1 Ikabakan 16

1 # 1 Ika 21:20-24; 2 Siit 19:2; 20:24. Kobu akirot naka EJAKAIT neejai Yeku okoku loka Kanani aluikin Baasa, ebe, 2#1 Ika 14:7; 1 Sam 2:8; 15:17; Sab 75:6,7; Yer 27:5; Dan 2:21; 4:17; 1 Ika 15:34. “Naarai abu ketopoloo jo kotoma apua, kadakak jo araun ekapolon kotunaka Isirael; konye ilosenen korot loka Yeroboam, itidiak ikatuŋa Isirael, aitunyunyurikin eoŋ karonisiokee; 3#1 Ika 14:10; 15:29; 21:22-24; Isa 66:24. Koany, apiari eut Baasa ka ekekek: etusubi ekonikek bala ekek loka Yeroboam okoku loka Nebat. 4#1 Ika 14:11. Yenika Baasa yenetwanikini ore enyamete inokwo; nin da yenike yenetwanikini ais enyamete akweny nuka apak.”

5 # 2 Siit 16:1. Aswamisio ace nuka Baasa, ka nuabu kiswama, ka akegogoŋ, mam kereka iwadikatai oitabo loka aisiitonokin nuka ikabakan luka Isirael? 6#1 Ika 14:11; 15:21. Kojotoor Baasa kalukapapaake, aponi kidaikinai Tirisa; kirum Ela okokuke aiboisike. 7#Sab 115:4; Isa 2:8; 44:9; 1 Ika 14:14; 15:27; 2 Ika 10:30,31; Kos 1:4. Bobo da kobu akirot naka EJAKAIT kama kenabi Yeku okoku loka Kanani aluikin Baasa, ka ekekek, kanuka aronis kere naabu kiswama kakonyen nuka EJAKAIT, aitunyunyurikin ŋes kaswam naka akaninike, araut kwape kekek loka Yeroboam, ido kanuka aidany ŋes.

8Kokaru loka akaisaarei ka lukanykape loka Asa ekabaka loka Yuda, kogeu Ela okoku loka Baasa airum Isirael koTirisa, kirumak ikar iarei. 9#1 Ika 15:27; 2 Ika 9:31; 12:20; 15:10,25,30; 1 Sam 25:36-38; 2 Sam 13:28,29; 1 Ika 20:16; Yob 31:3; Awa 20:1; Isa 1:28. Kineru Simuri ekekejaanakinan, ekapolon loka atutubet naka agalinike asurokin ŋes: keiai ŋesi Tirisa, emata komera kotogo loka Arusa, loapolokinit ekale koTirisa. 10Koloma Simuri kinom ŋes, koar, kokaru loka akaisaarei ka lukanykaarei loka Asa ekabaka loka Yuda, kirum aiboisike.

11 # 1 Sam 25:24. Kosodi kanen, kegeu ŋesi airum, atipet kiboikin oicoloŋoke loka ajakanut, kodany ekek loka Baasa kere: mam abu kideik ŋes idiokoku yenikiliokit, karaida yenikokekike, karaida yenikopaperoke. 12#Isa 40:8; 1 Pet 1:25. Kwaŋin komudia Simuri ekek loka Baasa kere, kwape ajaar akirot naka EJAKAIT, naabu kiner kama ka Yeku enabi aluikin Baasa. 13#Isa 3:16; Ikis 32:21; 1 Sam 12:21; 2 Ika 17:15; Isa 41:29; Yer 10:8,15; Yok 2:8; 1 Kor 8:4; 10:19. Kanuka aronisio kere nuka Baasa, ka aronisio nuka Ela okokuke, nuapotu kodiakasi, nuetidiakariata Isirael, aitunyunyurikin EJAKAIT, Edeke loka Isirael kakamameakakec. 14Aswamisio ace nuka Ela, ka kere nuabu kiswama, mam kereka iwadikatai oitabo loka aisiitonokin nuka ikabakan luka Isirael?

15 # Yob 20:5; Sab 37:35; 1 Ika 15:27. Kokaru loka akaisaarei ka lukanykaarei loka Asa ekabaka loka Yuda, kirumak Simuri adaun apaarasia akanykaarei koTirisa. Kidukuroto ituŋa asurokin Gib-beton, loarai loka Ipilisitian, 16Kopuputu ituŋa luedukuritos ebakai ebe, eneru Simuri, aar ekabaka da: kanuka ŋun kitarau Isirael kere Omuri, ekapolon loka ajore, ekabaka loka Isirael kapaaran kaŋin koidukurun, 17Konyou Omuri koGibeton, ka Isirael kere kaŋes, kirigaut Tirisa. 18#Tub 9:54. Kosodi kanen, keanyu Simuri ebe anatar ere, koloma toma abwas naka etogo loka ekabaka, kicweik etogo loka ekabaka kakim, kotwanik nen. 19#Sab 9:16; 1 Ika 12:28; 15:26. Kanuka akeronisio nuadiaki ŋesi kotoma aswam nueroko kakonyen nuka EJAKAIT, alosenen korot loka Yeroboam, kakeronis naadiaki ŋesi, aitidiakaria Isirael. 20Aswamisio ace nuka Simuri, ka akebilakin ebotet, mam kereka iwadikatai oitabo loka aisiitonokin nuka ikabakan luka Isirael?

21 # Isa 9:18. Kosodete ituŋa luka Isirael atiak kotoma atutubeta aarei: kotupa atutubet naka ituŋa Tibuni okoku loka Ginat, aitaraun ŋes ekabaka; kotupa atutubet Omuri. 22Konye apotu ituŋa luatuparete Omuri kipikosi ituŋa Iuatuparete Tibuni okoku loka Ginat: kotwana Tibuni, kirum do Omuri, 23Kokaru loka akaisauni ka lodiopet loka Asa ekabaka loka Yuda, kogeu Omuri airum Isirael, kirumak ikar itomon ka luarei: kirumak koTirisa ikar ikanykape. 24#1 Ika 13:32; 2 Ika 17:24; Yok 4:4. Kogwel eukot Samaria kama ka Semer katalatan aarei nuka epuesa; koduk oukot, komaik ere loaduki ŋesi Samaria, kwape araar ekiror loka Semer elopet eukot.

25 # 1 Ika 14:9; Mik 6:16. Kiswama Omuri nueroko kakonyen nuka EJAKAIT, kiswama aronis adepar kere lukegeikinete ŋes. 26#Yer 16:19; Asw 14:15; Rom 1:21. Naarai kolosenenei korot loka Yeroboam okoku loka Nebat, kakeronisio nuetidiakaria Isirael, aitunyunyurikin EJAKAIT, Edeke loka Isirael, kakamameakakec. 27Aswamisio ace nuka Omuri nuabu kiswama, ka akegogoŋ naabu kitodu, mam kereka iwadikatai oitabo loka aisiitonokin nuka ikabakan luka Isirael? 28Koiotoor do Omuri kalukapapaake, aponi kidaikinai Samaria: kirum Akab okokuke aiboisike.

29Kokaru loka akaisauni ka lukanykauni loka Asa ekabaka loka Yuda kogeu Akab okoku loka Omuri airum Isirael: kirumak Akab okoku loka Omuri Isirael koSamaria adaun ikar akaisaarei ka luarei. 30Kiswama Akab okoku loka Omuri nueroko kakonyen nuka EJAKAIT adepar kere lukegeikinete ŋes. 31#Age 6:2; Ikis 7:3; Yos 23:12; 1 Ika 18:4-19; 19:1,2; 2 Ika 9:30-37; Tub 18:7; 1 Ika 21:25; 2 Ika 10:18; 17:16. Kosodi kanen, kosubite akirot bala nakebenenikinit ŋes ta pe elosenenei karonisio nuka Yeroboam okoku loka Nebat, komany Yesebel akoku naka Etibaal ekabaka loka Isidonin, kolot kiiaanak Baal, komaenenei ŋes, 32#2 Ika 10:21-27. Kosipok etem loka Baal togo loka Baal, lokedukit ŋesi Samaria. 33#Any 34:13; 2 Ika 17:10; Yer 17:2; 1 Ika 21:25. Kiswama Akab Asera; kiyatak Akab aitunyunyurikin EJAKAIT, Edeke loka Isirael adepar ikabakan kere luka Isiraellukegeikinete ŋes. 34#Mar 15:30; Yos 6:26; Sab 119:89,126; Awa 13:13; Isa 40:8; Mat 24:35; Mk 13:31; Luk 21:33; 1 Pet 1:25. Kapaarasiake koduk Kiel Ebet-elit Yeriko: kopesik apetetait kotwania ekiyaike Abiram, kosipok ikekia kotwania enooritike Segub; kwape ajaar akirot naka EJAKAIT, naabu kiner kama ka Yosua okoku loka Nun.

Currently Selected:

1 Ikabakan 16: AOV1961

Highlight

Copy

Compare