1 Ikabakan 19

1 # 1 Ika 18:40. Kolimok Akab Yesebel kere nueswama Eliya, ido kwape aaria inabin kekilen. 2#Rus 1:17; 1 Ika 2:23; 20:10; 2 Ika 6:31; Awa 27:1. Kosodi Yesebel aijukar ekiyakia neejai Eliya ebe, “Keswama kis idekesio eoŋ kwaŋin, ka adepar da, arai mam moi esawa kwape kalo eoŋ etusubit akoniijar bala aijar naka ediopet kakesi.” 3Kepupu ŋun, konyou, kolot kanuka akeiiar, kobu Beer-seba, loerai loka Yuda, kitasal ekekejaanakinan kaŋ ina.

4 # Mar 11:15; Yer 26:14-18; Yok 4:3-8; Pil 1:21-24. Konye ŋes elopet kolot alosit naka adiopepaaran amodiŋ, kobu, kiboikin otolim loka erotem: kilipakin bon atwanare; kobala ebe, “Edolit; wu EJAKAIT, kolema akaiiar; naarai mam eoŋ ajokuna adepar lukapapaaka.” 5#Sab 34:7; Asw 12:7; Bur 1:14. Koper kojotoor kotolim loka erotem; ido koany, kotiro emalaika ŋes, kotema ŋes atiar, “Konyou, konyam.” 6Konolia, ido koany, kejai emugati loapeitoi katotol eiduny kakouke, ka atany naka akipi, Konyam komat, kopere bobo. 7Kobu emalaika loka EJAKAIT irwan nakiareit, kotiro ŋes, kotcma atiar, “Konyou, konyam, naarai elwana noi akonilosit.” 8#Any 24:18; 34:28; Ikis 9:9,18; Mat 4:2; Luk 4:2; Any 3:1. Konyou konyam komat, kolot kagogon naka inyamat kanul apaarasia akaisaoŋon ka akuaresia akaisaoŋon kiton Koreb, moru loka Edeke.

9 # Any 33:21; Bur 11:38. Kodol abua, kopere nen; ido koany, kobu akirot naka EJAKAIT neejai ŋesi, kotema ŋes atiar, “Eliya, inyo bo iswamai ijo kane?” 10#Rom 11:3; Any 20:5; Mar 20:5,11; Sab 69:9; 119:139; 1 Ika 18:4,22; Mat 23:31-35. Kotema atiar, “Kerumit noi ekokote kanuka EJAKAIT, Edeke loka ajoresio; naarai ajalata idwe luka Isirael aitutuketekon, atiyaikis itemwanakon, aarata inabinokon kekiletj: eoŋ, eoŋ bon asal; emoete da akaijar amudiar.” 11#Any 24:12; Esk 1:4; 37:7. Kotema atiar, “Kolom, kobwo komoru loka EJAKAIT.” Ido koany, kotubor EJAKAIT, kodi ekwam loepol loegogon ironan, kobwanabwan atiiban kakonyen nuka EJAKAIT: konye komamei EJAKAIT kokwam: akaulo kekwam amaran naka akwap; konye kotnamei EJAKAIT kamaran naka akwap. 12#Mar 14:18; Nek 9:17; Yob 4:16; Sab 86:15; 145:8; Yak 5:11. Akaulo kamaran naka akwap akim; konye komamei EJAKAIT kakim: akaulo naka akim eporoto loedit loeyamakina. 13#Any 3:6; Isa 6:2. Kosodi, kiira Eliya, kimuko akekou kegoeke, koloma, kobwo neelomarere abua, Ido koany, kobu eporoto mama ejai ŋesi ebe, “Eliya, inyo bo iswamai ijo kane?” 14Kotema atiar, “Kerumit noi ekokote kanuka EJAKAIT, Edeke loka ajoresio; naarai ajalata idwe luka Isirael aitutuketekon, atiyaikis itemwanakon, aarata inabinokon kekilen; eoŋ, eoŋ bon asal; emoete da akaiiar amudiar.” 15#2 Ika 8:12,13. Kotema EJAKAIT ŋes atiar, “Kolot, koboŋo korotokon kiton amodiŋ naka Damasiko: kidol, kinyonyoik Kasael akinyet araun ekabaka loka Suria: 16#2 Ika 9:1; Luk 4:27. Kinyonyoik da Yeku okoku loka Nimisi akinyet araun ekabaka loka Isirael: kinyoinyoik Elisa okoku loka Sapat loka Abel-mekola akinyet araun enabi aiboisikon, 17#2 Ika 8:12; 9:14; 10:6; 13:3; Amo 2:14; 2 Ika 2:23,24; Isa 11:4; Kos 6:5; Apu 19:21. Kosodi kanen, ŋol loekui ekileŋ loka Kasael eari Yeku: ŋol da loekui ekileŋ loka Yeku eari Elisa. 18#Isa 1:9; Esk 6:8; 14:22; Yoe 2:32; Rom 11:4; Yob 31:27; Kos 13:2. Konye edeuni eoŋ ilukumin ikanykaarei koIsirael, akuŋin kere numam ekukonokina Baal, ka ŋiniituk kere namam enuit ŋes.”

19Aso abu ŋesi konyou kanen, kodum Elisa okoku loka Sapat, ekoriei, kejaas ajookon atomon ka nuarei kinarenike, keiai ŋesi ka nakitomonet kaarei: kitor Eliya neejai ŋesi, kocakak ŋes ekegoe. 20Kinyek imoŋin, koker atupit Eliya, kotema atiar, “Keŋaiŋait, kisiikinai kanu papaka ka totoka, kasodi konyet eoŋ atupun jo.” Kotema ŋes atiar, “Koboŋo; naarai inyo bo keswamak eoŋ jo?” 21#2 Sam 24:22; Mat 4:18-22; Luk 5:27,28; Any 24:13. Kobono katupit ŋes, koyana imoŋin luka ajookot, koar kes, kipo akecekirin kakito nuka imoŋin, koinak ituŋa, konyamata, Kosodi ŋesi anyoun, kotupa Eliya, kijaanak ŋes.

Currently Selected:

1 Ikabakan 19: AOV1961

Highlight

Copy

Compare