Lawana Nani 61
61
LAWANA 61 (60)
Gâd wan kaina kahbi ba kat kasak lukaia
Aiwani nani tâ bri wina, gitar sâtka nani brih aiwanaia nani. Debit lawana.
1Gâdki latwan tara brih inisna ba,
yang ra wals;
puri sunra na kiama pri tniki wals;
2tasba paski takaskan ba wina man ra winisni,
kan kupi ba swapni takisa bamna.
Baha walpa pura ba ra ai suni swaki ai sâks;
3kan man sika yang yukuwaiki sma.
Man sika tawer karna ba baku sma,
waihli wina swaki ai sakaia.
4Wamtla ra ban iwi kaia want sna,
tnamwa distika ra ai yukuki ai bri kama.#Kli S 32.10-11; Law 17.8; 63.7; 91.4.
5Man, Gâdki, pramiski nani ba walram;
bara man bui sin prapatiki ba aikram
baha nani man ninam kulki bri nani ba ra sin.
6Man king ra, rayaka yari kum yas;
mani nani ailal, ailal iwi kaia.
7Bara man yamnikam ba wal ban iwi kabia,
man lamtwanka lâka bara kasakkam lâka ba ni sin main kaiki bas.
8Baku yang ninam mayuni kamni piua bani ra,
bara yang pramiski nani ba,
yu bani aiska daukamni.
Currently Selected:
Lawana Nani 61: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
