1 Ikabakan 10
10
1 #
2 Siit 9:1; Sab 72:10,15; Isa 60:6; Yer 6:20; Mat 12:42; Luk 11:31; Tub 14:12; Awa 1:6. Kosodi kepupu Akabaka naka Seba eemut loka Solomon kanuka ekiror loka EJAKAIT, kobu aitem ŋes kainiseta kanuetioko, 2Kobu Yerusalem kojaas kituna luipu noi, ka akaalai nuebwokito luewuru maa, ka esabu Ioepol noi, ka amor nuka akais nuipu: kosodi kedolu ŋesi neejai Solomon, kolimok ŋes akiro kere nukejaas otauke. 3#Awa 1:5; Isa 50:4. Kitejenu Solomon akiro kere nukinisit ŋesi: amamei akirot naaponi kimunonikinai ekabaka namam kitejenunit ŋes. 4Kosodi kedau Akabaka naka Seba aanyun acoa kere naka Solomon, ka etogo da lokeduki, 5#1 Siit 26:16. Inyamat dalukomesake, ka eiboie loka ikebulesin, ka aijaanakin naka ikekeiaanakinak, ka ikecenapen, ka ikekaliak da, ka eititiriake lokedokanaria togo loka EJAKAIT; kimwokolikin eketau.
6Kotema ŋesi ekabaka atiar, “Akirot naabu kapupunite kakwapuka kerai nakabeit naka aswamisiokon, ka akonicoa da, 7Kwabo mam abu keyu akiro ŋun, aitodol naabunio koanyut akakonye: ido koany, mam kalimokinitai atutubet: akonicoa ka akonikerianut itelekarito eemut loabu keira. 8#Awa 8:34. Elakara ikonituŋa, elakara da ikonikeiaanakinak lu, luebwoenenete kakonyenekon apaarasia kere, kopupcte akonieoa. 9#1 Ika 5:7; Ikis 7:8; 2 Siit 2:11; Dan 2:21; 2 Sam 8:15; Sab 72:2; Awa 8:15. Kituritete EJAKAIT Ekonideke loeyalamikin kanukon adakakin; oicoloŋ loka Isirael: naarai abu EJAKAIT komina Isirael ikar kere. Ŋes kituluoria jo ekabaka, aiswamaenen nukabeit ka nuedolito.” 10Koinak ŋesi ckabaka esabu atalatan akwatat ka akaisaarci, ka luewuru maa luipu noi noi, ka amor da nuka akais nuipu: mam eyauna bobo luewuru maa luipu lueriakas kanul luainakini Akabaka naka Seba ekabaka Solomon.
11 #
1 Ika 9:27; Yob 22:24; 2 Siit 9:10. Ido erioŋet loka ameerin nuka Kiram, lokeyauni esabu kOpir, koyau kOpir ikito lukajokak luipu noi noi ka amor nuka akais nuipu. 12#2 Siit 9:11. Kitarau ekabaka ikito lukajokak ipirin luka etogo loka EJAKAIT ka luka etogo loka ekabaka da, adeudeun da ka isabulin luka ikayook: mam eyauna bobo ikito lukajokak lueputos kanul, kwabo mam etakanuna, kiton lolo.
13Kosodi Ekabaka Solomon ainakin Akabaka naka Seba iboro kere lukipuda ŋesi, ŋinibore kere yenikilipi, adepar ŋullukeinakini ekabaka Solomon kotoma asianut naka ekabaka. Kwaŋin kibelokin do, kobono ŋesi akwapuke, ka ikekejaanakinak.
14Alaniru naka esabu loainunitai Solomon kokaru ediopet kerai atalatan akwat akanykape ka akaisakanykape ka nukanykape nuka esabu. 15#2 Siit 9:24; Sab 72:10; Isa 21:13; Gal 4:25. Adepar loainunete ikemutunok, ka agwelanar naka ikagwelanarak, ka loka ikabakan luka ituŋa luinyalakina, ka loka ikayaitok luka akwap. 16Kiswamau ekabaka Solomon ibukwi lukapolok akwat aarei luka esabu loerukuk: nolibuku lokapolon abu koya isekelin akwat akanykape luka esabu. 17#1 Ika 14:26; 7:2. Kiswamau ŋesi ibukwi akwat auni luka esabu loerukuk; ŋolibuku abu koya ilatirin iuni luka esabu: kibwaik ekabaka kes togo loka ikito luka Lebanon. 18#2 Siit 9:17; Bur 1:3,8; Apu 20:11. Bobo da kiswamau ekabaka eicoloŋ lokapolon loka ikel luka etom, kiladaa ŋes kesabu kaloejok noi. 19Keiaas adoketa akanykape oicoloŋ, kolukuna kuiu keicolon kokauke: kejaas akanin epuai kepuai kaibois neiboiere, ka iŋatunyo iarei luabwoete kawaitin nuka akanin. 20Kobwaata iŋatunyo itomon kaluarei epuai kepuai kadoketa akanykape: amamei lokeputos kanol kaiakanut kere. 21Iboro kere lumaset luka ekabaka Solomon keraas luka esabu, ka iboro kere lukotogo loka ikito luka Lebanon keraas luka esabu kaloelai: amameete lukeraas luka epuesa; mam apodoi araut ibore kapaarasia nuka Solomon. 22#Age 10:4; 1 Ika 22:48; 2 Siit 20:36; Sab 48:7; Isa 2:16. Naarai kejai ekabaka erioŋet loka Tarusis aŋolol ncpepe kerionet loka Kiram: abu erioŋet loka Tarusis kobunenenei atipet ŋulukar iuni, ayaun esa bu, ka epuesa, ka ikela luka etom, ka ieomion, ka akweny nukejaas ikorio lukiiesesinei kaluipu.
23Kwaŋin kiteleka ekabaka Solomon ikabakan kere luka akwap kabar ka acoa. 24Komoata lukakwap kere aanyun Solomon, akiirar acoake, nakibwaikinit Edeke otauke. 25#2 Sam 8:2,10; Yob 42:11; Sab 68:29; Mat 2:11. Koinununete ninirunanan ainakineteke, iboro luka epuesa, ka iboro luka esa bu, ka inapen, ka lujiis, ka luewuru maa, ka ibalasin, ka inyubun, esolo loka ŋolikaru.
26 #
Ikis 17:16; 1 Ika 4:26; 2 Siit 1:14; 9:25. Kotukonok Solomon agalin ka ikebwanenok: kejaas ŋes agalin alukumit ka akwat aoŋon, ka ikebwanenok ilukumin itomon ka luarei, lukibwaikinit oreria luka agalin, ka Yerusalem da nekejai ekabaka. 27#2 Siit 1:15. Kitarau ekabaka epuesa asubit bala amor koYerusalem, kitarau iresia asubit bala ikito luka esukumor luejaas apuutona, kanuka aipues. 28#Esk 27:7. Ayaunio ibalasin lukejaas kaSolomon koMisirij kodumut ikagwelanarak luka ekabaka kes kosipanin, nolisipan kotiaike. 29#Yos 1:4; 2 Ika 7:6. Ayaun agali koMisiri kogwelarite kisekelin akwat akanykape luka epuesa, ebalasit da akwatat ka akaisakany: koinununut kes kwaŋin ikabakan kere luka Ikitin, ka ikabakan kere luka Suria kakanikec.
Currently Selected:
1 Ikabakan 10: AOV1961
Highlight
Copy
Compare
Share
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.
