka Isirael kapaaran kaŋin; konye kicorak Saul ituŋa ebe, “Kikenoi etuŋanan loenyami idionyamat kere eroko atiboŋ, kenyana eoŋ da lukasurupoka.” Mam do ediotuŋanan loabu kiir inyamat, 25#Ikis 9:28; Mat 3:5; Any 3:8; Mar 13:27; Mat 3:4. Kopotu ituŋa kere amagoro; kojai esik kwap. 26Kosodi kedolut ituŋa amagoro, koany, koitunun esik: konye mam ediotuŋanan loabu kibwaik akan aitukuke; naarai ayoŋito ituŋa aiyaposit. 27Konye mam Yonatan abu kopup naecorakinia papake ituŋa aiyaposit: ŋes edomakinia ebela loetiŋit ŋesi akape nuka esik, kosodi aibwaikin akekan aitukuke; kolakaros akekonyen. 28Kosodi ediopet kotuna aboŋokin ebe, “Abu papakon kicorak ituŋa aiyaposit ebe, ‘Kikenoi etuŋanan loenyami inyamat apaaran naka lolo.’’’ Kilworunos ituŋa, 29Kotema Yonatan atiar, “Etican papaka akwap: keŋainait, koany, kwape alakarotor akonyeneka, naarai abu eoŋ keir edio kosik kalo. 30Mere tiejok noi arai kenyamito ituŋa lolo lunatuna luka lukasurupokec luapotu kodumut? Naarai emamei lolo earit loepol koPilisitian.”

31Kodanyata luka Ipilisitian kapaaran kaŋin anyoun koMikimas kiton Aiyalon: kilworunos ituŋa noi. 32#Age 9:4; Leb 3:17; 7:26; 17:10; Ikis 12:16-24; Asw 15:20,29. Kokerata ituŋa oŋatan, kolemut amerekekin, ka imoŋin, ka itak, koarakis kes kwap: konyamata ituŋa kes kaokot da. 33#Age 9:4; Leb 7:26-27; 17:10-14; 19:26; Ikis 12:16,23; 15:23. Kosodete kesi alimokin Saul ebe, “Koany, adiakasi ituŋa kama ejai EJAKAIT, naarai enyamete kaokot da.” Kotema atiar, “Ibilata ebotet, kikokorikinoi amoru naepol neajai lolo.” 34Kotema Saul atiar, “Kisiararos yesi otuŋa, kotemasi kes atiar, ‘Koyau ninitunanan ekemon, ka ŋinituŋanan akemerekek, koarakis ne, konyamata; kinyeis adiakar kama ejai EJAKAIT kanuka ainyam kaokot.” 35#Tub 21:4; 1 Sam 7:17; 2 Sam 24:25. Koyaut ituŋa kere akuare ŋin ninituŋanan ekemon, koarakis nen as Kodukok Saul EJAKAIT etem: ŋopeŋol ŋes arai etem losodit loadukokini ŋesi EJAKAIT.

36 # Mal 2:7; Yak 4:8. Kotema Saul atiar, “Kadumasi Ipilisitian kuare, kanatata kes kiton tupuruc, komam kideuni ediotuŋanan kakesi.” Kotemasi atiar, “Kiswama kere nuitojokit ijo.” Kosodi esasedoti atemar ebe, “Aso kekunyakisi neejai Edeke.” 37#Any 14:3-5; 1 Sam 28:6; Sab 66:18; Yok 9:31. Kinit Saul Edeke atiar, “Adumari eoŋ Ipilisitian? Ŋaikini kereka ijo kes akan naka Isirael?” Konye mam abu Koboŋok ŋes kapaaran kaŋin, 38#Yos 7:14; 1 Sam 10:19. Kotema Saul atiar, “Kikunyutu ne, yes kere ijaka luka ituŋa: kojenut koanyut da neajai adiakaret lolo. 39#1 Sam 19:6; 20:31; 22:16; 2 Sam 12:5; Lim 9:2. Naarai kwape ejaria EJAKAIT, loitaiari Isirael, karaida kejaun toma okokuka Yonatan, abeit etwani.” Konye komameu kotuna erunanan loabu Koboŋok ŋes. 40Kosodi ŋesi atemar Isirael kere ebe, “Kojaunos yesi owai ediopet, eoŋ da ka okokuka Yonatan kijaun eeewai.” Kotemasi ituŋa Saul atiar, “Kiswama nuitojokit ijo.” 41#Mar 27:21; 1 Sam 28:6; Awa 16:33; Yos 7:16; 1 Sam 10:20,21. Kanuka ŋun kotema Saul EJAKAIT, Edeke loka Isirael atiar, “Kitodu abeit.” Korounai Saul ka Yonatan: konye kokuata ituŋa. 42Kotema Saul atiar, “Kilamilamakinai eoŋ ka Yonatan okokuka.” Korounai Yonatan,

43 # Yos 7:19. Kosodi Saul atemar Yonatan atiar, “Kolimokinai nuiswamat.” Kolimok Yonatan ŋes ebe, “Abeit abu eoŋ keir ediosik kobela kaloetinit eoŋ: ido koany, kebusakinit atwanare.” 44#1 Sam 25:22. Kosodi Saul atemar atiar, “Kiswama Edeke kwaŋin ka adepar da; naarai abeit itwani, Yonatan.” 45#2 Sam 14:11; 1 Ika 1:52; Luk 21:18; Isa 13:3; Asw 15:12; 2 Kor 6:1. Kotemasi ituŋa Saul atiar, “Etwani kereka Yonatan, loeswamau aitajario na naepol mama ejai Isirael? Madi akuj: kwape ejaria EJAKAIT, mam ediotimat loka akouke edoi alup, naarai eswamata ka Edeke kapaaran naka lolo.” K wanin kolakut ituŋa Yonatan, tape mam etwani. 46Koboŋ Saul katupit Ipilisitian, kolototo Ipilisitian aiboisiokec.

47 # 1 Sam 11:11; 2 Sam 10:6; 1 Ika 11:23; Mar 25:17. Kosodi napekirumia Saul Isirael, abu kitiji lukasurupoke kosiepion kere, Moab, idwe luka Amon, ka Edom, ka ikabakan luka Soba, ka Ipilisitian da: ido luasuronokini ŋesi kere abu kipikonor. 48#1 Sam 15:3,7; 1 Siit 8:33; 9:39. Abu kiswama nukatitin, kodany Imalekain, abu da koyu Isirael kakan naka ŋul kaluanasenenete kes.

49 # 1 Sam 31:2. Odwe luka Saul kes Yonatan, ka Isibi ka Maliki-sua: ka ikiroria luka adweke aarei kes luta: ekiror loka akiyai Merab, ka ekiror loka nadidi Mikal: 50Ekiror loka aberu naka Saul arai Akinoam akoku naka Akimaas: ka ekiror loka ekapolon loka erioneteke kerai Abiner okoku loka Ner, mamai loka Saul. 51#1 Sam 9:1. Kis ŋes papake loka Saul; Ner papa loka Abiner kerai okoku loka Abiel.

52 # 1 Sam 8:11. Apaarasia kere nuka Saul ajaas ijiisio luadeden noi kidinikec ka Ipilisitian: kosodi naanyununia Saul ediotuŋanan lokirigi arai ediotuŋanan lokatitin, ayanaanari ŋol mamake.

Currently Selected:

1 Samuel 14: AOV1961

Highlight

Copy

Compare