1 Ikabakan 12

1 # 2 Siit 10:1. Kolot Rekoboam Sekem: naarai kinotara Isirael kere Sekem aitaraun ŋes ekabaka, 2#1 Ika 11:26,40. Kosodi kanen, kepupu Yeroboam okoku loka Nebat ŋun, (naarai kerina ejai Misiri, neakeriarit anyoun kakonyen nuka ekabaka Solomon, kiboienenei Yeroboam koMisiri. Aponi kijukarai anyaraun ŋes.) 3Kobu Yeroboam ka ekodet kere loka Isirael, kinerata kaRekoboam ebe, 4#1 Sam 8:11-18; 1 Ika 4:7,22; 9:15; Yob 20:19-23; Awa 3:31; Lim 5:8; Isa 58:6; Esk 45:8; Amo 4:1,2; Mik 2:1,3; Mal 3:5; 1 Ses 4:6. “Abu papakon kitalanir ajookotokosi: aso do kitebeben aswam naetiono naka papakon, ka ajookotoke naelanir naebwaikinit mamakosi, isio da kijaanakini jo.’ 5Kotema kes atiar, “Koloto kodaut apaarasia auni, kosodete aboŋun mamakan.” Koloto ituŋa.

6 # Yob 12:12; 32:7; Awa 27:10; Lim 10:4; Yer 42:2-5; 43:2. Kinerut eka baka Rekoboam kimakio, lukebwoenenete kakonyen nuka Solomon papake eroko ejari, ebe, “Ibalas bo yesi ai eoŋ aboŋokin ituŋa ŋul?” 7#2 Siit 10:7; Awa 15:1. Kobalas ŋes atiar, “Arai ikoto araun ekeiaanakinan mama ejaas ituŋa lu lolo, kokoto aijaanakin kes, Koboŋok kes, kolimok akiro nuejok, aso eraunos kesi ikonikejaanakinak ikar kere.” 8Konye kola ainerun naka imakio naapesikinito ŋes, kinerut kikatumunak luapolounete kaŋes, luabwoete kakonyeneke. 9Kotema kes atiar, “Ibalas bo yesi ai, kabonokis ituija ŋul, luapotu kabalas eoŋ ebe, ‘Kitebeben ajookot nakibwaikini papakon mamakosi’?” 10#1 Ika 3:7; 14:21; 2 Siit 10:10,11; 22:4; Sab 7:16; 140:11; Awa 18:6,7; Isa 47:6. Kotemasi ikatumunak luapolounete kaŋes ebe, “Kolimok ituŋa lu lukibalas jo ebe, ‘Abu papakon kitalanir ajookotokosi konye jo kitebeben ŋes kamakosi’; ilimokini kes kwanata ebe, ‘Ebur ekabokorit lodidi aitelekar aŋabet naka papaka, 11Aso do abu papaka kisibwok yes aiookot naelanir, eyatakini do eoŋ aiookotokus: abu papaka koswala yes kidasc, konye eoŋ kaswalari yes kikiritona.’’’

12Aso kobu Yeroboam ka ituŋa kere mama ejai Rekoboam apaaran nakiwuniet, kwape eeorakinia ekabaka ebe, “Kobonut bobo apaaran nakiwuniet.” 13Koboŋok ekabaka ituŋa kaisiejakin, kola ainerun naka imakio naapesikinito ŋes: 14Kinera kakes kwape ajaar ainerun naka ikatumunak ebe, “Abu papaka kitalanir ajookotokus, konye eoŋ eyatakini ajookotokus: abu papaka koswala yes kidase, konye eoŋ kaswalari yes kikiritona.” 15#Tub 14:4; 1 Ika 22:23; 2 Siit 10:15; 22:7; Sab 5:10; Amo 3:6; 1 Ika 11:11. Aso mam abu ekabaka kopup ituŋa; naarai kerai akirot naabu EJAKAIT koyau, tetere itieasi akekirot naabu EJAKAIT kiner kama ka Akiya Esilonit mama ejai Yeroboam okoku loka Nebat.

16 # 2 Sam 20:1. Keanyu Isirael kere ebe mam abu ekabaka kopup kes, kobonokis ituŋa ekabaka ebe,

“Anyoin akorakinetekosi kama ka Daudi?

Ido emamei sio airumet kotoma okoku loka Yese:

Ape ma owemanakus, wu Isirael:

Daudi, koanyanar do ekonikek.”

Koloto do luka Isirael owemanakee.

17 # 1 Ika 11:13; 2 Siit 10:17; 11:13-17. Konye kirum Rekoboam idwe luka Isirael luibojete koreria luka Yuda. 18#2 Sam 20:24; 1 Ika 4:6; 5:14; 2 Siit 10:13. Kosodi ekabaka Rekoboam aijukar Adoram, loapolokinit esolo; abu Isirael kere kibiribir ŋes kamor, kotwana. Kiwonya ekabaka Rekoboam adokar agalike akerit Yerusalem. 19#1 Sam 10:19; 2 Ika 17:21; 2 Siit 10:19. Kwaŋin kipaliik do Isirael ekek loka Daudi, kiton lolo. 20#1 Ika 11:13. Kosodi kanen, kepupu Isirael kere ebe Aboŋu Yeroboam, kijukasi anyaraun ŋes abunore atukot, kitaraut ŋes ekabaka koIsirael kere: amamei yenatupit ekek loka Daudi, dimarai ateker naka Yuda bon.

21 # 2 Siit 11:1. Kedol Rekoboam Yerusalem, kotukonok ŋesi lukokek loka Yuda kere, ka ateker naka Benyamin, ituŋa lueseunitai ilukumin akwatat ka akaisakanykauni, lukeraas ikaiiok, aitiji ekek loka Isirael, ainyakun ajakanut bobo neejai Rekoboam okoku loka Solomon. 22#2 Siit 11:2. Konye kobu akirot naka Edeke mama ejai Semaia etuŋanan loka Edeke ebe, 23“Kolimok Rekoboam okoku loka Solomon, ekabaka loka Yuda, ka ekek kere loka Yuda ka Benyamin, ka ituŋa ice da ebe, 24#Awa 16:9. ‘Inera EJAKAIT kwanata ebe, Mam ilosete, ido mam ijiikinos kiinacanakus idwe luka Isirael: kobono ŋolituŋanan togoke; naarai erai akirot na nakaŋ.’’’ Kosodete kopuput akirot naka EJAKAIT, kobonosi, koloto kwape ajaar akirot naka EJAKAIT.

25 # Age 12:6; Tub 9:45; Age 32:30,31; Tub 8:17. Kosodi Yeroboam aiduk Sekem akwap nakiukon naka Epuraim, kiboienenei kaŋina; konyou ŋesi kanen, koduk Penuel. 26#Sab 14:1; Rom 8:7. Kotema Yeroboam kotauke atiar, “Kwana eboŋori ajakanut okek loka Daudi: 27#Ikis 12:5; 16:2,6. Arai kelosenenoto ituŋa lu ainanakin asuban togo loka EJAKAIT Yerusalem, ibelokinos bobo itauon luka ituŋa kalu mama ejai ejakaitikec, Rekoboam ekabaka loka Yuda; kaarete eoŋ, eboŋorete do mama ejai Rekoboam ekabaka loka Yuda.” 28#2 Ika 10:29; 17:16; Kos 8:4-7; Any 32:4. Kosodi kineru ekabaka, kiswamau itak iarei luka esabu; kotema kes atiar, “Erai akirot naepol yes alosenen Yerusalem; koany idekesiokon, ijo Isirael, lukitolomunete jo kakwap nako Misiri.” 29#Age 28:19; Kos 4:15; Tub 18:29. Kosipok idiopet Betel, ka ice da kosipok Dan. 30#1 Ika 13:34; 2 Ika 17:21. Koraun akirot nin adiakaret: naarai kolosenenoto ituŋa ice aima idiopet Betel, ice da mape Dan, 31#1 Ika 13:32,33; Mar 3:10; 2 Ika 17:32; 2 Siit 11:14; Esk 44:7. Kodukok itogoi aiboisio nuiceleleete, koseu icetuŋa kotuna kere kitarau isasedotin, lumam keraas idwe luka Lebi. 32#Leb 23:33; Mar 29:12; 1 Ika 8:2,5; Amo 7:13. Kicorak Yeroboam epueit kolap lokikanyetekauni, kapaaran nakitomonet kakany naka elap, kwape kepucit loejai Yuda, kolot ŋesi otem; kiswama kwaŋin da koBetel, koinak asuban mama ejaas itak luabu kiswamau: kibwaik isasedotin luka aiboisio nuiceleleete nuabu kiswamau koBetel. 33#Mar 15:39; 1 Ika 13:1. Kolot otem loabu kiswamau koBetel kapaaran nakitomonet kakany kolap lokikanyetekauni, ŋes elap loabu ŋesi koseu kotauke: kicorak epueit kanuka idwe luka Isirael, kolot otem aisupuruun lukisupurununo.

Currently Selected:

1 Ikabakan 12: AOV1961

Highlight

Copy

Compare