Liuk 5
5
Jizȯs okuo mbed inian̄
(Matiu 4:18-22; Mak 1:16-20)
1Uso sin̄ sighi Jizȯs ala ki ndek apa Jenezared, otu-in̄wi edikan Anyi ekuk edegie nsen̄e anin̄ Ahta-Etie. 2Anyi akid upȯk ubo ukuȯ-eyak iba ki ndek apa Galilii, ami ima anyinye egbȯn̄ȯ-eyak ekebono eje iyre imi. 3Jizȯs ȯluk ubo sin̄ kotu ani ami akenni anin̄ Saimȯn, ȯnȯn̄ ȯdȯhȯ anyi aten̄e adia ki ndek-isȯn̄ ntiti. Anyi atuak-otio ki ȯvȯhȯ ubo edepiek otu-in̄wi mpȯ. 4Kini Anyi ama akepiek in̄wi mpȯ ekre, Anyi ȯdȯhȯ Saimȯn, «Ggbe ubo luk utun̄ȯ-mmȯn̄ luȯn̄ȯ iyre man ȯmȯ eyak.» 5Saimȯn ȯbrȯ Anyi, «Ȯgwȯn̄-Etie, inyin ikinne otuitu uto afid ȯkȯ-eje idime ukeme idimȯ eyak, ani inyin imȯ nze sisin̄-o, siakeni avi ȯdȯhȯ, inyin midio iyre. 6Kini Saimȯn ma iyubo iseghe enne sighi Jizȯs ȯdȯhȯ imi, imi emȯ ata awikiwak eyak. Eyak akawak tutu iyre imi ȯtȯn̄ȯ idiwaha. 7Imi efȯn̄ ubȯk ekuȯ nsisan̄a imi ki ubo ukuȯ-eyak anyeki edinwam imi. Imi edidȯn̄ eyak eyȯk ubo iba ani tutu ubo imi apine idisip. 8Kini Saimȯn Pita akid si Jizȯs enne, anyi ȯtȯn̄elȯn̄ kenye anin̄ Jizȯs ȯdȯhȯ, «Lahayak mi Ȯgwȯn̄-Etie, siaki ami n̄ni udiȯk-in̄wi.» 9Pita akatan̄ sen siaki anyi ma iyubo iseghe ekebak ki mpile ki idimȯ utȯ awikiwak eyak ani. 10Ille ȯkȯn̄ epe Jems ma Jȯn, iyo anin̄ Zebedi ami ekenni nsisan̄a anin̄ Saimȯn. Jizȯs ȯdȯhȯ Saimȯn, «Kuyak udulan̄a ȯmȯ fi. Tȯn̄ȯde kemi deka avi adini ȯkuȯ anwi.» 11Kini imi egbe ubo edisim isȯn̄ esuk, imi elian̄a eyak afidefid-mpȯ ekȯn̄ Jizȯs.
Jizȯs ȯkȯk anwi apamvia
(Matiu 8:1-4; Mak 1:40-45)
12Uso sin̄ sighi Jizȯs abak kudun̄ sin̄ ki ipehe Galilii, anwi sin̄ ami akatak apamvia ȯyȯk ille adiebine Anyi. Anyi adi tȯn̄elȯn̄ ȯsu anye kisȯn̄ ape Anyi ubȯk, «Ȯgwȯn̄-Etie, aneki Avi anyime, Avi akime idikȯk mi ulȯn̄ȯ.» 13Jizȯs anya ubȯk ȯtu anyi ȯgȯ, «Ami nyime, bȯhȯ ukȯk» Pa ki ukem ini ani, ulȯn̄ȯ apamvia ekre anyi. 14Jizȯs ȯdu anyi utȯn̄, «kudȯhȯ anwi sisin̄ sighi ulȯn̄ȯ avi enne edekre-o, ani gbo n̄nenen ka Obio anin̄ Ahta-Etie ki Jeruzelem be ille fi kagbȯ ȯgu yak ȯduȯn̄ȯde fi ille ase ni ulȯn̄ȯ ekre fi kapanikwȯ. Avi nȯ mpȯ uwaa sighi ibed anin̄ Moses ȯdȯhȯ anwi apamvia ami ȯbȯhȯ ukȯk ȯnȯ. Aneki enne sen, in̄wi mefiak kevi ȯbȯhȯ ukȯk kapan. 15Pama ken, etie ki Jizȯs akime idikȯk in̄wi ulȯn̄ȯ atamatam asuana kudun̄. Ki ntak ani, otu-in̄wi edi idigie upiekmpȯ Iseghe, ilaha ibȯho ȯkikikȯk isie Anyi. 16Ani Jizȯs asan̄a awak ididia iyak otu-in̄wi ikibȯn̄ akam ki ofio.
Jizȯs efen-ȯnȯ alaha ȯkȯk anwi epuben̄
(Matiu 9:2-8; Mak 2:1-12)
17Uso sin̄ sighi Jizȯs epiek in̄wi mpȯ, ima Farisi ma ima epiek ibed ebak keni ami ekesie udun̄ Galilii, Judia ma Jeruzelem edi. Ulu anin̄ Ahta-Etie akabak ma Anyi ȯyȯhȯ-yȯhȯ idikȯk in̄wi ulȯn̄ȯ. 18Kadan̄a ini sighi Jizȯs akanye epiek mpȯ, ubiak in̄wi ekebe anwi ami ȯkȯlȯn̄ȯ epuben̄ ki emen̄ (mpana) etime idiluk ȯvȯhȯ uvȯk man Jizȯs ȯkȯk anyi ulȯn̄ȯ. 19Ani kini imi nama ekime idiluk ȯvȯhȯ uvȯk asie sighi in̄wi edewak, imi enien̄ ȯnyȯn̄ ȯkikȯ ekesu anyi enim usuhusoho ma puk Jizȯs okotio. 20Kini Jizȯs afiak ki imi enye mbuȯdile ki ille Imi, Anyi ȯdȯhȯ ȯlȯn̄ȯ ulȯn̄ȯ, «Usȯ, efen ima udiȯk-mpȯ avi.» 21Ani ima Farisi ma ima epiek ibed ebid ile-imi ȯgȯ, «Anyi nda ami seni onon̄o etan̄ udiȯk nsen̄e edian si imi inni Ahta-Etie? Onon̄o anwi senye ulu ede efen udiȯk-mpȯ kogbo-ayak Ahta-Etie?» 22Ani siaki Jizȯs akafiak akikre imi, Anyi abid imi, «Nsienne ifi inye utȯ ndiȯk akikre ani? 23Onun̄ sofo-ile ekie; ma ididȯhȯ, efen udiȯk-mpȯ avi, ma ididȯhȯ, lahala san̄a?» 24Ani ulahami ma nkȯk ulȯn̄ȯ ami man ifi ifiak ki Ami Oyo Anwi nye ulu kisȯn̄ idifen udiȯk-mpȯ. Anyi ȯdȯhȯ ȯlȯn̄ȯ epuben̄, «Ami ndȯhȯ fi, lahala be emen̄ (mpana) avi nyȯn̄ uvȯk.» 25Inisin̄inisin̄, anyi alahala kenye otu-in̄wi abe emen̄ iseghe ami anyi akede anna otro Ahta-Etie ȯnyȯn̄ uvȯk. 26Ile-epe afidefid in̄wi etieti, imi enȯn̄ enȯ Ahta-Etie itro ego, «Inyin ikid utibe mpȯ mfin.»
Matiu ȯbȯhȯ Utib
(Matiu 9:9-13; Mak 2:13-17)
27Ken amakogbo, Jizȯs alaha ki mbieni akakid ȯbȯhȯ utib sin̄ ami ekekre Livai sighi otio kuvȯk uto iseghe, ani Jizȯs ȯdȯhȯ anyi, «Lahala kȯn̄ Mi dini mbed Ami.» 28Kini Livai agie, anyi alahala ayak afidefid mpȯ obono, asa uto iseghe si ȯbȯhȯ utib ayak ȯkȯn̄ Jizȯs. 29Ken amakogbo, Livai enne opono usrȯ kuvȯk iseghe idipono Jizȯs. Awikiwak ima ȯbȯhȯ utib editio kopokro ma onun̄ isie-in̄wi ellia mpȯ ma imi. 30Ani ima Farisi ma ima epiek ibed, edisuhe enȯ ima mbed anin̄ Jizȯs kuyrazid egȯ, «Nsi enne ifi illia inȯn̄ inwȯn̄ mpȯ ma ima ȯbȯhȯ utib ma ndiȯk in̄wi?» 31Ani Jizȯs ȯbrȯ ima Farisi ki ebetȯ ȯgȯ, «Enni imami ille otu esan̄a eluȯn̄ȯ ebehe-o, ani ima ȯlȯn̄ȯ-ulȯn̄ȯ esan̄a eluȯn̄ȯ ebehe. 32Ukem sen, ami an̄kendi idikuo ineninen in̄wi-o, ani n̄kindi idikuo imami efiak ki imi ini ndiȯk in̄wi ekabadezid esa ndiȯk mpȯ eyak.»
Ebid Jizȯs mbid eban̄a utruullia
(Matiu 9:14-17; Mak 2:18-22)
33Ubiak in̄wi edibid Jizȯs, «Sennedeghe mbed anin̄ Jȯn ȯluȯk-mmȯn̄ ma mbed anin̄ ima Farisi esan̄a etio utruullia enȯn̄ ebȯn̄ akam, ani mbed Avi kellia enon̄ en̄won̄ mpȯ?» 34Jizȯs ȯbrȯ imi, «Enni edeghe mpȯ nsisan̄a anin̄ ebie-nlȯ ami ebak kusrȯ nlȯ iditio utruullia kini ebie-nlȯ abak ma imi.» 35Ani uso madi ami edibe ebie-nlȯ iyak imi, ini ani imi metio utruullia. 36Anyeni amakogbo, Jizȯs atan̄ nsen̄e ki ebetȯ ȯnȯ imi ȯgȯ, «In̄wi ekime ifee nyava upok ȯvon̄ ikim idian ma akan ȯvȯn̄-o. Aneki enne sen, imi mebiad nyava ȯvȯn̄ ani. Ngo, nyava upok ȯvȯn̄ ani edisan̄a sin̄ ma akan-o. 37Ukem ani ngo, in̄wi ekime inwian̄a nyava ekie-mmi idȯn̄ ki akan otu-ipe-o, aneki enne sen, nyava ekie-mmi masiak akan otu-ipe mmi akaba atak, otu-ipe alaha abira. 38Kutȯ ntak ani, anasi in̄wi enwian̄a n̄yava ekie-mmi edȯn̄ ki n̄yava otu-ipe man asie ken ekie-mmi ma otu-ipe ebak ki edeghe nlaha. 39Avi uduluȯn̄ȯ idiwȯn̄ nyava ekie-mmi kama ȯkȯwȯn̄ akan ekie mmi-o. Siaki adikre keni akan annie ekie.
Currently Selected:
Liuk 5: EBG
Highlight
Share
Compare
Copy
Want to have your highlights saved across all your devices? Sign up or sign in
Ebughu Bible by Beyond Translation is licensed under Creative Commons Attribution-ShareAlike 4.0 License.
