Lawana Nani 63
63
LAWANA 63 (62)
Dawan bui upla ra âuyapah kaia lâka yabisa
Debit ulban witin Juda upla iwras tasbaya ra kata ba piua ra.#1 Sa 23.14.
1¡Gâdki, man ba yang Dawanki sma!
Yang lika man ra brin ai dauki kira mai plikisna,
kan diran ai dauki ba mita
yang rayaki aiska ba,
man dukiam takan ai daukisa.
Sim tasba lâwan, lî âpu, rayaka;#Law 42.1-2; 143.6.
sin âpu ba baku sna.
2Dawan, man wal aisaia wamtla ra wamna,
man wal prawan ai daukisa, baku mika man karnikam bara
pramna ingnika ba kaikan ai daukisa,
3kan man lamtwanka lâka ba sika,
upla rayaka ba wal kau kanra mana sa.
Yang bîli ba wal man ra mamyunamni;
4yang rayaki aiska ra, man ra yamni mai wimni,
bara mihti nani buki man ra puri sunamni.
5Yang âuyapah pali takamni,
upla nani pata tara kum ra,
pih ai âuyapah lilia taki ba baku,
bara yang bîli ba liliakira man ra mamyunbia.
6Tihmia ra, yang mahka prawisna,
bara yang lika man ra kupi krauki mai lukisna;
7kan man sika yang hilpki sma ba.
¡Man tnamya distika ra, yang âuyapah kamni!#Law 17.8; 91.4.
8Yang rayaki aiska man ra asla prakan sa;
man mihtam aihkika ba ni, ai alki ai brisma.
9Baha nani ai ikaia luki ba sut,
raiti tihuka ba ra kauhbia;
10witin nani sord mapara kauhi prui tiwbia,
bara yul wail nani ba mita alki pibia.
11Sakuna king ba lika, Gâd ra lilia tara bribia;
witin ra swer taki lilia lawana aiwani mayuni kabia,
sakuna kuninkira nani bîla ba lika, prakan kabia.
Currently Selected:
Lawana Nani 63: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
