1 Samuel 13

1Kerai, Saul loka ikar akaisauni naageunia airum; abu kirum Isirael ikar iarei.

2Koseu Saul ituŋa luka Isirael ilukumin iuni; kanul ajaananas ituŋa ilukumin iarei nepepe ka Saul Mikimas, moru loka Bet-el da, ajaananas da elukumit nepepe ka Yonatan Gibea loka Benyamin: kotwar luee kere ninirunanan owemake. 3#1 Sam 10:5; Age 34:30. Kodany Yonatan iserikalen luka Ipilisitian luajaas Geba, kopuput Ipilisitian nun, Kokutak Saul arupepe airiamar akwap kere kobala ebe, “Kopuput do Iburanian.” 4Kopup Isirael kere ebakai ebe adany Saul iserikalen luka Ipilisitian, ebe da amena Ipilisitian Isirael. Kotukokinos ituŋa atupar Saul Giligal.

5 # Yos 18:12. Kotukokinos Ipilisitian aitiji Isirael, agalin alukumin akaisauni, ka ikebwanenok ibalasin ilukumin ikanykape, ka ituŋa bala asine naejai ariri naka aŋolol: kopotu kidukuroto Mikimas, ari nakokide naka Bet-aben. 6#Tub 6:2. Keanyut ituŋa luka Isirael ebe aridakina kesi, (naarai eyalononoete ituŋa) apotu ituŋa koŋopata kabuai, kamonieik komorun, katesin ka apanya da. 7Ekwanara ice koBuranian koYorodan akwap naka Gad ka Gilead; konye Saul, aroko ŋesi ajai Giligal, kotupasi ŋes ituŋa kere komaranete.

8 # 1 Sam 10:8. Kidarak apaarasia akanykaarei, kwape ajaar apak naaseunit Samuel: konye mam Samuel abu kobu Giligal; kisiararos ituŋa kaneajai ŋesi. 9#Ikis 12:5-14; 1 Sam 15:22; 1 Ika 3:4; 2 Siit 26:16; Awa 15:8; 21:3,27; Bur 5:4. Kotema Saul atiar, “Koinunai ainakinet nacweio, ka ainakineta nuka ainapakin.” Kosodi ŋesi ainakin ainakinet naicweio, 10#Rus 2:4. Kosodi kanen, napedauni ŋesi ainakin ainakinet naicweio, koany, kobu Samuel; kolot Saul airiamun kaŋes, tetere iyogai ŋes. 11Kotema Samuel atiar, “Inyo bo iswamaa ijo?” Kotema Saul atiar, “Naarai abu kaany iruna isiararos kamakaŋ, mam da jo ibu kobu kapaarasia kanuaseunitai, atukokina da Ipilisitian Mikimas; 12Ŋes atemaria eoŋ ebe, ‘Epote do Ipilisitian mama ajai Giligal, mam elipit asianut naka EJAKAIT’: ŋes etinaikinor ainakin ainakinet naicweio.” 13#2 Sam 12:7-9; 1 Ika 18:18; 2 Siit 16:9; Yob 34:18; Awa 19:3; Mat 14:3,4; 1 Sam 15:11; Leb 17:1; Mar 18:7. Kobala Samuel Saul ebe, “Iswama nukabanaanut; mam irieit aicorakinet naka EJAKAIT Ekonideke naabu kicorak jo, naarai ti EJAKAIT kiticat akonijakanut koIsirael ikar kere. 14#Asw 13:22; 1 Sam 2:30; 15:28; 2 Sam 7:15; Sab 78:70; 89:20. Konye kwana mam akonijakanut ieasi: amou EJAKAIT etuŋanan loekot, aseu EJAKAIT ŋes araun ekapolon loeyait iketuŋa, naarai mam iricit nin naabu EJAKAIT kicorak jo.” 15#1 Sam 14:2. Konyou Samuel, kolot koGiligal kiton Gibea loka Benyamin.

Kimar Saul ituŋa luajaas kaŋes, kwaka akwat akanykape. 16Kiboioto Saul ka Yonatan okokuke, ka ituŋa luajaas kakes koGeba loka Benyamin: konye kidukuroto Ipilisitian Mikimas. 17#Yos 18:23. Kopotu ikaŋatak koidukurun luka Ipilisitian korioneta iuni: kitor erioŋet ediopet orot loebei Opura, kiton akwap naka Saul: 18#Yos 16:3; 18:13; 1 Siit 6:68; 2 Siit 8:5. Kitor ecerionet orot loebei Bet-koron: kitor erioŋet ece da orot loka eikor loitei aditot naka Seboim kobei amodiŋ.

19 # 2 Ika 24:14; Yer 24:1. Amamei do ediokatatan kakwap kere naka Isirael: naarai abalas Ipilisitian ebe, “Kinyeis Iburanian aiswamaun ikileŋakec ka akwaras: 20Konye alosenenete Isiraelin kere mama ejaas Ipilisitian, ninituŋanan aipen ekemeleku, ka ekilenike, ka aepeke ka eŋitike; 21Keniŋioros initia, ka ikileŋa, ka imelekes ka aepei; aitemokin da imacarin. 22#Tub 3:31; 5:8; 1 Sam 17:47,50; Sek 4:6. Kwaŋin kapaaran naka ejie, komameun ekileŋ karaida akwara kakan naka idiotuŋanan kotuna luajaas ka Saul ka Yonatan: dimarai Saul ka Yonatan okokuke kes ajaas, 23#1 Sam 14:5; Isa 10:28. Koloto iserikalen luka Ipilisitian aridat naka Mikimas.

Currently Selected:

1 Samuel 13: AOV1961

Highlight

Copy

Compare