१ थेस्लोनिकि 3
3
1ओहेस जब हमर्स्या तोर्सिक बारेम चिन्ता करिक रह नाइ सक्ल्यो त एथेन्स सहरम हम आ सिलास रहलाहार फैसला कर्ल्यो, 2आ तिमोथिका चाहिं तोर्सिलग पठाइल्यो। उ हमर्सिक भाइ आ खिरिस्टक बारेम खुसिक खबर सुनाइलाहार पर्मेसोरक सेबक स्यो। तोर्सिका बिस्वासम जोर्गर बनाब आ हौसला दिअ लागि हमर्स्या ओक्रा पठाइल स्यो। 3सताबटक कारनस तोर्सिक बिस्वास नाइ डग्मगाउस कहिक हमर्सिक इच्छा छलो। तोर्सिका थाहे छो कि पर्मेसोरम बिस्वास कर्ल कारनस आपन्सिक उप्रिम सताबटसब एतो कहिक। 4किरकि जब हमर्स्या तोर्सिसङ छल्यो त आपन्सिका दुख भोग पर्तो कहिक अगाहि कहल छल्यो। अखन साँच्चेक ओनाहिमे भेलो, उ तोर्सिका थाहा छो। 5ओहेस जब हम्रा तोर्सिक बारेम थुप्रे चिन्ता लगिक रह नाइ सक्ल्यो त तोर्सिक बिस्वासक बारेम बुझ लागि हम तिमोथिका पठाइल्यो। किरकि सैतानले तोर्सिका पापम फसाइक हमर्सिक कर्ल मेहेनतका बिगारल्को कि कहिक हम्रा डर लग्ल छलो।
6तर अखन तिमोथि तोर्सिलगस हमर्सिलग आइक तोर्सिक बिस्वास आ मयाँक बारेम एक्दम अस्लि खबर सुनाइल्को। ओइले हमर्सिका एहो कहल्को कि तोर्स्या हमर्सिका मयाँ करिक सब्दिन सम्झछ आ हमर्सिएक जक्या तोर्स्याहु हमर्सिका भेट चाहाछ। 7ओहेस ए हम्र दाजुभाइ आ दिदि-बहिनसब, तोर्सिक बिस्वासक खबर सुनिक हमर्स्या दुख आ सताबटम पर्ल जुमा पनि हौसला पाइल स्यो। 8किरकि तोर्स्या प्रभुम जोर्गर भेल बातका सुनिक हमर्सिका लया जिबन पाइल जक्याहि भेल छो। 9एक्र लागि हमर्स्या पर्मेसोरका जतेक धन्येबाद देबो तैयो कम हेतो। किरकि तोर्सिक कारनस हमर्स्या पर्मेसोरक अगाम एक्दम आनन्द महसुस कर्ल स्यो। 10हमर्स्या तोर्सिसङ फेरि भेट् हब सकुस कहिक दिन-रात पर्मेसोरका पर्थना कर्स्यो, ताकि तोर्सिक बिस्वासम जुन बातक कमि छो उ सब पुरा कर सकुँ।
11आब् आपन्सिक पर्मेसोर बाप आ प्रभु येसुवेले तोर्सिलग आइलाहार हमर्सिक लागि पैरा खुजालि दिउस। 12जेनामे हमर्स्या तोर्सिका मयाँ कर्स्यो, ओनाहिमे प्रभुले तोर्सिका पनि एक-दस्रोका आ सभे मानुकसिसङ झन आरो मयाँ कर्लाहार बनाउस। 13अनि आपन्सिक प्रभु येसु आप्न सभे पबित्र मानुकसिसङ फेरि आब्त खुमा आपन्सिक पर्मेसोर बापक अगाम तोर्सिक मन पबित्र आ निर्दोस हबजोगत तोर्सिक मनका जोर्गर बनाउस।
Currently Selected:
१ थेस्लोनिकि 3: DANU
Highlight
Copy
Compare
Share
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.
