Lawana Nani 62
62
LAWANA 62 (61)
Gâd ra baman wan yukuwaika kumi sa
Aiwani nani tâ bri wina, Jedutún. Debit lawana.
1Gâd ra baman yang kupia kumi lâka ba sakisna;
swaki ai sakan lâka ba witin wina aula.
2Witin baman swaki ai sakisa
bara kaini kahbisa.
Yang kauhamna apia,
kan witin ba yukuwaiki sa.#Law 46.
3¿Ahkia kat man nani aiklabi puri luma
bara mâyara ai batakma,
sim utla kutbanka ra tuktan kauhi ba baku,
apia kaka kutbanka kum
tasba ra kauhaia man ba baku?
4Tasba kat ai batakaia baman lukisma,
brinkam kau tara ba sika kunin ba.
Bîlam wal lika yang ra mayunisma,
sakuna lukankam wal lika ai lahtubisma.
5Yang lika Gâd ra baman kupia kumi lâka sakisni,
kan yang bîli kaikanka ba sika witin wina aula.
6Gâd wina baman swaki ai sakan lâka aikisa,
witin ai swika kauhamna apia,
kan witin sika yang yukuwaiki ba.
7Gâd ra baman ai swaki sakan lâka bâra sa,
bara ai kulkisa sa sin;
witin sika kaini kahbaiki bara yukuwaiki sin.
8¡Upliki nani, witin ra kasak luki ban bas!
¡Witin ra aisas puram sunra ni kupiam aiska luki kira!
¡Dawan sika wan yukuwaika ba!
9Upla ba diara bahki man luki kaikisa
upla umpira ba, upla yuyakira ba wâlsut
paun ra mangki kaikma kaka
witin wâlsut ba diara apia sa.
10Praut lâka ra kasak lukpara;
¡implikaia ba yabrika man dawankam takbiara!
Man nani yuyakira takma kaka
bara man lalahkam ra kasakkam lukan ba mangkpara.
11Kau aima kumi walri
naha Gâd aisin ba:
karnika ba, bara latwan lâka ba
witin ai dukia sa.
12Bara witin lawi upla bani ra
mana yabisa dîa daukan ba tânka kat.#Job 34.11; S L 24.12; Jir 17.10; Isi 18.30; 33.20; Mt 16.27; Ro 2.6; Par M 2.23.
Currently Selected:
Lawana Nani 62: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
