1 Ikabakan 15
15
1Kokaru do lokitomonet krkanykauni loka ekabaka Yeroboam okoku loka Nebat kogeu Abiyam airum Yuda. 2#2 Siit 11:21; 13:2. Kirumak ikar iuni koYerusalem: ekiror loka totoke ŋes Maaka akoku naka Abisalom. 3#1 Ika 11:4; Sab 119:80. Kolosenenei karonisio kere nuka papake, nueswamai ageikini ŋes: mam eketau adolit kaneejai EJAKAIT Ekedeke, kwape ketau loka papaake Daudi. 4#Age 12:2; 19:29; 2 Siit 21:7; Isa 37:35. Konye kanuka Daudi abu EJAKAIT Ekedeke koinak ŋes atala koYerusalem, adakakin okokuke atupakin ŋes, aiticat Yerusalem: 5#1 Ika 14:8; Luk 1:6. Naarai abu Daudi kiswama nuedolito kakonye nuka EJAKAIT, mam abu kopaa kakirot kere naeeorakini ŋes, apaarasia kere nuka aijarake, dimarai akirot naka Uria Ekitit. 6Keiaenena ejie kidiŋ Rekoboam ka Yeroboam apaarasia kere nuka aijarake. 7#2 Siit 13:2,3,22. Aswamisio ace kere nuka Abiyam, kere da nuabu kiswama, mam kereka iwadikatai oitabo loka aisiitonokin nuka ikabakan luka Yuda? Kejaenena ejie kidin Abiyam ka Yeroboam. 8#2 Siit 14:1. Kojotoor Abiyam kalukapapaake; aponi kidaikinai ore loka Daudi: kirum Asa okokuke aiboisike.
9Kokaru lokakaisaarei loka Yeroboam eka baka loka Isirael kogeu Asa airum Yuda. 10Kirumak ikar akaisaoŋon ka lodiopet koYerusalem: ekiror loka totoke ŋes Maaka akoku naka Abisalom. 11#2 Siit 14:2; 15:17. Kiswama Asa nuedolit kakonye nuka EJAKAIT, kwape eswamaa Daudi papaake. 12#1 Ika 14:21; 22:46. Kirenea iketepak ikiliok kakwap, kolema aputosia kere nueswamato lukapapaake. 13#Ikis 13:6; 33:9; 2 Siit 15:16; Mat 10:37; 19:29; Luk 12:51,53; 14:26; Any 32:20. Kirenea da Maaka totoke karaut akabaka, naarai abu kiswamau aput naketal araun Asera; kojepa Asa aputoke, kiewe kaguurut Kiduron. 14#1 Ika 22:43; 2 Siit 15:17. Konye mam aponi kolemarai aiboisio nuiceleleete: konye kedolit etau loka Asa kaneejai EJAKAIT apaarasiake kere. 15Kitoloma iboro togo loka EJAKAIT luabu papake kotiakarite, ka iboro luabu ŋesi elopet kotiakarite, epuesa, ka esabu, ka iboro.
16Keiaenena ejie kidin Asa ka Baasa ekabaka loka Isirael apaarasiakec kere. 17#2 Siit 16:1; Yos 18:25; 1 Sam 15:34; 1 Ika 12:27. Kolot Baasa ekabaka loka Isirael asurokin Yuda, koduk Rama, tetere mam eeamakini idiotuŋanan alomar arai alomun mama ejai Asa ekabaka loka Yuda. 18#1 Ika 20:1-5,33,34; 2 Ika 8:7-15; 2 Siit 16:2; Age 14:15; 1 Ika 11:23. Kosodi Asa ayaŋaar epuesa kere ka esabu luedeuna koboro luka akais nuipu luka etogo loka ekabaka, kijaik kes akanin nuka ikejaanakinakake; kijuka ekabaka Asa kes mama ejai Ben-kadad, okoku loka Tab-rimon, okoku loka Kesion, ekabaka loka Suria, loeboienenei koDamasiko, ebe, 19“Ejai aitutuket kidinika kajo, kidin papaka ka papakon: koany, ejukakinit jo ainakinet naka epuesa ka esabu; kolot, kobil aitutuketekon kaBaasa ekabaka loka Isirael, tetere enyouni ŋesi kaneajai eoŋ.” 20#2 Ika 15:29; Tub 18:29; 2 Sam 20:14. Kiira Ben-kadad ekabaka Asa, kijuka ikapolok luka aioresioke asurokin ireria luka Isirael, kodany luka Iyon, ka Dan, ka Abel-bet-maaka, ka Kinerot kere, ka akwap kere naka Naputali. 21Kosodi kanen, kepupu Baasa ŋun, kinyeik aiduk Rama, kiboikin do Tirisa. 22#2 Siit 16:6; 1 Sam 8:16,17; Yos 21:17; 1 Sam 7:6. Kosodi ekabaka Asa kokut luka Yuda kere; komamei yenedeparitai: kibwokata amor nuka Rama, ka akitoke, nuabu Baasa kodukitor: kodukio ekabaka Asa Geba loka Benyamin, ka Misipa. 23#2 Siit 16:12; Sab 90:10; Lim 12:1. Aswamisio ace kere nuka Asa, ka akegogoŋ kere, ka kere nuabu kiswama, ka ireria luabu koduk, mam kereka iwadikatai oitabo loka aisiitonokin nuka ikabakan luka Yuda? Konye kapaarasia nuka amoionuke kodekakin akejeke. 24#1 Ika 22:41-43; 2 Siit 17:1; Mat 1:8. Kojotoor Asa kalukapapaake, aponi kidaikinai kalukapapaake ore loka Daudi papaake: kirum Yekosapat okokuke aiboisike.
25Kogeu Nadab okoku loka Yeroboam airum Isirael kokaru lokiareit loka Asa ekabaka loka Yuda, kirumak Isirael ikar iarei. 26#1 Ika 12:30. Kiswama nucroko kakonyen nuka Edeke, kolosenenei korot loka papake, kakeronis naetidiakaria Isirael da.
27 #
1 Ika 14:14; Yos 19:44; 21:23; 1 Ika 16:15. Kineru Baasa okoku loka Akiya, lokokek loka Isakar, asurokin ŋes; kodany Baasa ŋes koGib-beton, lokerai loka Ipilisitian; naaraikirigaunitos Nadab ka Isirael kere Gib-bcton. 28#Ikis 32:35. Kokaru lokiwuniet loka Asa ekabaka loka Yuda koar Baasa ŋes, kosodi airum aiboisike. 29#1 Ika 14:10,14; Yob 18:13-21; Sab 21:10; 37:28,38; Isa 14:20. Kosodi kanen, keraun ekabaka, atipet kodany lukokek kere loka Yeroboam; mam abu kideik Yeroboamidio yenikajaran, aitodol neamudiaria ŋes; kwape ajaar akirot naka EJAKAIT, naabu kiner kama kekeiaanakinanike Akiya Esilonit: 30Kanuka aronisio nuka Yeroboam nuabu kodiak, ido nuetidiakaria Isirael da: kanuka anyunyura naabu ŋesi kitunyunyurikinia EJAKAIT, Edeke loka Isirael.
31Aswamisio ace nuka Nadab, ka kere nuabu kiswama, mam kereka iwadikatai oitabo loka aisiitonokin nuka ikabakan luka Isirael? 32Kejaenena ejie kidin Asa ka Baasa ekabaka loka Isirael apaarasiakec kere.
33Kokaru lokiwuniet loka Asa ekabaka loka Yuda kogeu Baasa okoku loka Akiya airum Isirael kere koTirisa, kirumak ikar akaisaarei ka luonon. 34#1 Ika 12:28,29; 13:33; 14:16. Kiswama nueroko kakonyen nuka EJAKAIT, kolosenenei korot loka Yeroboam, kakeronis naetidiakaria Isirael.
Currently Selected:
1 Ikabakan 15: AOV1961
Highlight
Copy
Compare
Share
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.
