1 Ikabakan 18

1 # Luk 4:25; Yak 5:17; Ikis 28:12. Kosodi kanen ketuboros apaarasia nuipu, kobu akirot naka EJAKAIT mama ejai Eliya, kokaru lokiwuniet, ebala ebe, “Kolot kitodikin mama ejai Akab; etetepikini eoŋ akiru akwap.” 2Kosodi Eliya alosit aitodiar mama ejai Akab. Kodeden noi ebeli ko Samaria. 3#Nek 7:2; Yob 28:28. Konyarau Akab Obadia loapolokinit ekal. (Keyoŋit Obadia EJAKAIT noi: 4#Mat 10:40-42. Naarai, nakemudiaria Yesebel inabin luka EJAKAIT, kituku Obadia inabin akwatat, kibwa kes akaisakany akaisakany kotoma abua, kitanyamenenei kes inyamat ka akipi.) 5Kotema Akab Obadia atiar, “Kimaniman akwap, neejaas atanin kere nuka akipi, ka neejaas aguuruto kere: elemuni kipedori adumun anya aitaiar ibalasin ka inyubun, kinyeis atwakiar itian kere.” 6Kotiakata akwap aimaniman: kolot Akab orotoke bon, kolot Obadia da orotoke bon ece.

7Keiai Obadia orot, koany, kiriamas kEliya: kojenu ŋes, kibiror ebuburia, kotema atiar, “ŋes ijo, Eliya ekajakait?” 8Koboŋok ŋes ebe, “ŋes eoŋ: kolot, kolimok ekonijakait ebe, ‘Koany, ejai Eliya ne,’” 9Kotema atiar, “Anu bo adiakarit eoŋ, tape jo iiaikini ekonikejaanakinan akan naka Akab, aiar eoŋ? 10Kwape ejaria EJAKAIT Ekonideke, emamei ateker karaida ajakanut, namam ejakaitika ijukarit amoote jo: naketemariata atiar, ‘Emamei ŋesi kane,’ kisiyapoi lukaiakanut kaŋin ka lukateker kaŋin ebe mam kianyunito joo 11Kwana da ibala ijo ebe, ‘Kolot, kolimok ekonijakait ebe,

“Koany, ejai Eliya ne.’” 12#2 Ika 2:16; Esk 3:12,14; Mat 4:1; Asw 8:39. Ejaun do atipet naanyounio kamakon, kidakari emoyo loka EJAKAIT jo nemam eoŋ da ajeni; kosodi do naalimokinia Akab, komam ŋes epedori adumun jo, kaari eoŋ: konye eoŋ ekonikeiaanakinan ayoŋit EJAKAIT ameun keiditeuka. 13Mam aponi kolimokinai ekajakait nuabu eoŋ keswama nakearia Yesebel inabin luka EJAKAIT, kwape abu kebwaia ituŋa akwatat luka inabin luka EJAKAIT akaisakany, akaisakany kotoma abua, ketanyamenenei kes inyamat ka akipi? 14Kwana da ibala ijo ebe, ‘Kolot, kolimok ekonijakait ebe, Koany, ejai Eliya ne’: kaari neai eoŋ.” 15Kotema Eliya atiar, “Kwape ejaria EJAKAIT loka ajoresio, loabwoi eoŋ kakonyeneke, abeit etodikin lolo eoŋ mamakeŋ.” 16Kosodi Obadia alosit airiamakin ka Akab, kolimok ŋes: kolot Akab airiamakin kEliya.

17 # 1 Ika 21:20; Yos 7:25; Luk 23:2; Asw 16:20. Kosodi kanen, keanyu Akab Eliya, kotema Akab ŋes atiar, “ŋes ijo, ijo eketieanan loka Isirael?” 18#1 Ika 9:9; 2 Siit 15:2; 24:20. Koboŋok ŋesi ebe, “Mam eoŋ eticanit Isirael; dimarai ijo, ka ekek loka papakon, naarai ijalata aicorakineta nuka EJAKAIT, ido itupa Ibaalim. 19#Yos 19:26; Yer 46:18; 1 Ika 16:33. Aso do kijuka, kotukok Isirael kere mama ajai, moru Karamel, ka inabin luka Baal akwat aoŋon ka akaisakany, ka inabin luka Asera akwat aoŋon, luenyamete komesa loka Yesebel.”

20 # 1 Ika 22:6. Kosodi Akab kijuka mama ejaas idwe kere luka Isirael, kotukok inabin moru Karamel. 21#2 Ika 17:41; Mat 6:24; 1 Kor 10:21,22; Apu 3:15; Yos 24:15; Sab 100:3. Kikunyak Eliya ituŋa kere, kotema atiar, “Itodolete ai yesi icodoete kaomisio aarei? Arai kerai EJAKAIT Edeke, kotupasi ŋes: konye arai Baal, kotupasi ŋes.” Mam ituŋa apotu kobonokisi ŋes akirot. 22#1 Ika 19:10,14. Kosodi Eliya atemar ituŋa atiar, “Eoŋ, eoŋ bon asal, enabi loka EJAKAIT: konye inabin luka Baal eraas ituŋa akwat aoŋon ka akaisakany. 23Aso koinakis kesi oni imoŋin iarei; koseutu kesi ediopemon kanukec, kotubutuboto, kipetipetata akito, ido mam ibwaikinete akim kwap; etemokini eoŋ locemon, epesipesi akito, ido mam ebwaikini akim kwap. 24#Leb 9:24; 1 Siit 21:26; 2 Siit 7:1. Kiwoneoto yesi ekiror loka ekusideke, eoŋ da ewonei ekiror loka EJAKAIT: Edeke da loe bonokini kakim, korau ŋesi Edeke.” Kobonokis ituŋa kere ebe, “Iner ejok.” 25Kotema Eliya inabin luka Baal ebe, “Koseutu yesi emoŋ ediopet kanukus, kogeutu yesi aitemokin; naarai ipu yesi; kiwoneoto ekiror loka edekekus, konye mam ibwaikinete akim kwap.” 26#Sab 115:5; Yer 10:5; 1 Kor 8:4; 12:2. Koyaasi do emoŋ loainakinitai kes, kitemokis ŋes, kiwoneoto ekiror loka Baal ageun tupuruc kiton paaran, ebe, “Wu Baal, kiirarai sio.” Konye amamei eporoto, karaida yenabonokini. Kosomanaros airimor etem loeswamatai. 27Kosodi kanen kidin paaran, kokienar Eliya kes, kotema atiar, “Kiworoto noi; naarai ŋes edeke; arai eomoomoi ŋesi, apaa ŋesi, arai ejai orot, arai diat eiotoi, ibusakinit aitwekenyunio.” 28#Leb 19:28; Ikis 14:1. Kiworoto noi, kodunudunos bonik, kikilena ka akwaras kwape ajaar ekecepone, aitodol naaleleuniata aokot kamakec. 29#1 Kor 11:4,5. Kosodi ketubor kidin paaran, apotu komurwoto aitodol apak naka ainakin ainakinet naka abon; konye amamei eporoto karaida yenabonokini, karaida yenebwaikinit etau.

30Kotema Eliya ituŋa kere atiar, “Kikunyutu mamaka.” Kikunyakisi ituŋa kere mamakeŋ. Kiteteu etem loka EJAKAIT loaeakakinitai kwap. 31#Age 32:28; 35:10; 2 Ika 17:34. Kolem Eliya amor atomon ka nuarei kwape ajaar etiai loka atekerin nuka odwe luka Yakob, loabu akirot naka EJAKAIT kobu mamake ebe, ‘Isirael ŋes eraun ekonikiror.’ 32#Kol 3:17. Koduk etem kamor kanun kokiror loka EJAKAIT: kitoito aipany airimor etem, etiai loepedor aisilosikin aitemisio aarei nuka ikinyom. 33#Leb 1:6; Tub 6:20. Kinapanak akito, kotubutub emoŋ, kipetipet akito. Kotema atiar, “Kilelebata ipipai iwonon luka akipi, kobukokisi ainakinet naicweio, akito da.” 34Kotema atiar, “Kiareikisi”; kiareikis. Kotema atiar, “Kiuniikisi”; ido kiuniikis. 35Koleleata akip airimor etem; kileleb aipany da akipi.

36 # Any 29:39; Age 28:13; Any 3:6; 4:5; Mat 22:32; Bur 11:16; 1 Ika 8:43; 2 Ika 19:19; Sab 83:18; Mar 16:28. Kosodi kanen kapak naka ainakin ainakinet naka abon, kikuny enabi Eliya, kotema atiar, “Wu EJAKAIT, Edeke loka Aburaam, ka Isaak, ka Isirael, kojenunai lolo ebe irai ijo Edeke loka Isirael, ka eoŋ da ekonikejaanakinan, eswama eoŋ akiro nu kere kakirotokon. 37#Yer 10:23; 31:18. Kopupunoi eoŋ, WU EJAKAIT, kopupunoi, kojenut ituŋa lu ebe ijo EJAKAIT irai Edeke, isibeloki da ikecetauon aboŋun bobe.” 38#Leb 9:24; Tub 6:21; 1 Siit 21:26; 2 Siit 7:1. Kosodi akim naka EJAKAIT adoere, kidopo ainakinet naicweio, ka akito, ka amor, ka apua, kimiela akipi kere nuajaas toma aipany. 39Keanyutu ituŋa kere, kibiroros ebuburia; kotemasi atiar, “EJAKAIT, ŋes Edeke; EJAKAIT, ŋes Edeke.” 40#2 Ika 10:25; Ikis 13:5; 18:20; Apu 19:20. Kotema Eliya kes atiar, “Kikamutu inabin luka Baal; kinyek ediopet kakesi aiku.” Kikamutu kes: koyaŋa Eliya kes aguurut Kison, koarak kes nina,

41Kotema Eliya Akab atiar, “Konyou, konyam, komat; naarai ejai airurum naka akiru naepol.” 42#Yak 5:17. Konyou Akab ainyam ka aimat. Kodoka Eliya kuju Karamel; kisuded, kibwaik akouke kidin akuninike. 43#Age 32:20; Kbk 2:3. Kotema ŋesi ekekejaanakinan atiar, “Kolot, kiteluo aŋolol.” Kolot, kiteluo, kotema atiar, “Emamei ibore.” Kotema atiar, “Kolot bobo irwan akanykaarei.” 44Kosodi kanen karwan nakikanyetekaarei, kotema atiar, “Koany, elomunit edou kaŋolol, edit bala akan naka ituŋanan.” Kotema atiar, “Kolot, kolimok Akab ebe, ‘Kitemok agalikon, kiiesar, kinyek akiru aitikokin jo.’” 45Kosodi kanen nediokasilon, kirionu akuj idouon ka ekwam, kotep akiru naepol noi. Kiboikin Akab agalike, kolot Yesereel. 46#2 Ika 3:15; Esk 1:3; 3:14. Kojai akan naka EJAKAIT mama ejai Eliya; koen aŋabeteke, koker koinaren naka Akab kiton orute loka Yesereel.

Currently Selected:

1 Ikabakan 18: AOV1961

Highlight

Copy

Compare