1 Ikabakan 17

1 # Luk 1:17; 4:25; 2 Ika 3:14; Ikis 10:8; Yak 5:17. Kosodi Eliya Etisibit, lokerai loka lukiboiororos koGilead, kotema Akab atiar, “Kwape ejaria EJAKAIT Edeke loka Isirael, loabwoi eoŋ kakonyeneke, mam ejaununete akopyo, karaida akiru kotoma okaru kalu, dimikito kwape ejaar akakirot.” 2Kobu akirot naka EJAKAIT mamake ebe, 3“Konyou kane, kibelokin kolot kide, konop kaguurut Keris naiteos ka Yorodan. 4#Sab 37:3; Isa 33:15. Kosodi kanen imasenenei akipi nuka aguurut; ido ecorak ikuruka aitanyamenen jo kaŋina.” 5Kolot kiswama kwape ajaar akirot naka EJAKAIT: naarai abu kolot kiboikin ariri kaguurut Keris, naiteos ka Yorodan. 6Kosodete ikuruka koinununete ŋes inyamat ka akiriŋ tupuruc, ka inyamat ka akiriŋ eboŋ; komasenenei da akipi nuka aguurut. 7Kosodi kanen ketubor apak koonik aguurut, kanu amamear akiru kakwap.

8Kobu akirot naka EJAKAIT mamake ebe, 9#Oba 1:20; Luk 4:26. “Konyou kolot Sarapet, loka Sidon, kiboie kaŋina; koany, eeorak apuserut naka nina aitanyamenen joo” 10#Age 24:7; Sab 24:1; Isa 33:16; Yok 4:7; Bur 11:37. Kosodi konyou, kolot Sarapet: ido nakedolio orute loka ere, koany, koiai apuserut erarai akito; konyarau ŋes, kobala ebe, “Kenainait koomikinai adisikipi kibore, kamat.” 11Konye napelosi aomare, konyarau ŋes, kobala ebe, “Kenainait, koinunai idionyamat kakanikon.” 12#Age 18:6; 21:15,16. Kobala ŋesi ebe, “Kwape ejaria EJAKAIT Ekonideke, emameete eoŋ inyamat, dimarai ikiria adiopekan ejaas amot, ka idiokinyet katany; ido koany, edepuni akito aarei, kaloma kepou eoŋ ka ikakoku, kanyama, kedenyiata atwakare.” 13#Age 22:1,2; 1 Pet 1:7. Kotema Eliya atiar, “Sirikiyoŋ; kolot kiswama kwape ibalar; konye kogeu ber aipoikin eoŋ idionyamat koinu, kokau kipou ijo alopet ka ikonikoku, 14#Sab 84:7-10,12; 34:11; 1 Tim 4:8; Pil 4:19. Naarai ebala kwanata EJAKAIT, Edeke loka Isirael ebe, ‘Mam inonar amot naka akiria, karaida akinyet nakatany mam edaun, aitodol apaaran naisitepia EJAKAIT akiru akwap.’’’ 15#2 Siit 20:20; Mat 10:41,42; 20:28; Bur 11:8. Kosodi kolot kiswama kwape ebalar Eliya: ŋes alopet, ka ŋes, ka lukotogoke, konyamata apaarasia nuipu. 16#Ikis 15:10; Awa 11:24. Mam abu kinonar amot naka akiria, karaida akinyet nakatany mam abu kodaun, kwape kejaar akirot naka EJAKAIT, nakinera kama ka Eliya,

17Kosodi kanen kokau kanun kodekakin okoku loka aberu, alopet etogo; kinyikok noi adekake, komam bobo iyena. 18#2 Sam 16:10; Luk 4:34; 5:8; Yok 2:4. Kotema ŋesi Eliya atiar, “Kimariai eoŋ inyo kaio, ijo etuŋanan loka Edeke? Ibu mama ajai aisiitun akaronis, ka aiar okokuka!” 19Kotema ŋes atiar, “Ae okokukon.” Kodak katorobuke, kodokaria agola nakokuju naeboionono, kiperik aperisike elopet, 20#Any 15:25; 17:4; Mar 11:11; 1 Sam 7:8; 1 Ika 18:36,37; Pil 4:6; Yak 5:13,16. Komonyak EJAKAIT, kobala ebe, “Wu EJAKAIT, Ekadeke, iyanau aronis mama ejai apuserut nakesiperi, kanuka aiar okokuke?” 21#2 Ika 4:34,35; Asw 20:10. Korionor irwan auni kama ejai ikoku, komonyak EJAKAIT, kobala ebe, “Wu EJAKAIT, Ekadeke, kenainait, Koboŋok bobo aijar naka ikoku kayen tomakeŋ.” 22#Sab 65:2; 66:19; Awa 15:8,29; Mat 21:22; Luk 11:9,10; 1 Yok 3:22; 5:14; Ikis 32:39; Luk 7:14; Asw 20:10,12; Bur 11:35. Kiira EJAKAIT eporoto loka Eliya; Koboŋok bobo aijar naka ikoku tomakeŋ, kikwar, 23Kodaku Eliya ikoku, kiiesunor kagola koyau togo, koinak totoke: kotema Eliya atiar. “Koany, ejari do okokukon.” 24#Yok 3:2; 16:30. Kotema aberu Eliya atiar, “Ajenu do kwana kwape iraar ijo etuŋanan loka Edeke, ido akirot naka EJAKAIT kaitukukon erai abeit.”

Currently Selected:

1 Ikabakan 17: AOV1961

Highlight

Copy

Compare