1 Ikabakan 9
9
1 #
2 Siit 7:11; 1 Ika 7:1; 2 Siit 8:1,6; Lim 2:4. Kosodi kanen, kedau Solomon aiduk etogo loka EJAKAIT, ka etogo loka ekabaka, ka eipud kere loka Solomon loisiyalamikinit ŋesi aswam, 2#1 Ika 3:5; 2 Ika 20:5; Sab 10:17; 34:17; Dan 9:23; 1 Ika 8:29; Ikis 11:12. Kitaanyikin EJAKAIT Solomon nakiareit kwape kolo etakanikinor ŋes koGibeon. 3Kotema EJAKAIT ŋes atiar, “Eira eoŋ ailipikon ka aiŋaiŋakon, nailipit kakonyeneka: etalau eoŋ etogo lo, loiduk ijo, aibwaikin ekakiror ikar kere; ejaenenas akonyeka ka etauka nen apaarasia kere. 4#Age 5:22; 6:9; 17:1; 1 Ika 2:4; 3:6; 2 Ika 20:3; Sab 16:8; 128:1; Mik 6:8; Mal 2:6. Ka jo da, arai ilosenenei kakonyeneka, kwape alosencno Daudi papakon, kadolit nakotau, kaitenara, aiswamaenen kwape ejaatar kere nukecorakinit jo, aricenen ikakisila, ka itubesiaka; 5#2 Sam 7:12; 1 Ika 2:4; 6:12; 1 Siit 22:10. Kasodi eoŋ aitieat eicoloŋ loka ajakanutukon koIsiracl ikar kere; kwape esumunio eoŋ Daudi papakon ebe, ‘Mam kimamikini ijo etuŋanan koicolon ioka Isirael.’ 6#2 Sam 7:14; 2 Siit 17:19; Sab 89:30. Konye arai kipaasi anyoun katupit eoŋ, yes arai ikusidwe, komam irieenenete aicorakinetaka ka ikisilaka luebwaikinit kakonyenekus, konye ilosete ijaanakinete idekesio ice, imaete kes: 7#Ikis 4:26; 2 Ika 17:23; 25:21; Yer 7:14; Ikis 28:37; Sab 44:14. Kasodi eoŋ amudiar Isirael kakwap naainakinit kes; acakari etogo lo, loetalaunit kanuka ekakiror kakonyeneka; eraun Isirael awarag ka ikienis katekerin kere: 8#Ikis 29:24; 2 Siit 7:21; Yer 22:8. Karaida kimukurur etogo lo, konye eumokini ninitunanan yenitori, ijuari; ebalasi ebe, ‘Kanukinyo asubakinia EJAKAIT akwap na kwaŋin ka etogo lo?’ 9Eboŋokinete ebe, ‘Naarai apotu kojala EJAKAIT Ekecedeke, lokolo etolomuni lukapapaakec kakwap nako Misiri, kitinata icedekesio, komaata kes, kijaanakis kes: kanuka ŋun abu EJAKAIT koyau aronis na kere mamakee.’”
10Kosodi kanen ketuboros ikar akaisaarei, luadukio Solomon itogoi nul iarei, etogo loka EJAKAIT ka etogo loka ekabaka, 11(Abu Kiram ekabaka loka Turo koinak Solomon ikito luka eres ka ikito luka eberos, ka esabu, kwape ajaar akoteke kere,) kosodi ekabaka Solomon da ainakin Kiram ireria akaisaarei kakwap naka Galilaya. 12Kolom Kiram koTuro alosit aanyun ireria luainakini Solomon ŋes; mam apotu kisiyalamikis ŋes, 13Kotema ŋesi atiar, “Okwe onaeeka, inyoika ireria lu lukiinakinit eoŋ?” Komaik kes akwap naka Kabul, kiton lolo, 14Abu Kiram kijukak ekabaka atalatan akwatat ka akaisaarei nuka esabu.
15 #
1 Ika 5:13; 2 Sam 5:9; Yos 19:36; 17:11; Tub 1:29. Abu ekabaka Solomon kitelem esolo kanuka nu: adukio etogo loka EJAKAIT, ka eketogo elopet, ka Milo, ka arwatat naka Yerusalem, ka Kasor, ka Megido, ka Geser. 16#Yos 16:10. Abu Parao ekabaka loko Misiri kolot, kipiko Geser, kicwe kakim, koar Ikanaanin lueboiete kore, koinak araun akorakinet naka akokuke, aberu naka Solomon. 17#Yos 16:3; 21:22; 2 Siit 8:5. Koduk Solomon Geser, ka Bet-koron lokajesa. 18#Yos 19:44. Ka Baalat, ka Tamar toma amodiŋ, akwap naka Yuda, 19ka ireria kere lukinadet luajaas ka Solomon, ka ireria luka agalinike, ka ireria luka ikebwanenokoke, ka luepuda Solomon aiduk aisiyalamikin ŋes koYerusalem, koLebanon, kakwap kere naka airumiteke. 20Ituŋa kere luedeunos luka Imorain, ka Ikitin, ka Iperusin, ka Ikibin, ka Iyebusin, lumam araas luka idwe luka Isirael; 21#Tub 1:21; 3:1; Age 9:25; Esr 2:55; Nek 7:57; 11:3. Ikeeedwe luedeunos atupakin kes kakwap, lumam apedorete idwe luka Isirael amudiar cut, kolemununei Solomon iitubusiana kamakee, kiton lolo. 22#Leb 25:39; Yer 34:14. Konye mam Solomon abu kitarau idwe luka Isirael ibulesin: konye araas kesi ikajiok, ka ikejaanakinakake, ka ikapolokoke, ka ijakake, ka ikayaitok luka agalinike ka luka ikebwanenokoke.
23Ŋul kes ijaka lukapolok luayaito aswam naka Solomon, akwat akany ka akaisakany, luerumito ituŋa lueswamaete aswam.
24 #
1 Ika 3:1; 7:8; 2 Siit 8:11; 32:5; 2 Sam 5:9; 1 Ika 11:27. Konye konyou akoku naka Parao kore loka Daudi alosit togoke loadukokinit Solomon ŋes: kosodi ŋesi aiduk Milo.
25Abu Solomon koinak irwan auni nolikaru ainakineta nuieweio ka ainakineta nuka ainapakin kotem loadukokinit ŋesi EJAKAIT, kisupuru lukisupurununo kotem loajai akonyen nuka EJAKAIT. Kodau ŋesi kwaŋin etogo.
26 #
Mar 33:35; Ikis 2:8; 1 Ika 22:48; 2 Siit 20:36. Kiswamau ekabaka Solomon erioŋet loka ameerin koEsion-geber, naedunyas ka Elot, kodoket loka Aŋolol Nakareijan, kakwap naka Edom. 27#1 Ika 5:6,7; 10:11. Kijuka Kiram ikekejaanakinak toma ameerin nun, ikekwaŋak luajai aijcn nuka aŋolol, nepepe kikejaanakinak luka Solomon. 28#Age 10:2; 1 Ika 10:11; 2 Siit 8:18; Yob 22:24; Sab 45:9; Isa 13:12. Kopotu Opir, koomata esabu kanen, atalatan akwat aoŋon ka akaisaarei, koinut ekabaka Solomon.
Currently Selected:
1 Ikabakan 9: AOV1961
Highlight
Copy
Compare
Share
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.
