Matthieu 22

1Nè Jésus ba oui̱ne to ho ouo̱‐o nè donggo‐oui̱ne o da, ègui̱:

2Nou‐ouane li‐zane mè amâ dè ma ouane nè koa dè mariage nèda bi̱‐oui‐ouili k’è. 3N’a toumbou oui‐gossala ko‐a o oui̱ne samo ho ouino‐o n’a aka ouo̱‐o oui̱ne joko mariage hi; mais ndo ouo̱ tè kodaka o oui̱ne tèno nè. 4N’a toumbou mbé oui‐gossala ko‐a o da, a to oui̱ne ho ouo̱‐o, ègui̱: Ènè to oui̱ne ho ouino‐o no‐m’ samo ho ouo̱‐o hi, ègui̱: Joko, mi dafa mo‐yongo ko‐m’ sa, mi gbè nda o, do sadi o nè no̱ ouinè hi sa, mi dafa mo sa nè oli, ènè tèno ènè joko da mariage ouo̱. 5Mais ndo ouo̱ zili ko‐ouo̱‐o hè banggala oui̱ne go, ndo ouo̱ chi ko‐ouo̱‐o, ma nè k’è di sènè fo k’è, nè ma nè k’è guènè hè mo k’è; 6ndo koliè o ba oui‐gossala o, ouo̱ dè nanmo do ouo̱‐o, ouo̱ gbè ouo̱‐o. 7Sèlè ouane himi; n’a toumbou toulougou ko‐a o, ouo̱ gbè oui‐gbè‐ouili o ou‐è, ouo̱ do sarli̱ ko‐ouo̱‐o. 8Kèchida, n’a to oui̱ne ho oui‐gossala ko‐a o, ègui̱: Mi dafa mo‐mariage sa; mais ouino‐o no‐m’ samo ho ouo̱‐o hi ouo̱ tè oui o nè. 9Ènè nèno o di sassa‐koulou‐ouara o, ènè samo ho ouino‐o n’ènè tè pa o hi ho ouo̱ tè mariage ouo̱. 10Ndo oui‐gossala o nèno o liouara nè oli, ouo̱ to ouino‐o di‐jou‐ma nè oli ndo ouo̱ pa ouo̱‐o hi, nan ouili do dè ouili o, nè toa mariage dounou nè ouili o n’a samo ho ouo̱‐o hi. 11Nè ouane lé toa guènè joko ouino‐o nè doungounou ka tablo hi, n’a joko ma ouili pome nè tè pi toulou mariage té a nè. 12N’a to oui̱ne h’a, ègui̱: Ouigara, mè déè tan hègo gui̱ ko mè lé nè di sènèmo̱ kè toulou mariage to mè bènè gui̱ndi? Nè ouaïl’è oui dè pikifi oui̱ne go. 13Nè ouane to oui̱ne ho oui‐gossala k’è o, ègui̱: Ènè hèl’a dè yanga o, dè él’a o, ènè pi a di‐zane sènè toum di oloyara hélikoa dè yongo‐yini ouo̱‐o. 14Nèdaka ouino‐o n’a samo ho ouo̱‐o hi, ouo̱ nè doko, mais ouino n’a hoko ouo̱‐o hi, ouo̱ o̱ jome nè.

15Ndo pharisien o chi guènè ma oui̱ne oui̱ne fa liouara oui̱ne ba Jésus nèda oui̱ne bo‐a.

16Ouo̱ toumbou disciple ko‐ouo̱‐o do hérodien o dida k‐a nè, ko ouo̱ to oui̱ne o, ègui̱: Maître, alè i̱ngi ko mè nè mbouo ouili nè mbètè, ko mè oussou nè liouara kè Nzapa nè bolèn, mè dè fouyou kè ma ouili pome nè, nèdaka mè joko da mo ko ouili o nè. 17Mè to hè’lè, mè li̱nggui ko‐mè bè to mè hègo gui̱ndi? dièouinè hè’lè pi l’impôt hè César ndi; kèo̱nè alè ya pi h’a nè ndi? 18Nè Jésus i̱ngi nanmo ko‐ouo̱‐o, a pikifi oui̱ne, ègui̱: Nè oui̱ne gui̱ h’ènè yobo no‐m’ o gui̱ndi, oui‐zèguèlè o? 19Ènè oussou ngui̱znè ndo ouo̱ pi nè l’impôt o ho‐m’. Ndo ouo̱ ba franca tèno h’a. 20N’a aka ouo̱‐o, ègui̱: Zizi‐oui dè yini‐oui, ndo ouo̱ déè ngo a, nè kè ndo ndi? 21Ndo ouo̱ pikifiè h’a, ègui̱: Nè kè César ouo̱. N’a to oui̱ne ho ouo̱‐o, ègui̱: Ènè ha mo hè César nè nè mo kè César hi, n’ènè ha mo hè Nzapa nè nè mo kè Nzapa hi. 22Ouo̱ koukou oui̱ne sènè oui̱ne d‐è ndo ouo̱ zili o hi, ouo̱ é a o, ouo̱ chi o.

23Nè po po‐ouichi hi ndo saducéen nè to oui̱ne bo‐lo‐o, ègui̱: o fio tounou o nè ouo̱ hi, ouo̱ tèno dida Jésus nè oui̱ne ak’a hègo: 24Maître, Moise toa hè’lè, ègui̱: O̱nemo ouili fi, kè bi̱me ko‐a bènè, nè yan ko‐a ouiè ba ko‐goulou hè ko bi̱me hè é olo yan ko‐a ouo̱. 25O yan bo̱bo̱’lè o mbéa‐pomè‐kè‐pakana. Nè akouti bi̱me ba ko, n’a fi; nèdaka nè bi̱me él’a bènè, n’a é ko ko‐a hè yan ko‐a. 26Oui̱ne d‐è pa ouo̱‐o pome pome nè oli mono nè di koli ndouti‐koli bi̱me mè bo. 27Kè olo ouo̱‐o nè oli, nè ouiko k‐è fi k’è bo. 28Nè po‐ouichi ndo fio tè tounou nè hi, kè ouaïli ouiko k‐è bo̱bo̱ ouino‐o mbéa‐pome‐kè‐pakana hi nè ndo ndi? Oui̱ne ouo̱ nè oli ba a pa to ouo̱‐o nè oli. 29Jésus pikifi oui̱ne ho ouo̱‐o, ègui̱: Ènè yoa da oui̱ne o nèdaka n’ènè tè i̱ngi dome mbèti kè Nzapa dè ngaïli ko‐a o nè. 30Oui̱ne nè po‐ouichi tounou‐fio, bè ko ouili dè mariage o go, bè ko ouo̱ ha ouiko nè mariage o go, mais ouo̱ tè o̱ hè ange kè Nzapa li‐zane mè go. 31Mais oui̱ne kè tounou‐fio o, ènè tè toro oui̱ne d‐è nè Nzapa toa h’ènè‐o siti hi nè ndi, ègui̱: 32Mi nè Nzapa kè Abraham, mi nè Nzapa kè Isaac, dè Nzapa kè Jacob ouo̱? Nzapa bènè Nzapa fio o go, mais a nè Nzapa ko touni o. 33Ko ba doko ouili zili nè oui̱ne — d‐è, ndo ouo̱ koukou oui̱ne ouinè nèda oui̱ne n’a oussou hi.

34Ko pharisien o hè zili hèmo n’a hèlè to sadducéen nè oui̱ne ko‐a o higo, ndo ouo̱ to di‐jou‐ma o, 35nè ma kètè ma bo̱ ouo̱‐o, n’a nè kotè‐mboulou hi, ak’a oui̱ne fa liouara ko‐a, a to oui̱ne, ègui̱: 36Maître, mboulou bèi nè gana ma nè oli nè i do ndi? 37Nè Jésus pikifiè h’a, ègui̱: Mè ko Seigneur Nzapa ko‐mè nè ko sèlè mè nè oli, dè dana mè nè oli, dè li̱nggui‐mo ko‐mè nè oli ouo̱. 38È nè akouti jou mboulou nè di̱ngguè gana ma nè oli. 39Ma mboulou pat’a nè amâ do a nomo: Mè ko béa mè hè kili to mè go. 40Ba doko mboulou o do prophète o ma nè ouara tè mboulou no‐o litou hi iè.

41Ndo pharisien o toua nè di‐jou‐ma hi, nè Jésus aka ouo̱‐o, 42a to oui̱ne, ègui̱: Ènè li̱nggui oui̱ne kè Christ bè tè bè’nè‐o hègo gui̱ndi? A nè bi̱‐oui‐ouili kè ndo ndi? Ndo ouo̱ pikifiè h’a, ègui̱: Bi̱‐oui‐ouili kè David ouo̱. 43N’a to oui̱ne ho ouo̱‐o, ègui̱: Sè nè gui̱ nè David, nè ouara tè l’Esprit, s’a nè Seigneur, n’a to nè oui̱ne, ègui̱:

44Seigneur hè to oui̱ne hè Seigneur ko‐m’, ègui̱:

Mè doungounou ouara ouiliko,

Iyaa ho‐m’ kara nè oui‐sène ko‐mè hè dè mbata‐é‐do̱‐yang’a mè sè ouo̱ gui̱ndi?

45Hèmonggo, o̱nemo David s’a nè Seigneur, sè n’a o̱ nè bi̱‐oui‐ouili ko‐a hègo gui̱ndi? 46Ma ouili pome oui dè pikifi oui̱ne h’a go. Olo po‐ouichi i, ma ouili pome tè po t’è oui̱ne ak’a sènè ma mo nè.

Currently Selected:

Matthieu 22: GBANU

Highlight

Copy