1 Ikabakan 11

1 # Age 6:2; Esr 9:12. Komina ekabaka Solomon aŋor nuipu numo, nepepe kakoku naka Parao, aŋor nuka Imoabin, nuka Imonain, Idomein, Isidonin, ka Ikitin; 2#Any 34:16; Ikis 7:3. Nuka atekerin nuabala EJAKAIT idwe luka Isirael ebe, “Mam ilosete mamakee, karaida kes abunore mama ijaas: naarai abeit ibelokinete kesi ikusitauon atupenen ikecedekesio.” Kiminaikin Solomon ŋun kamin. 3Kejaas ŋes aŋor akwat akanykaarei, nukapolok, ka abusian akwat auni: kibelokis akenor etauken. 4#Ikis 17:17; Nek 13:26. Naarai nakemoionia Solomon, kibelokis akenor etauke atupit idekesio ice: mam kedolit eketau mama ejai EJAKAIT Ekedeke, kwape ajaar etau loka Daudi papake. 5#Tub 2:13. Naarai kotupa Solomon Asitoret adeke naka Isidonin, ka Milikom etal loka Imonain. 6#Mar 14:24. Kiswama Solomon nueroko kakonyen nuka EJAKAIT, mam abu kotuparite eut EJAKAIT kwape atuparitor Daudi papake. 7#Mar 33:52; 21:29; 2 Ika 23:13. Kosodi Solomon adukokin Kemos etal loka Moab, aibois naicelelei, komoru loitei Yerusalem, Molok da etalloka idwe luka Amon. 8Kiswamak kwaŋin aŋoroke kere numo, nuesupurununete lukisupurununo koinakis da asuban mama ejaas idekesiokec.

9 # Ikis 7:3; Sab 90:7; 1 Ika 3:5; 9:2. Konyunyurik EJAKAIT Solomon, naarai ebelokit eketau anyoun kama ejai EJAKAIT, Edeke loka Isirael, loabu kitaanyikin ŋes irwan aarei, 10#1 Ika 6:12; 9:6; 2 Siit 7:17-22. Ido kicorak ŋes nuka akirot kana ebe kinyek atupar idekesio ice; konye mam ŋes kerica nueeorakini EJAKAIT. 11#1 Ika 12:15; 2 Ika 17:15,21. Kanuka ŋun kotema EJAKAIT Solomon atiar, “Naarai iswama ŋun, komam iricit aitutuketaka ka ikisilaka, lukeeorakini jo, abeit acilari eoŋ ajakanut kamakon, ainakini ekejaanakinanikon. 12Konye mam eswamai nun kapaarasiakon, kanuka Daudi papakon: dimarai acilari kama kokokukon. 13#2 Sam 7:15; 1 Siit 17:13,14; Sab 89:33; 1 Ika 12:20; Any 32:13; 2 Ika 13:23; Ikis 12:11; 2 Ika 21:4; 23:27; Sab 132:13,14; Isa 14:32; 62:1,7. Konye mam acilari ajakanut kere; dimarai ainakini okokukon ateker adiopet, kanuka Daudi ekejaanakinanika, ido kanuka Yerusalem lokaseuni.”

14 # Ikis 31:16,17; 32:39,41; 1 Siit 5:26; Isa 10:5,26; 13:17; Nak 1:2; Kos 9:12. Kitonyou EJAKAIT lokasurup aluikin Solomon, Kadad, Edomit: kerai ŋesi loka aur naka ekabaka koEdom. 15#2 Sam 8:14; 1 Siit 18:12,13; Sab 108:10; Mar 24:19; Ikis 20:13; Mal 1:2,3. Naarai nakeiaar Daudi Edom, kolot Yoab da ekapolon loka ajore aida lukatwak, ido abu koar nolikiliokit koEdom; 16(Naarai kosalak Yoab ka Isirael kere ŋina ilapio ikanykape, aitodol neamudiaria nolikiliokit koEdom;) 17Konye koker Kadad, ŋes ka Idomein ice luka ikejaanakinak luka papake, alosit Misiri; koroko Kadad erai ikoku yenididi. 18Konyout koMidian, kodolot Paran: koyanaasi ituŋa nepepe kakes koParan, kodolot Misiri, mama ejai Parao ekabaka loko Misiri; loabu koinak ŋes etogo, kokorak inyamat, koinak ŋes alup. 19Kominunai Kadad noi kakonyen nuka Parao, tape ekorakini ŋes inaei naka aberuke elopet aimany, inaei naka Tapenes akabaka. 20Kourik inaci naka Tapenes ŋes Genubat okokuke, lokeiakari Tapenes kotogo loka Parao: koiai Genubat togo loka Parao nepepe kodwe luka Parao, 21#1 Ika 2:10,34. Kepupu Kadad koMisiri ebe keiotoor Daudi kalukapapaake, atwana da Yoab ekapolon loka ajore, kobala Kadad Parao atiar, “Kisiikinai kalot, kaboŋo bukosi.” 22Kosodi Parao atemar ŋes atiar, “Konye kiwoliki ijo inyo kamakaŋ, tape ikoto alosit bukus?” Koboŋok ebe, “Mam ibore: konye kisiikinai kalot.”

23 # 2 Sam 8:3. Kitonyou Edeke lokasurup ece aluikin ŋes, Reson okoku loka Eliada, loabu koker kama ejai ejakaitike Kadadeser ekabaka loka Soba: 24#2 Sam 10:8,18. Kotukonok ŋesi ituŋa mamake, korau ekapolon loka erioŋet, nakearia Daudi luka Soba: koloto Damasiko, kiboienenete kaŋina, kirumata Damasiko. 25#2 Siit 15:2. Kerai ŋesi lokasurup loka Isirael apaarasia kere nuka Solomon, kogelara ameŋeranut naka Kadad: kola ŋesi Isirael, kirum Suria.

26 # 1 Ika 12:2; 13:1; 2 Siit 13:6; 2 Sam 20:21. Yeroboam da okoku loka Nebat, Epuraimit loka Sereda, ekejaanakinan loka Solomon, ekiror loka totoke Serua, apuserut, ŋes da kitonyou akekan aluikin ekabaka. 27#1 Ika 9:24. Na ŋes akirot naainakinit ŋes aitonyoun akekan asurokin ekabaka: koduk Solomon Milo, konwok neketiyaara kore loka Daudi papake. 28#Awa 22:29. Kerai ekesa ie Yeroboam ekirigi loketitiŋ: koany Solomon ebe ekukurana ekatumunan, koinak ŋes ayait aitaaritoi kere naka ekek loka Yosep. 29#1 Ika 12:13; 14:2; Yos 18:1. Kosodi kanen kapak kaŋin, nakelomaria Yeroboam koYerusalem, kodum Akiya enabi Esilonit ŋes korot; abu Aldya konap anapito nakitetet, koiaas kesi kere iarei bonik okitui. 30#1 Sam 15:27; 24:5. Kitin Aldya anapito nakitetet naanapit, koeilicil atutubeta atomon ka nuarei. 31#1 Ika 12:1,16-20. Kotema ŋesi Yeroboam atiar, “Koyana ijo atutubeta atomon: naarai inera EJAKAIT, Edeke loka Isirael kwanata ebe, ‘Koany, acilari eoŋ ajakanut kakan naka Solomon, kainakini jo atekerin atomon: 32(Konye esalakini ŋes ateker adiopet, kanuka Daudi ekejaanakinanika, ido kanuka Yerusalem, ere lokaseuni kotoma atekerin kere nuka Isirael:) 33#Tub 2:13; 1 Sam 7:3; Mar 21:29; Yer 48:7,13; Asw 7:43. Naarai apotu kajalakis eoŋ, komaata Asitoret adeke naka Isidonin, ka Kemos edeke loka Moab, ka Milikom edeke loka idwe luka Amon; mam apotu kolosenenete korotinika, aiswamaenen nuedolito kakonyeneka, aricenen ikakisila ka ikatubesia, kwape kolo eswamaa Daudi papake. 34Konye mam ayaŋaari ajakanut kere kakanike: konye etaraun ŋes ekapolon apaarasia kere nuka aijarake, kanuka Daudi ekakejaanakinan, loabu kaseu, naarai aricenenei aicorakinetaka ka ikisilaka: 35Konye alemari ajakanut kakan naka okokuke, ainakini jo, atekerin atomon. 36#2 Sam 7:29; 1 Ika 15:4; 2 Ika 8:19; Sab 132:17; Luk 1:69-79; Asw 15:16,17; 2 Sam 21:17; 2 Siit 21:7. Ainakini okokuke ateker adiopet, tetere ejaenena Daudi ekejaanakinanika atala tiritir kakonyeneka koYerusalem, ere loabu kaseu aibwaikin nen ekakiror. 37Ayaŋaar eoŋ jo, irumi ijo kwape ipudar akoniijar kere, iraun ekabaka koIsirael. 38#Ikis 31:8; Yos 1:5; 2 Sam 7:11,27; 1 Siit 17:10,24-27. Kosodi, arai ipupuni kere nueeorakini jo, kolosenenei korotinika, kiswamaenenei da nuedolito kakonyeneka, korieenenei ikisilaka ka aicorakinetaka, kwape kolo kiswamaa Daudi ekejaanakinanika; ajaenena kajo, adukokini jo ekek loicasit, kwape adukokinia Daudi, ainakini jo Isirael. 39Ido eticani aur naka Daudi kanuka nun, konye mere ikar kere.’’’ 40Kanuka mm komoote Solomon aiar Yeroboam: konye konyou Yeroboam, koker Misiri, mama ejai Sisak eka baka loko Misiri, kojaenena Misiri aitodol neatwania Solomon.

41 # 2 Siit 9:29. Aswamisio ace nuka Solomon, kere da nuabu kiswama, ka acoake, mam kereka iwadikatai oitabo loka aswamisio nuka Solomon? 42#2 Siit 9:30. Apak naabu Solomon kirumak Isirael kere koYerusalem keraas ikar akaisaoŋon, 43#2 Siit 9:31; Mat 1:7. Koiotor Solomon kalukapapaake, kidaikinai ore loka Daudi papake: kirum Rekoboam okokuke aiboisike.

Currently Selected:

1 Ikabakan 11: AOV1961

Highlight

Copy

Compare