1 Ikabakan 14

1Kapaarasia kanun kodekakin Abiya okoku loka Yeroboam, 2#1 Ika 11:31. Kotema Yeroboam nakowaike ebe, “Konyou, kenainait, kitegelikin bon, tetere mam iienun ebe irai aberu naka Yeroboam: kolot Silo; koany, ejai Akiya enabi ŋina, loabu kinera nukan ebe araun eoŋ ekabaka loka ituŋa kalu. 3#1 Sam 9:7. Koyana da imugatin itomon, ka aluŋuren nuka imugatin, ka atany naka esik da, kolot mama ejai: kilimokini ŋesi jo nuedoikinete ikoku.”

4 # 1 Ika 11:29. Kiswama aberu naka Yeroboam kwaŋin, konyou, kolot Silo, kobu togo loka Akiya, Mam Akiya epedoro aanyun; naarai awariwarete akekonye kanuka amoion. 5#Awa 21:30. Kotema EJAKAIT Akiya atiar, “Koany, ebuni aberu naka Yeroboam aiŋitun jo nuka okokuke; naarai edek; ilimokini ŋes kwanata kwanata”: naarai nakelomunia itegelikini bon araun aceberu, 6Kosodi kepupu Akiya akeieke napelomuni kokek, kotema atiar, “Kolom, ijo aberu naka Yeroboam; kanukinyo itegelikinor bon araun ace? Naarai kejukunitai mamakon kakiro kanuelanir. 7#2 Sam 12:7; 1 Ika 16:2. Kolot, kolimok Yeroboam ebe, ‘Inera EJAKAIT Edeke loka Isirael kwanata ebe: “Naarai abu ketopoloo jo kotuna, ketarau jo ekapolon kotunaka Isirael, 8#1 Ika 11:31; 15:5. Abu kacila da ajakanut alemar kokek loka Daudi, kainak jo; konye mam jo iputosi bala ekejaanakinanika Daudi, loabu koricite aicorakinetaka, katupite keketau kere, aiswamaenen nuedolito bonik kakonyeka: 9#2 Siit 11:15; Nek 9:26; Sab 50:17; Esk 23:35. Konye ibu kiswama aronis adepar kere lukigeikinete jo, ilot isub icedekesio, ka aputosia nuealuna, aitunyunyurikin eoŋ, kicaka eoŋ kaukon: 10#1 Ika 15:29; 21:21; 2 Ika 9:8; Ikis 32:36. Kanuka nun, koany, ayaun aronis kokek loka Yeroboam, amudiari kama ka Yeroboam ninikoku yenikiliokit, ŋin yenienitai ka nin yeneosikinitai koIsirael, apiari eut ekek loka Yeroboam, kwape epiaria ituŋanan aoret, aitodol needaunotor. 11#1 Ika 21:24. Ŋin yenika Yeroboam yenetwanikini ore enyamete inokwo; ŋin da yenetwanikini ais enyamete akweny nuka apak: naarai alimu EJAKAIT nin.” 12Aso konyou ijo, kolot togokon; naelomariata akonikeje ore, etwani ikoku, 13#2 Siit 12:12; 19:3; Plm 1:6; 2 Pet 2:8,9. Ibworosi lukoIsirael kere ŋes, enukete ŋes; naarai ŋes bon yenika Yeroboam yenidaikinio ates: naarai kotomake edumuna adiokirot naejok mama ejai EJAKAIT, Edeke loka Isirael, kokek loka Yeroboam. 14#1 Ika 15:27. Bobo da edakakini EJAKAIT ekabaka koIsiraellocmudiari ekek loka Ycroboam kapaaran kaŋin: inyo bo da? Kwape kwana, 15#Ikis 29:28; 2 Ika 17:6; Sab 52:5; Amo 2:9; Sep 2:4; Mat 15:13; Yos 23:15; 2 Ika 15:29; Any 34:13; Ikis 12:3. Naarai edanyi EJAKAIT Isirael, kwape iianere aladot kakipi; erutuni da Isirael kakwap kana naejok naabu koinak lukapapaakec, isiarisiari kes juwai kEcor; naarai asubata Aserinikee, aitunyunyurikin EJAKAIT, 16#1 Ika 12:30; 13:4; 15:30,34; 16:2; Mik 6:16; Mat 18:7. Ejalakini ŋesi Isirael kanuka aronisio nuka Yeroboam, nuadiaka ŋesi, nuetidiaka Isirael da.”

17 # 1 Ika 16:6; Eko 6:4. Konyou aberu naka Yeroboam, kolot, kobu Tirisa; napadolio okek loka etogo, kotwani ikoku. 18Kida Isirael kere ŋes, kibworo ŋes; kwape ajaar akirot naka EJAKAIT, naenera ŋesi kama ka Akiya enabi ekeiaanakinanike. 19#2 Siit 13:2. Aswamisio ace kere nuka Yeroboam, kwape aiior, ido kwape erumia, koany, iwadikatai oitabo loka aisiitonokin nuka ikabakan luka Isirael. 20Apaarasia nuabu Yeroboam kirumak emwaasi ikar akaisaarei ka luarei: koiotoor kalukapapaake, kirum Nadab okokuke aiboisike,

21 # Yob 32:9; Lim 4:13; 1 Ika 11:36. Kirum Rekoboam okoku loka Solomon Yuda. Kerai Rekoboam loka ikar akaisaoŋon ka lodiopet egeuni airum, kirumak ikar itomon ka lukanykaarei koYerusalem, ere loabu EJAKAIT koseu katekerin kere nuka Isirael, aibwaikin ekekiror nen. Ekiror loka totoke ŋes Naama naka Amon. 22#2 Siit 12:1; Ikis 32:21; Sab 78:58; Isa 62:2,5; 1 Kor 10:22. Kiswama Yuda nuaroko kakonyen nuka EJAKAIT; kisurumata ŋes ekokote kanuka aronisiokec nuapotu kiswamata, adepar nueswamaete lukapapaakee. 23#Ikis 12:2; Esk 16:24; 2 Ika 17:9; Isa 57:5. Naarai kes da kodukoto aiboisio nuiceleleete, ka ipirino, ka Aserin, kanoliukot loicelelei, ido kwap kanolikiroi loepesit. 24#Age 19:5; Ikis 23:17; 1 Ika 15:12; 22:46; 2 Ika 23:7. Ajaas da iketepak ikiliok kakwap: apotu kiswamata kwape ajaatar italesio luka atekerin nuereneari EJAKAIT kakonyen nuka idwe luka Isirael.

25 # 1 Ika 11:40. Kosodi kanen, kokaru lokikanyet loka ekabaka Rekoboam, kobu Sisak ekabaka loko Misiri asurokin Yerusalem: 26#1 Ika 7:51; 2 Siit 12:9; 1 Ika 10:17; 2 Siit 9:15,16; Awa 23:5. Koyana iboro luka akais nuipu luka etogo loka EJAKAIT, ka iboro luka akais nuipu luka etogo loka ekabaka: koyana kere: koyaŋa da ibukui kere luka esabu lueswamat Solomon. 27Kiswamau ekabaka Rekoboam ibukui luka aisinit aiboisikec, kijaik akanin nuka ikapolok luka ikedarak, luedarete ekek loka etogo loka ekabaka, 28Kosodi nakelomanaria ekabaka togo loka EJAKAIT, kodakanarete ikedarak kes, kinyakanarete agola naka ikedarak.

29Aswamisio ace nuka Rekoboam, kere da nuabu kiswama, mam kereka iwadikatai oitabo loka aisiitonokin nuka ikabakan luka Yuda? 30#1 Ika 12:24; 15:6. Ido kejaenena ejie kidin Rekoboam ka Yeroboam dueudue. 31Koiotoor Rekoboam kalukapapaake, aponi kidaikinai kalukapapaake ore loka Daudi: ekiror loka totoke Naama naka Amon, Kirum Abiyam okokuke aiboisike.

Currently Selected:

1 Ikabakan 14: AOV1961

Highlight

Copy

Compare