1 Ikabakan 20

1 # Age 14:1,2; 2 Ika 8:7-15; 2 Siit 16:2-4. Kotukonok Ben-kadad ekabaka loka Suria akejore kere: kejaas ikabakan akaisauni ka luarei kaŋes, ka ibalasin, ka agalin: kolot kirigau Samaria, kitiji. 2Kijuka ikiyakia mama ejai Akab ekabaka loka Isirael, ore, kotema ŋes atiar, “Inera Ben-kadad kwanata, ebe, 3Epuesakon ka esabukon eraas lukan: akoninor da ka ikonidwe, lukajokak, eraas lukan.” 4#Ikis 28:48. Koboŋok ekabaka loka Isirael atiar, “Kwape ejaar akonikirot, ekaiakait, wu ekabaka; arai eoŋ lokon, ka lukijaar eoŋ kere.” 5Koboŋut ikiyakia bobo, kotemasi atiar,” Inera Ben-kadad kwanata ebe, Abeit abu kejukak jo ebe, Kijaikini ijo con ekonipuesa ka esabukon, ka akoninor, ka ikonidwe; 6Konye ejukuni eoŋ ikakeiaanakinak mama ijai ijo moi, kwape kapak kana, irereete ke si kotogokon, kotogoi da luka ikonikejaanakinak; kosodi ibore kere yenejokuna kakonyenekon, ikamunete kakeeekanin eyaŋaarete.”

7 # Any 3:16; Leb 4:15; 2 Sam 5:3; 1 Ika 8:1. Kosodi ekabaka loka Isirael anyaraun imakio kere luka akwap, kotema atiar, “Keŋaiŋait, kojenutu, koanyutu da kwape kilokitor ekesa ŋol oni: naarai abu ŋesi kejukak eoŋ ebe kerumia akanor, ka ikadwe, ka ekapuesa, ka ekasabu; mam abu kanerok.” 8Kotemasi imakio kere ka ituŋa kere ŋes atiar, “Sirikiira, karaida acamun.” 9Kanuka nun kotema ŋesi ikiyakia luka Ben-kadad ebe, “Kolimokis ekajakait ekabaka ebe, Eswamai eoŋ nun kere nusodit nuijukunitor ijo ekonikejaanakinan: konye akirot na mam apedori.” Koloto ikiyakia, kinyakakis ŋes akirot. 10#1 Ika 19:2; Asw 23:12; Any 11:8; Tub 4:10. Kijuka Ben-kadad mama ejai ŋesi, kotema atiar, “Keswamakis idekesio eoŋ kwaŋin ka adepar da, arai kilosikin apua naka Samaria aileleb akanin nuka ituŋa kere lukatupitos eoŋ.” 11#Awa 27:1; Lim 7:8. Koboŋok ekabaka loka Isirael atiar, “Kolimok ŋes ebe, Kinyek loekapanakini lujiisike aiturokin bon kwape ŋol loelaeari kes.” 12#1 Ika 16:9; Awa 23:29,32; Lim 10:16. Kosodi kanen, kepupu Ben-kadad akiro ŋun, naamatatar, ŋes ka ikabakan, koswamin, kotema ikekejaanakinak atiar, “Kiderakinos.” Kiderakinos aitiji ere.

13 # Any 7:15; Sab 9:16. Ido koany, kikunyak enabi Akab ekabaka loka Isirael kotema atiar, “Inera EJAKAIT kwanata ebe, Iany ijo ekodet lo lokapolon kere? Koany, ejaikini ŋes akanikon lolo; ijenuni ebe Eoŋ EJAKAIT.” 14Kotema Akab ebe, “Lukaŋai bo?” Kotema atiar, “Inera EJAKAIT kwanata ebe, Ikatumunak luka ikapolok luka ibukui.” Kosodi ŋesi atemar ebe, “Iŋai bo egeuni ejie? “Koboŋok ebe, “Ŋo,” 15Kosodi kimar ikatumunak luka ikapolok luka ibukui, emwaasi akwat aarei ka akaisauni ka luarei: akaulo abu kimar ituŋa kere, kes idwe kere luka Isirael, emwaasi ilukumin ikanykaarei,

16 # 2 Sam 13:28,29; 1 Ika 16:9; Awa 20:1; Kos 4:11; Dan 5:2,30; Pes 5:18. Kolomasi kidin paaran. Konye komata Ben-kadad koswamin, komera, ŋes ka ikabakan, kes ikabakan akaisauni ka luarei lukinarakinito ŋes. 17Kogeutu ikatumunak luka ikapolok luka ibukui alomar; kijuka Ben-kadad, kolimokinai ŋes ebe, “Alomut ituŋa ko Samaria.” 18#1 Sam 2:3; 11:12; 2 Ika 14:8-12; Awa 16:18; 18:12; Luk 14:11. Kotema atiar, “Arai elomunitos kainapakina, kikamutu kes ejarete; arai elomunitos ejie, kikamutu kes ejarete.”

19Kolomasi kesi kina naka ere, ikatumunak luka ikapolok luka ibukui, ka ajore naatupit kes. 20#Leb 26:8; Sab 33:16; Yob 40:11. Koar ŋinitunanan eketunanan; kokerata Isurian, korukitor Isirael kes: koku Ben-kadad eka baka loka Suria kebalasit ka ikebwanenok. 21Koloma ekabaka loka Isirael, kodany ibalasin ka agalin, koar Isurian kearit loepol.

22 # 2 Sam 11:1; 2 Siit 36:10. Kikunyak enabi ekabaka loka Isirael, kotema ŋes atiar, “Kolot, kicat, kojen, koany da nuiswamai: naarai kedolu ekaru ebuni ekabaka loka Suria asurokin jo.”

23 # 2 Siit 32:13-19; Isa 42:8; Yer 16:19-21; Rom 1:21,23. Kotemasi ikejaanakinak luka ekabaka loka Suria ŋes atiar, “Erai Edekekee Edeke loka iukon; kanuka ŋun agogoŋ kesi aitelekar oni: konye kajioto kakes kapuuton, abeit eut kigogonoor oni da aitelekar kes. 24#Yob 5:12,13. Kiswama akirot na; kolema ikabakan, ninitunanan kaiboisike, kibwaikikayaitok aiboisiokec: 25Kimar ijo ajore, kwape kajore naibu kotwania, ebalasit aibois kebalasit, agali aibois kagali; kijio kakes kapuuton, abeit kigogonoor oni aitelekar kes.” Kiira nest ekeeeporoto, kiswama kwaŋin,

26 # Yos 13:4. Kosodi kanen kedoki ekaru, kimar Ben-kadad Isurian, kolot Apek, ejie kaIsirael. 27#Tub 6:5. Aponi kimarai idwe luka Isirael, koinakinai kes inyamat, koloto ejie kakes: kidukuroto idwe luka Isirael koinarenekec kwape isipanin iarei luedisiak luka ikalei; konye kilosikinos Isurian akwap. 28#Any 20:5; 34:14; Ikis 4:24; 32:35,36; Yos 24:19; Sab 33:10; 47:8; Isa 59:18,19; Nak 1:2. Kikunyak etuŋanan loka Edeke kotema ekabaka loka Isirael atiar, “Inera EJAKAIT kwanata ebe, Naarai abalasi Isurian ebe, Erai EJAKAIT Edeke loka iukon, konye mere Edeke loka aditon: kanuka ŋun ŋes ejaikinia ekodet lo kere loepol akanikon, ijenunete yesi ebe Eoŋ EJAKAIT.” 29Kidukuroto kiteosi apaarasia akanykaarei. Kosodi kapaaran nakikanyetekaarei kiriama ejie: kapaaran adiopet koarata idwe luka Isirael Isurian ituŋa ilukumin akwatat lukelosete kakeje. 30Konye kokera luedeunos Apek, toma ore; kibirokin arwatat ituŋa ilukumin akaisaarei ka lukanykaarei luedeuna.

Koker Ben-kadad, koloma ore, agola nakotoma. 31#Age 37:34. Kotemasi ikekejaanakinak ŋes atiar, “Koany do, kipupu ebe ikabakan luka ekek loka Isirael eraas ikabakan luketimok: kinainait, kanapa ipukoi kanabesiwok, aunoi da kakwesiwok, kalomasi mama ejai ekabaka loka Isirael: elemuni kitaiar ŋesi akoniijar.” 32Koenata do ipukoi aŋabesikec, aunoi da akwesikee, kopotu mama ejai ekabaka loka Isirael, kobalas ebe, “Ebala ekejaanakinanikon Ben-kadad ebe, Kenaiijait, kisiikinai kajar.” Kotema atiar, “Eriŋa ŋes ejari? Erai onaeeka.” 33Kosodete ituŋa aiŋic noi, kisunyas ajenun arai ikote nen akeomisio; kotemasi atiar, “Onaeekon Ben-kadad.” Kosodi ŋesi atemar atiar, “Koloto koyautu ŋes.” Kosodi Ben-kadad alomun neejai ŋesi; kitodokik ŋes agali. 34#1 Ika 15:20; Isa 26:10; 28:15. Kotema Ben-kadad ŋes atiar, “Kenyakakini jo ireria luabu papaka kodemarite papakon; itemokini irotin koDamasiko kwape kolo kitemokinio papaka koSamaria.” Kobala Akab ebe, “Eoŋ da kaosikini jo kaitutuket kana.” Kitutuko kaŋes aitutuket, koosik.

35 # 2 Ika 2:3,5,7,15; 1 Ika 13:17,18. Kotema ediopctunanan kodwe luka inabin aupake kakirot naka EJAKAIT atiar, “Kimusunai eoŋ, kenainait.” Koner etuŋanan aimusun ŋes. 36#1 Ika 13:24. Kosodi ŋol atemar ŋes atiar, “Naarai mam jo irimarit iporoto loka EJAKAIT, koany, atipet napinyounio ijo kamakaŋ, kiari eŋatuny jo.” Ido atipet napanyounio kamakeŋ, kodum eŋatuny ŋes, koar. 37Kosodi ŋol adumun ecetuŋanan, kotema atiar, “Kimusunai eoŋ, kenainait.” Kimusun etuŋanan ŋes, kieum, kimusun. 38Konyou do enabi, kidareu ekabaka korot, kitegelikin bon kiswap akonyeke kaenet naka akou. 39#2 Sam 12:1; Tub 9:7-20; 2 Sam 14:5-7; 2 Ika 10:24. Nakitorio ekabaka, kiworou ŋol ekabaka; kotema atiar, “Abu ekonikejaanakinan koloma kidin ojie; ido koany, abu etuŋanan kopau, koyau ecetuŋanan mamaka kotema atiar, ‘Kidar etuŋanan lo: arai keolio, ŋes konyet ejaunia akoniijar aibois kaijarake, arai bo itaei ijo atalata naka epuesa.’ 40#2 Sam 12:5,6; Yob 15:6; Mat 21:41; Luk 19:22. Naelolitor ekonikejaanakinan lailo ka laije da, kosii etuŋanan.” Kotema ekabaka loka Isirael ŋes atiar, “Kitubokinio jo kwaŋin; ijo elopet icam.” 41Kisunya ŋesi, kolaca aenet naka akou kakonyeke; kojen ekabaka loka Isirael ebe erai ŋesi ediopet konabin. 42#1 Sam 15:9; 1 Ika 22:31-37. Kotema ŋes atiar, “Inera EJAKAIT kwanata ebe, ‘Naarai ibu koosik kakanikon etuŋanan loabu eoŋ kagita amudiar, kanuka ŋun egeli aijarakon aijarake, ikonituŋa da itia ituŋake.’’’ 43#1 Ika 21:4; 22:8; Est 5:13; 6:12,13; Yob 5:2; Awa 19:3. Kolot eka baka loka Isirael oreke ekadakinit, konyunyura, kobu Samaria.

Currently Selected:

1 Ikabakan 20: AOV1961

Highlight

Copy

Compare