Lawana Nani 60
60
LAWANA 60 (59)
Dawan hilpka makabi pura sunra
Aiwani nani tâ bri ba wina, “Tangni nani tiunka”. Naha Debit ulban upla wala ra smalkaia, Aram uplika nani, Naharaim Sobá wina nani ba bara Joab mapara sin aiklaban bara, kli tawi balan ra Saúl ilka bîla ra Edom uplika nani 12,000 ba pura luan.#2 Sa 8.13; 1 Kr 18.12.
(Lawana 108.6-13)
1Gâd, man lawankam ba mita wan lulki wan swiram sa,
ba mita âpu wan daukram;
¡bamna wan karnika ba nanara kli laki wankma!
2Man mita sika tasba ba nikbi baikram;
¡bara nanara baiwanka nani ba praks, kan kalhwi auya sa!
3Man uplikam nani ra pât saura yaram sa,
baku sin wain diaia yaram,
wan sinska aihka takan sa.
4Man ra mai kulki nani ra tukin kum yabisma,
baha trisbaya lulki ba wina swakwi takaia dukiara.
5¡Pana wan aisas, swaki sin wan sâks man karnikam ni!
¡Dakbi sâks baha nani man latwan kaikisma ba!
6Dawan aisin, holikira aisaia watla ra:
“Ani liliaka ni Siquem baiki sakamna
bara Sucot ilka bîla ba yui yabamni.
7Galaad bara Manasés ba yang duki,
Efraín lika laila pura prakaika sa,
Juda ba lika yang wapaiki dusa.
8Moab ba mihti sikbaia bisinka daukri;
Edom purara sûski ba lulkamni;
filisteo uplika nani purara lika,
pura luri ba dukiara winamni.”
9¿Ya ai brih wabia baha tawanka kutbanka ra?
¿Ya tâi brih, Edom kat ai brih wabia ki?
10Gâd, man, yang nani ra lulki wan swiram sa,
¡aiklaklabra nani yawan bri ba wal man waras sma!#Law 44.9; 108.11.
11Hilp wan muns, wan waihla nani ba mapara
kan upla wina wan tâ baikanka âpu sa bamna.
12Yang nani Gâd hilpka ba wal lika,
sip kabia diara tara nani daukaia;
¡witin bui sin wan waihla nani ba
âpu sauhki tikbia!#Law 44.5.
Currently Selected:
Lawana Nani 60: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
