Lawana Nani 64
64
LAWANA 64 (63)
Dawan hilpka makabaia wan kaina kahbaia dukiara
Aiwani nani tâ bri wina. Debit lawana.
1Dawanki, maimna lulkisna na wals;
waihli saura nani ba wina rayaki kan kahs.
2Watawi dadaukra nani ba wina, ai yukuks
bara yukuwan ra diara daukaia luki ba wina sin;
watawikira nani yukuwi ai ikaia pliki ba wina ai dakbi ai sâks.
3Baha nani ai twisa, sord baku mala dauki
bara trisba nani lulki baku,
bîla saura puisin nani aisisa.
4Yukuwan ba wina upla pâtkas ra lulkisa
upla ba ai dahra walras sa wisi lulkisa,
sibrin sin lukras.
5Witin nani ai tila kat sin saura daukaia lukisa;
witin nani mini alkaia wisi, yukuwan ra daukisa
bara sin lukisa, upla sip witin nani ra kaikras.
6Upla kumi sin witin ai watawanka ba tânka pliki kaikbia apia.
Sakuna baha upla lukanka sut tânka
kaikaia sip ba, upla lukra kupia mununhtara bri ba,
witin baha tânka pliki kaikbia.
7Dawan bui witin nani ra ai trisbaya nani
wal ai dahra walras kaka sabia;
8bara witin nani ai aisinka ba mita kauhbia
bara ya ya kabia, witin nani ra kaiki ai lawaska kikbia.
9Bara upla sut Gâd ra kulkbia,
baku sin upla sut aisi kabia dîa daukan ba
bara tânka bribia, witin dîa daukan ba.
10Upla pain ba lika, Dawan liliaka bribia
bara witin ra ai yukuwaika bribia,
bara upla nani kulkanka bri ba
baha dukiara ai âuyapah bribia.
Currently Selected:
Lawana Nani 64: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
