1 Samuel 11

1 # Tub 21:8; 1 Sam 31:11-13; Age 26:28; Any 23:32; 1 Ika 20:34; Yob 41:4; Esk 17:13. Kosodi Nakas Emonait abunore, kidukur Yabes-gilead: apotu ituŋa kere luka Yabes kobalas Nakas ebe, “Kitutuk kasio, keiaanakisi jo.”

2 # Age 34:14; 1 Sam 17:26. Kotema Nakas Emonait kes atiar, “Kakirot kana ŋes etutukio kayes, ebe kogorunoi akusikonye nukoteten kere; kasodi eoŋ aitaraun ŋes amorosit koIsirael kere.” 3Kotemasi imakio luka Yabes ŋes atiar, “Koinakinai ber isio apaarasia akanykaarei, tetere kijukari ekiyakia oikorun kere luka Isirael: kosodi konyet, arai kemameun yenikitajari sio, kibuni mama ijai.” 4#1 Sam 10:26; 14:2; 2 Sam 21:6; Tub 2:4; 21:2; Rom 12:15. Kopotu ikiyakia Gibea loka Saul, kolimokis ituŋa akiro ŋun: kodelosi ituŋa kere, komonyata,

5Ido koany, kobu Saul komanikor, etupit imoŋin; kotema Saul atiar, “Inyo bo isiriebi ituŋa tape emonyete?” Kolimokis ŋes akiro nuka ituŋa luka Yabes. 6#Tub 3:10; 6:34; 11:29; 13:25; 14:6; 1 Sam 10:10; 16:13. Kodoik emoyo loka Edeke Saul kagogon nakepupunia akiro nun, kinep noi akenyunyura. 7#Tub 19:29; 21:5; Age 35:5; 2 Siit 14:14; 17:10; Awa 14:26; Tub 20:1. Koyau imoŋin iarei, kotubutub kijuka oikorun kere luka Isirael kakan naka ikiyakia, ebe, “Ŋinituŋanan yenimam etupit Saul ka Samuel iswamakinio kwaŋin ikemonin.” Kodoik ituŋa akurian EJAKAIT, kopotu bala idiopetunanan. 8#Tub 1:5; 2 Sam 24:9. Kimara kes koBesek; emwaasi idwe luka Isirael ilukumin akwat auni, ka ituŋa luka Yuda ilukumin akaisauni. 9Kotemasi kesi ikiyakia luapote atiar, “Ilimokinete kwanata ituŋa luka Yabes-gilead ebe, ‘Moi, kapak naemwaniar akoloŋ, kiyuunio.’ “Kopotu ikiyakia kolimokis ituŋa luka Yabes; kiyalamikinos. 10Kanuka ŋun kotemasi ituŋa luka Yabes atiar, “Kibuni moi mama ijai, kiswamakini isio kere nuitojokit ijo.” 11#1 Sam 31:11; Tub 7:16; Yak 2:13. Kojaun kwaŋin tupuruc, kitemok Saul ituŋa orioneta iuni; kopotu kidin kiidukurun kakwenyunet naka tupuruc, kodanyata monain aitodol amwanis naka apaaran: kosodi kanen kisiarakinos luapotu kideunos, komam iarei kakesi esalete nepepe.

12 # 1 Sam 10:27; Sab 21:8; Luk 19:27. Kotemasi ituŋa Samuel atiar, “Iŋai bo ŋol loabala ebe, ‘Kiyai kereka Saul sio?’ Koyau iruna ŋul, kaarata kes.” 13#2 Sam 19:22; Any 14:13,30; 1 Sam 14:45; 19:5; 1 Siit 11:14; Sab 44:4-8; Bur 2:3. Kotema Saul atiar, “Mam lolo eario idionmanan: naarai ayu lolo EJAKAIT Isirael.”

14 # 1 Sam 10:8. Kosodi Samuel atemar ituŋa atiar, “Kopotu kaloto Giligal, keteteutu ajakanut kaŋina.” 15Koloto ituŋa kere Giligal; kodakakis Saul araun ekabaka kakonyen nuka EJAKAIT koGiligal; koinakis da kaŋina asuban nuka ainakineta nuka ainapakin kakonyen nuka EJAKAIT: kiyalamikini noi Saul ka ituŋa kere luka Isirael kaŋina.

Currently Selected:

1 Samuel 11: AOV1961

Highlight

Copy

Compare