1 Samuel 12
12
1 #
1 Sam 8:5; 10:24; 11:14. Kotema Samuel Isirael kere atiar, “Koany, eira ekusiporoto kanuibalasi eoŋ kere, kaseik da ekabaka ayait yes. 2#Mar 27:17; 1 Sam 8:20. Kwana da, koany, elosi ekabaka kakonyenekus: eoŋ da amoion abwanut akorwo, ido koany, odweka ejaas kayes: abu kalosenenei kakonyenekus ameun keiditeuka kiton lolo, 3#Mar 16:15; Asw 20:33; 1 Ses 2:5; Ikis 16:19. Eoŋ lo: kolimoroi kakonyen nuka EJAKAIT, kakonyen da nuka lokinyonyoikitonoke akinyet: iŋai ca ademarit ekemon? Arai iŋai ademarit akesigiria? Arai iŋai arodit luke? Iŋai abu kareite? Arai iŋai abu kedaudau lukitumudakete akakonye? Eoŋ da kataeakini yes.’ 4Kobalas ebe, “Mam irodit lukosi, kwabo mam kireit, kwabo mam ilemarit imodiobore kakan naka idiotuŋanan kere.” 5#Yok 18:38; Asw 23:9; 24:16; 2 Kor 1:12; Any 22:4; Sab 17:3. Kotema kes atiar, “EJAKAIT ŋes ekajenan kamakus, ka lokinyonyoikitonoke akinyet da ŋes ekajenan lolo, kwape mam yes idumunitotor ibore kakanika.” Kobalas ebe, “Ŋes ekajenan.”
6 #
Any 6:26; Nek 9:9-14; Sab 77:19,20; Kos 12:13; Mik 6:4. Kotema Samuel ituŋa atiar, “Ŋes EJAKAIT loebwaikini Musa ka Aaron ido loetonyouni lukapapaakus kakwap nako Misiri. 7#Isa 1:18; 5:3; Mik 6:2,3; Tub 5:11. Aso kwana kobwaata, tetere kipuri kayes kakonyen nuka EJAKAIT, kanuka aswamisio kere nuedolito nuka EJAKAIT, nukiswamakini yes ka lukapapaakus. 8#Any 2:23. Nakedolio Yakob Misiri, komonyakis lukapapaakus EJAKAIT, kosodi kijuka EJAKAIT Musa ka Aaron, luetonyounete lukapapaakus koMisiri, kisiboikis aibois na. 9#Tub 3:12; 4:2; 13:1. Konye kimurwokis kes EJAKAIT Ekecedeke, kogwela kes akan naka Sisera lokapolon loka ajore naka Kasor, ido kakan naka Ipilisitian, kakan da naka ekabaka loka Moab, koiioto kakes. 10#Tub 10:10-15. Komonyakis EJAKAIT, kobalas ebe, ‘Kipou kadiakata, naarai kipou kenyeisi EJAKAIT, kejaanakis Ibaalin ka Asitarot: konye kwana koyuunai kakan naka lukasurupokosi, kasodete aijaanakin jo.’ 11#1 Sam 3:20; Tub 4:6; 7:1; 11:29. Kijukak EJAKAIT Yerubaal, ka Bedan, ka Yeputa, ka Samuel, koyu yes kakan naka lukasurupokus kariino kere, kiboikinos inapakina. 12#1 Sam 8:7,19; 10:19; Tub 8:23; Age 17:7. Naianyuniata kiisurok Nakas ekabaka loka idwe luka Amon, ipotu kotemasi eoŋ atiar, ‘Mam, konye ekabaka ŋes kirumi sio’: kwabo EJAKAIT Ekusideke kerai Ekusikabaka. 13#Kos 13:11. Aso do kosesenata ekabaka loipotu koseut, loipotu kilipata: ido koany, kiinak EJAKAIT yes ekabaka. 14#Ikis 6:13; 10:12; 13:4; Yos 24:14; Sab 81:13; Lim 8:12; Isa 3:10. Arai iyonito EJAKAIT kijaanakinete, kopupenenete ekeporoto, kwabo mam ipaliikinete aicorakinet naka EJAKAIT, yes ka ekabaka da lokirumit kotupenenete EJAKAIT Ekusideke, aso: 15#Leb 26:14; Ikis 28:15; Yos 24:20. Konye arai mam ipupenenete eporoto loka EJAKAIT, kipaliikis aicorakinet naka EJAKAIT, ŋes itusurupio akan naka EJAKAIT yes, kwape etusurupio kolo lukapapaakus. 16Aso do, kobwaata, koanyut akirot na nakos, naiswamai EJAKAIT kakonyenekus. 17#Awa 26:1; Yos 10:12; 1 Sam 7:9; Yak 5:16; 1 Sam 8:7; Kos 13:10. Mere lolo asaket naka akima? Elipi EJAKAIT koyanau eires ka akiru; kojenut yesi koanyut kwape epoloor akusironis, naipotu kiswamata kakonyen nuka EJAKAIT, ailip ekabaka.” 18#Any 14:31; Esr 10:9. Kosodi Samuel ailip EJAKAIT: koyanau EJAKAIT eires ka akiru kapaaran kaŋin; koyonata noi ituŋa kere EJAKAIT ka Samuel da.
19 #
Age 20:7; Any 9:28; 10:17; Sab 78:34,35; Asw 8:24; Yak 5:15; 1 Yok 5:16. Kotemasi ituŋa kere Samuel atiar, “Kilipak ikonibulesin kama ejai EJAKAIT Ekonideke, kenyeis atwakare; naarai kiyataki adiakanaretakosi kere karonis kana, ailipun ekabaka.” 20Kolimok Samuel ituŋa ebe, “Sirikiyoŋa: abeit ipotu kiswamata aronis na kere: konye sirikipaasi ainyein atupenen EJAKAIT, konye kijaanakis EJAKAIT kikusitauon kere: 21#Yer 16:19; Kbk 2:18; 1 Kor 8:4. Sirikipaasi: naarai ti ŋes atupar aamameak, numam ajokis karaida ayuun, naarai eraas nuutaai. 22#Sab 106:8; Yer 14:21; Mal 1:2; Mat 11:26; Yok 15:16. Naarai mam eialakin EJAKAIT iketuŋa kanuka ekekiror lokos: naarai kitoiok EJAKAIT aituluor yes ateker kanuken, 23#1 Kor 9:16; Asw 12:5; Rom 1:9; Kol 1:9; 2 Tim 1:3; 1 Ika 8:36; 2 Siit 6:27; Yer 6:16. Ido kanukan, madi akuj eoŋ aidiak kama ka EJAKAIT ainyein ailipanakin yes: konye ketuutoori yes erot lokajokan loitenara. 24#Esr 9:13. Konye koyonito EJAKAIT bon, kijaanakinete kotoma abeit kikusitauon kere: kiitununete akiro kwape eraatar nukos nukiswamanakini yes. 25#Yos 24:20; Ikis 28:36. Konye arai inna iyatanakinete aswam nueroko imudiaros yes kere ka ekusikabaka da.’
Currently Selected:
1 Samuel 12: AOV1961
Highlight
Copy
Compare
Share
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.
